2 KHANGTHUBU 13:12 - PATHIEN LEKHABU THIENGTHO (BSI)

¹² Pathien chun ka mau pui in ka kawm u ah a um a, chun, Thiempute chu nang haw hun do dinga pengkun mût dinga kisazo san tak ahin aum ui. Aw Israel suonte, Lalpa na pileputeu Pathien chu do hiel kiu; zo lo hiel ding na hi ngâl u a,” a ti a.

2 KHANGTHUBU 13:12 ပူးပေါင်းရင်းမြစ်များ

NASEPTE 5:39

Amahvang chuh, Pathien apat a hih a hih chun, amau haw sumangthai thei puo’n lau. Pathien do a na hi zaw kha’n lau!” a ti a. Vaihawm pawl chun Gamaliel thuhilhna chuh a zawp tau a.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

ZEKARIA 10:5

Tichun, mi hattak bang hung hiu un tin, kidona kawtthêl buonthuok lak achun a melmateu tawhden un au. Lalpa chuh a kawm u a a um ziekin do un au: sakawl chung chuongte chuh zo ngêi ding ahiu hi.

HEBRAI 2:10

Pathien, thil chengcheng siem a, vawpbitpa ding chun, cha tamtak a lopina kikawppih dingin, Isu thuokna bukim zieka siem chuh hih ding him a hi ngâl a. Isu mawng chuh Hukdamna a puilut pa khah a hi ngâl a.

EZEKIEL 17:9

Lalpa Pathien chun hiti hin a tii: A khang in a piting na dem? A vuoi mai theih na dingin a gah haw sattha’n, a zung puma bawt dawk lo ding ahi a ahim? A nah dâwng thak chengin le vuoi lawh ina; a zung puma bawt dawk dingin thilhih theihna nasatak ahim mi tamtak ahim ngai puo’n a.

JEREMIA 50:24

Aw Babulon nanga dingin thâng ka kam hi; helo in na âwk ta a, muhdawk leh mat na hi tai Lalpa na do dal ziekin.

JEREMIA 2:37

Na lu chunga khut kilhtuoh in a kawm u apat hung pawtdawk inla, na kiginchak na haw chuh Lalpa’n a paih tha ta ngâl a; amau haw ziek chun hausa puo’n la.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.

ISAI 45:9

Lei bel chun a siempa chuh a niel dinga ahim? Leibel in a dengpa kawmah, Banga na siem? Na nasep in hih theih a nei puoi, a ti dinga ahim?

ISAI 8:10

Thil guong untin, bangmah hi diek puo’n a; thu gen untin, piting diek puo’n a; Pathien I kawm u ah a um ngâl a,” ti’n.

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

JOB LEHKHABU THE BOOK OF JOB 40:9

Pathien bangin bân na nei a ahim? Amah tawbang in vanpi git guolin aw na suoh thei dem?

JOB LEHKHABU THE BOOK OF JOB 9:4

Amah chuh pil tak, thil hihthei tak ahi a, Hat kisa a amah do a zo thei kuo a?

2 KHANGTHUBU 24:20

Thiempu Jehoiada chapa Zekaria chungah Pathien thagau a hungtung a, Amah chu mipi muh theih ding in a ding a, a kawm u ah, “Pathien in hiti hin a tii, Bangati a na chung u a sietna tun lawh hiela Pathien thupiek na bawhsiet uh a hi? Lalpa chu na kiheisan ziekun a man le a hun kiheisan ahi,” a ti a.

DAN NIHNA 28:29

Thimlaka mitdûk a kimai a kimai guolin sunchang lai tak in le kimai kimai in na tin un, na khawsakna phawt u ah lamzang puo’n lau; nuoisieh in um zingin na tin un, na thil uh mi’n hun mawk lâksak zingin tin un, nang u hun hukdawk dingin kuomah um puo’n a.

DAN NIHNA 20:4

Guolzawhna na chan theihna ding u a na melmateu do dinga hun umpih zing chuh Lalpa na Pathien uh ahi ngâla,’ a tih ding ahi.

KISIMNA 31:6

Tichun Mosi’n nam khat zel sangkhat chiet leh, thiempu Eleazar chapa Phinehas chuh mun thiengtho a matchâk leh thu pie viel dingin, pengkun haw chawiin kido na ah a sawl a.

KISIMNA 23:21

Pathien vangsak sa chuh ka sam kit theilo ahi; Israel chate masang ding chuh ka mu a, vangsietna leh buoina tun puo’n a; Lalpa a Pathien u chuh a kimvel u ah a um a, ka leng uh ahi ti’n a phuong uh ahi.

KISIMNA 14:41

Himahleh, Mosi chun, “Lalpa thupiek chuh bang zieka na ngaih loh zing uh ahim? Lawhting hiel puo’n lau.

SAM LEHKHABU THE PSALMS 46:7

Sepaih hawnte Lalpa chuh I kawm u ah a um a; Jakob Pathien chuh I insang uh ahi.

2 KHANGTHUBU 32:8

Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.