2 KHANGTHUBU 14:11 - PATHIEN LEKHABU THIENGTHO (BSI)

¹¹ Chun, Asa chu Lalpa a Pathien kawmah a paucham a, “Lalpa chauh lo chu mi hattak a pata hatlo panpih ding a um puou hi; Aw Lalpa ka Pathien uh, ei pan pih in; nangmah muong in na min in zie mipite hi ka hun do uh ahi. Aw Lalpa, ka Pathien uh na hi a, mihing in nang hun zawh kinem kiheh,” a ti a.

2 KHANGTHUBU 14:11 ပူးပေါင်းရင်းမြစ်များ

JEREMIA 1:19

Hun do untin uh, himahlele hun zo puo’n au; nang hun hukdawk dingin na kawmah ka um ngâla,” tih hi Lalpa kamsuok ahi.

SAM LEHKHABU THE PSALMS 22:5

A hun uou u a, tichun humbit in a um sek ui: A hun gingchau a, tichun muolpho in a um ngei puou.

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

2 KHANGTHUBU 13:14

Juda te chu a vak kilehhei u leh, gâl in a nung lam u leh a malam u ah a na um u a. Lalpa chuh a sam tau a, thiempu te chun pengkun a mût tau a.

NASEPTE 2:21

Chun, tihi hi’n tin, kuole, Lalpa min sam ta chuh bit un au, a ti ie!’ a tih khah.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

2 KHANGTHUBU 13:18

Israel te chu Juda suonte chun Lalpa a pileputeu Pathien a a kingak ziekun a zo tau hi.

1 SAMUEL 14:6

Chun, Jonathan chun a gâlvan chawipa kawm achun, “Hung tie, zektan loh haw sepaihte umna akhun va chieh dii ti; Lalpa’n ei dingin thil a hih mawh die; atam ahim atawm ahim manga hukdam dingin Lalpa chu bangmah cha’n a dal thei puoh ngâla,” a ti a.

SAM LEHKHABU THE PSALMS 120:1

Ka lungkhamna achun Lalpa chuh ka uou a: Tichun ama’n ei dâwng a.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

SAM LEHKHABU THE PSALMS 37:5

Na umdan ding chuh Lalpa chungah nga’n la; Amah chuh muong in la, A man hih vek ina.

1 KHANGTHUBU 5:20

Pathien achun a ginnau a ngau a, a kawma chun panpihna a ngên u a, tichun, Pathien in a ngetnau chu a dâwng a, Hagri te leh a kithuohpihteu chunga chun zawhna a pie ta a.

2 KHANGTHUBU 32:8

Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

SAM LEHKHABU THE PSALMS 18:6

Ka lungkham in Lalpa chuh ka sama, Ka Pathien kawmah panpihna ka ngên a, Amah chun a Ho-In apat chun ka aw a he a, A masanga ka kiko husa chuh a bil ah a lut tai.

SAM LEHKHABU THE PSALMS 9:19

Aw Lalpa, tho inla; mihing in guolzo kiu hen; Namtin chuh na masang ah vaihawm sak in um u hen.

PAWTDAWKNA 14:10

Chun, Pharao’n a va naih phet chun, Israel chate chuh a vak dâk dawk u a, chun, ngaitie, Aigupta mite chun amau lam chuh ahun zuon phei tau a; tichun ana lau mah mah zieng tau a, chun, Israel chate chun Lalpa chuh a sam tau a.

JOHAN 14:1

“Na lunggil uh lunggim kiheh; Pathien na gingchau hi, Kei le ei gingchau in.

ZEKARIA 2:8

Nanguh hun khawihkhate chuh, Ka mit naucha khawihkha ahi ngâl u a,” ti’n. Khutichun, Bangkim hihthei Lalpa chun, a mite delh zak haw namte kawma ding chun, zie thu haw hi tawh ei sawl ahi.

ISAI 2:22

A nak a hu a neih ziek chauh a hing, mihing, thi zieng theite ginchak hi haihsan tau un; bang lam ah ahim ginchak tâk a hihnau chuh?

SAM LEHKHABU THE PSALMS 34:6

Zie mi gimthei hi a kiko a, chun Lalpa chun a dâwng a, A lungkham na chengcheng achun a hukdawk ta a.

VAIHAWMTE 7:7

Tichun, Lalpa’n Gideon kawmah, “Khutpêk a tui luok a dâwn mi zathum te mai mang in Midian te chuh na khuta hun pie ding ka hi; midang cheng chuh amau puon-In chietah chieh kit vek u hen,” a ti a.

DAN NIHNA 32:36

Lalpa chun a mite vaihawm intin, A suokte chungah lungsietna nei ina, A thilhih theihnau a beih a, um himhim um talo a a muh tieng.

DAN NIHNA 32:30

Bangti’n e mi khatin sang khat a delh a, Mi nih in sing a taihsiet sak dinguh, A Suongpiu in a nutsieh a, Lalpa’n a piekdawk ahih loh ngâl chun?

THIEMPUDANTE 26:8

Mi nga’n za khat delh un na tin uh, zakhat in sangsawm delh un na tin, na melma teu chuh na mau ah chemzâm a thah in um un au.

NASEPTE 9:4

Tichun, tuol ah a puk a, chun, a kawmah aw khatin, “Saul, Saul, nangin bangati a nei sugimthei na him?” ti’n a za a.

NASEPTE 3:16

Chun, amah min thilhih-theihna chun, zie kengbaipa hi hatna a pie ahi. Na muh u leh, na hetteu hi, amah min ginna ziekin hih ahi tai; Isu ginchakna ziekin, na bawnchau a mitmuh ah hihdam kei a hi tai.

AMOS 5:9

Kulh sunga manthaina tung hiel khawpa mihatte chunga sietna tunsakpa chuh.

SAM LEHKHABU THE PSALMS 20:5

Na hukdamna a chun lâwpin la sa’ng ka ting un, I Pathien min un I puonzak u haw hi zakna lai hitiu: Lalpa chun na ngetna chengcheng chuh hun lawhtit sak hen.

2 KHANGTHUBU 32:20

Khutichun lengpa Hezekia leh Amoz chapa thiemgau Isai chu zieziekchun a paucham u a, panpihna a ngên tau a.

2 KHANGTHUBU 20:12

Aw ka, Pathien uh, a chung u a vaihawm lo ding na him? Mi zie zat zat ei do dinga hung kuonte chuh a na do thei ding hâwi ka hi puoh ngâl u a; a lawhngaihna himhim le ka he puou hi, Nang lam hung nga zaw mai ka hiu hi,” a ti a.

1 SAMUEL 2:9

“A mithiengthote keng chu veng intin, Migilote vang chu thimlak ah sukthip kêi in um in au; Hatna chun kuoma’n zo ding ahi puoh ngâl u a.

ISAI 26:13

Aw Lalpa, ka Pathien uh, nang tih loh mi dangte’n ka chung u ah vaihawm mahleu, kei un vang nang min mai chuh ka hedawk zing ui.

2 KHANGTHUBU 18:31

Chun, hiti hi a hung hi a, kangtalai chunga lawiupate chun Jehoshaphat a muh un, Israel lengpa a hi khu, a tiu a, do guo’n a um tau a; himahleh, Jehoshaphat chu a kiko a, chun, Lalpa’n a panpih ta a, amah chu a nutsieh sak tai.

2 KHANGTHUBU 13:12

Pathien chun ka mau pui in ka kawm u ah a um a, chun, Thiempute chu nang haw hun do dinga pengkun mût dinga kisazo san tak ahin aum ui. Aw Israel suonte, Lalpa na pileputeu Pathien chu do hiel kiu; zo lo hiel ding na hi ngâl u a,” a ti a.

DAN NIHNA 32:27

Melma ênghona thatdahum sa kileng chuh, a melma teu in hekhiel in, ‘I khut uh dawp sangin a um tai; Ziehaw cheng hi Lalpa hih ahi puoi’, a tih khâk dinguh.

MATTHAI 16:18

Chun, nang Peter, Peter na hi tih ka hun hilh na hi; zie suongpi chunga hin ka sapchuomte sa dawk ing ka ting, mithi khuo kulh kawtkhakhaw chun zie chuh nek zo puo’n au

1 SAMUEL 17:47

Chun, zie tak a hungkhawmte cheng hin Lalpa chun chemzâm leh tiengcha’n a hukdam puoi tih hethei in au; kidona hi Lalpa a ahi ngâla, chun, amah chun ka khut uh a nang ei pie ding ahi,” a ti a.

1 LENGTE 8:44

“Na mite hi a melmateu do dinga na sawlna lam taphawt a a chieh u a, a umnau apat a na khawpi na tel chuom lam ngaa Lalpa kawma a paucham u chun;

2 KHANGTHUBU 14:10

Tichun, Asa chuh a do dingin a kuon dawka, Mereshah a Zephathah guom ah panmun a khawh gel tau a,

2 KHANGTHUBU 16:7

Zie lai chun, thiemgau Hanani chu Juda lengpa Asa kawmah a chieh a, a kawmah, “Lalpa na Pathien muong lo in Suria lengpa na muong a, Suria lengpa sepaih hawn te chu na pawtsak ta a.

2 KHANGTHUBU 25:8

Kido na achun hat lawh dingin na kigingcha maithei a, himahleh Pathien chun zawhna leh lahna piek theihna nei hi zaw a, na melma te chu hun zawhsak tei tei ding ahi,” a ti a.

ISAI 10:20

Zie ni chun mi tawmcha mai vaikit un au. Israel te a na umsunte leh, a suokcha sunte chun amau haw sumangthaite chuh gingcha ta puou untin, Israel Mi thiengtho chuh tihtakzet in gingcha zaw ta’n au.

2 KHANGTHUBU 13:15

Khutichun Juda te chuh a kiko zuoh zuoh u a; Abijah chun ma kai in a do u a. Lalpa’n Jeroboam leh Israel te chengcheng chu a guollah sak ta a.

2 KHANGTHUBU 20:32

Chun, amah chun Lalpa mitmuh in thilpha a hih a, a pa Asa lampi a zuia, a nusieh ngei puoi.

2 KHANGTHUBU 26:7

Pathien in Philistia te apat leh Gur-baal a um Arabia mite leh Meun te zo dingin a panpih hi.

SAM LEHKHABU THE PSALMS 20:8

A mau chuh chau in puk untin, Himahleh, eihaw vang chuh I tho dawk u a, I ding chang zawu hi.

SAM LEHKHABU THE PSALMS 22:6

Himahleh, kei vang chuh mihiem le ka hi puoh a, tangtel phet ka hi a; Mihiemte gensiet leh mite muhsit ka hi.