2 KHANGTHUBU 13:9 - PATHIEN LEKHABU THIENGTHO (BSI)

⁹ Aron suon Lalpa thiempute chu na nawhdawk u a, Levi te chuh na nawhmang u a. Nam dang te hih guolin a mun luoh dingin thiempute na kisiem u a. Kuole, bâwng chal tawh ahim, belam sagih ahim tawh hung taphawt te chu na pathien teu dinga thiempu hi dingin kawih chuom theih ahi zel u a.

2 KHANGTHUBU 13:9 ပူးပေါင်းရင်းမြစ်များ

JEREMIA 2:11

Nam dang te chun pathien tak hilo mahleh, a pathien uh a sang ngei puou a, ka mite’n vang kei a lopi na Pathien uh hi thil phachuom lo tawh ei theng tau hi.

PAWTDAWKNA 29:35

“Tichun, zie thu cheng hi ka hun piek bang tak hin Aron leh a chapate chung achun na hih ding ahi: Ni sagih amau haw na kawihchuom ding ahi, ni sagih sunga chuh na namdet ding ahi.

GALATI 4:8

Malai khan nangun, Pathien na na he puou a, pathien hilo mawng mawngte suok in na na um him uh ahi.

NASEPTE 19:26

Zie Ephesi khuo mai ahin hilo in, Asia gamsung cheng hiel ale, Paul hin, khut a siem pathien haw hi Pathien ahi puoi, ti’n mi tamtak a thempai a, a zui tau hi tih nangmau ngêi in na muu a na he tau hi.

HOSEA 8:6

Israel mi, khutthiemte chun milimte a siem uh a, himahleh, zie chuh Pathien a hi hiel puoh ngâl a. Samari khawpi a bâwngno limte chuh tuol a khetnel in um un au!

JEREMIA 5:7

Bangti’n ka hun ngaidam thei die? Na chate chun ei taihsan u a, pathien tak hilote sâm in a kipautiem u a; tai taka ka vak lai in le zawl a sai u a; nawhchizuok haw in ah a hawn hawn in a kikhawm sek ui.

1 KHANGTHUBU 29:5

Chuleh, thil chuom chuom a mi khutthiemte mat dingin, sana pawimawhna a mat dingin sanate, dangkaguo matna dinga mat dingin dangkaguo te le ka pie a. Tuhin, Lalpa dinga kipâk taka pie phal na um u?” a ti a.

2 LENGTE 19:18

A pathienteu chu mei ale a paih sek u a, ziehaw chu pathien tak ahi puoh him u a, mihing khut a siem, thing leh suong ahi zawu a; zieziekchun, a sukmangthai uh ahi.

1 LENGTE 13:33

Zie thil haw nung chun le Jeroboam chun a umdan diklote chu a haihsan nuom diek puoh a, vantâng laka mi, thiempu dingin a siem zel a, kuole a nuom phawt a kawihchuom a, amah le munsang thiempute lak ah a va pang a.

DAN NIHNA 32:17

Pathien hilo thitha haw kawmah, a kithawi ui, a het khâk loh uh pathien te kawmah, Tu naicha a hung um chauh pathien thak, Na pileputeu lauh khâk loh haw kawmah,

THIEMPUDANTE 16:32

Thiempu hidinga a pa thasanga namdet a um pên pên chun, kithawihna siem intin, patngatpuon silhlechen, puon thiengtho chun kivan intin,

THIEMPUDANTE 8:2

“Aron leh a chapate chuh ka umna puon-In kawtkhak lutna achun pui inla, chun, thiempu silhlechen leh thau nuh zat leh gitloh thawihna dingin bâwng tuoi, belam nih leh, chângthâk chawl sawhloh bawm chuh chawi inla,

PAWTDAWKNA 32:29

Mosi chun Levi chate kawm achun, “Tuni hin na suohpihteu, na chateu, that hielin, Lalpa nasepna a thiempu dingin na kikawihchuom tau a; zieziekchun tuni hin Lalpa’n a vangsakna chuh na chung u ah hun vuk ta hen,” a ti a.

PAWTDAWKNA 29:1

“Chun, thiempu na sema, kei a dinga zenvielna na a sep theihna ding un amau haw sukthienthona dingin a chung u ah hitibang hin na hih ding ahi: bâwngchal tuoi khat leh belamchal demna bei nih tawh,

PAWTDAWKNA 29:29

“Aron thiempu silhlechen haw chuh a nunga a chapate’n hun luoh zel in au, ziehaw achu a kivan u a, thau nuh leh sukthientho a hih theihna ding un.

2 KHANGTHUBU 13:10

“Himahleh kei hawn vang, Lalpa ka Pathien uh na ka sem u a, amah chu ka nungngatsan puou hi, Aron suon a thiempute chun na a sem u a, Levi te chun a panpih uh ahi.

2 KHANGTHUBU 29:31

Khutichun, Hezekia chun, “Lalpa dingin na kisuthiengtho tau a, hung nai unla, Lalpa kawmah kithawihna leh kipah thugenna thillat hun lân tiem u,” a ti a. Tichun, mipite chun kithawihna te, kipah thugenna thillat te a hun lân u a: khenkhat in a mau ut bangin hâlmang thillat a hun lân ui.