2 KHANGTHUBU 14:14 - PATHIEN LEKHABU THIENGTHO (BSI)

¹⁴ Chun, Gerar vela khuo cheng pheng te chuh a susie thei tau a, Lalpa chu a lau tau a. Khuo chengcheng chu a buluh u a, gâllâk sum tamtak a lau a.

2 KHANGTHUBU 14:14 ပူးပေါင်းရင်းမြစ်များ

2 KHANGTHUBU 17:10

Chun, Juda gam vel chengcheng a mite chun Lalpa a lauh ziekun Jehoshaphat chu a do ngam puou hi.

THILSIEMBUL 35:5

Chun, Jakob leh a chate chuh chieh dinga a kipat lai u chun, a kimvel uh a mite chung achun lauhna nasatak a tung ta a, a delhzui ngam ta puou hi.

2 KHANGTHUBU 20:29

Lalpa’n Israel chate melma te chunga a thilhih a het phet un zie gamsung a mite chun Pathien a lau tau hi.

ROME 8:37

Khen lo e! ziehaw chengcheng achun, ei hehpihpa vang chun, lopi taka zote I hiu hi.

ISAI 33:23

Na khau haw chuh hihkawl in a um a, a puonzak khuomteu chuh ahih det thei puou a; puonzak chuh a zak thei puou hi, zie lai tak chun gâllâk sum tamtak chuh hawp in a um a; zie tak achun kêngbâite’n le chanvo a nei ui.

ISAI 31:9

Chun, a kulhpiu chuh lau in taimang intin; a milienteu chuh tiemtehna ziekin lungzîng tan au,” ti’n, Lalpa’n a mei Zion a um leh a hâltuina mei Jerusalem a um chun a tii.

SAM LEHKHABU THE PSALMS 68:12

Sepaihte lalte chuh a taisie a taisieu a: In ngak numeite chun gâllâk sum haw chuh a hawm u a.

JOB LEHKHABU THE BOOK OF JOB 15:21

Thawm lauh-um chuh a bil ah lut intin, A hauhsakna chuh suommangte chun hun hihsie’n a.

2 KHANGTHUBU 20:25

Tichun, Jehoshaphat leh a lawite chu gâllâk sum la ding in a va chieh u a, alak u achun sumlepaite, silhlechen te, suongmantamte, tamtak a muu a, a puok zawh loh khawp un a lau a. A tam bêk a, ni thum hiel gâllâk sum chu a thak ui.

2 LENGTE 7:16

Khutichun, Samari khawpi sunga mite chu a va tai u a, Suria te giehmun chu a va tung tau a. Khutichun, Lalpa thugen bang ngêi khan, changbuong nêl zat tehna khat chuh sekel khatin a zuok u a, buhmanpawl tehna nih chu sekel khat mah in a zuok tau a.

1 SAMUEL 14:15

Chun, sepaih panmun a umte, mun zânga umte leh mipite chengcheng chu a mawk lauh tau a; chun, gâlveng sepaihte leh lamthamte nasan chule a kithing u a; lei a lîng a; khutichun mawk lauhna nasatak ahung hi ta a.

VAIHAWMTE 14:19

Chun, Lalpa thagau chuh a chungah nasa takin a hung tunga, tichun, Ashkelon khuo ah a va chieh a, mi sawmthum a va that a, a van uh haw chuh a sut saka, kithenna puon haw chuh thu haksa hilhchiente kawm achun a pie ta a. Chun, a lungna mah mah mai a, a pa In lam ah a chieh to ta a.

JOSHUA 5:1

Chun, hiti hi ahi a, Jordan lui gal tumlam a um Amor lengte chengcheng leh tuipi panga um Kanaan te lengte chengcheng chun a kaih macheng u chun Lalpa’n Jordan tui haw chuh Israel chate masang achun a hihkang hi tih a na het un, Israel chate ziek chun a lunggilteu a tui zo ta a, lungkie lo himhim a um ta puou hi.

JOSHUA 2:24

Chun, Joshua kawm achun, “Lalpa’n a gam pumpi chuh I khut u ah a pie kêi nai; zie mai chuh ahi puoh a, zie gam a chêngte chengcheng chun ei lau in I masang u ah a tuitha zo tau hi,” a tiu a.

DAN NIHNA 2:25

Tuni hin van khupsin nuoia namtin chungah nang u hun huphulhna leh hun lauhna um pat sak ing ka ting, na chanchin uh a na heu intin, kilîng intin un, nang u ziekin beidawng taka um ding ahiu hi,” ti’n.

2 KHANGTHUBU 14:15

Khutichun, gan chingte puon-In haw le a susieu a, belam leh sangawngsau tamtak a man u a, Jerusalem ah a chieh kit tau hi.

1 LENGTE 15:23

Asa chanchin dang cheng chengte, a thilhih theih dân cheng chengte, a thilhihdawk chengcheng te, a khawpi siem dawk te chuh Juda lengte vaihawm lai thu zikna bu achun a chuong hilo ahim? Amahvang chuh a teklam in a keng ah natna a hung um ta a.