2 KHANGTHUBU 13:11 - PATHIEN LEKHABU THIENGTHO (BSI)

¹¹ Amau chun zingkal leh nitâk cheng in Lalpa dingin hâlmang thilpiekte, gimlim te a hâl sek u a; dawhkân thiengtho chungah chângthâk thiengtho a kawih zel u a. Chuleh, sana thaumei kawihna a thaumei te nitâk lam chenga hâl dingin: Kei haw’n vang Lalpa ka Pathien uh thupiek chu ka zawp zing u a, himahleh, nang hawn vang amah chu na nungngatsan ui.

2 KHANGTHUBU 13:11 ပူးပေါင်းရင်းမြစ်များ

2 KHANGTHUBU 2:4

Ngaitie, Lalpa ka Pathien limbawlna ding leh, gimlimhaw a masanga hâlna ding leh, chângthâk kawih zing na ding leh, zing leh nitâk ale, chawlhni haw ale, tha thak haw ale, Lalpa I Pathien uh kut haw a hâlmang thilpiek na dingin, Ho-In sa ding ka hi a. Ziehi Israel te kawma kumkhuo a hih dinga thupiek chu ahi a.

PAWTDAWKNA 29:38

“Khutichun, maichâm chunga na lat ding chuh ziehi ahi; belamno kum khat a upa nih zel ni chenga na lat ding ahi.

LUKE 1:9

Thiempute hih dân ngeina guolin amah chuh, maichâm a lut leh gimlim hâl chuh a chanvo ahi. Khutichun, Lalpa Ho-In achun a lut a,

EZEKIEL 48:11

Zie gam chuh thiempu dinga kikawih thiengtho, Zadok chapate, ka thu zawpte a ding ahi. Amau haw chun Israel chate a vak mang lai u a, Levi chite’n thil diklo a hih guol u khan a hih puou ui.

EZEKIEL 44:15

Bangakai chunga Lalpa chun, “Israel chate, kei apat a a vakmang lai un le, Levi phung a thiempu, Zadok suonte chun Ho-In ah ginum takin ka na a na sem zel u a. Zieziekchun, tuhin le, amau haw hi ka na sem ding leh, ka umna a hung a, thau leh kithawihna thisan te lân ding ahiu ui.

EZEKIEL 44:8

Chun, ka thil thiengthote chuh na enkawl puou a, zie gamdang mite hi ka mun thiengtho ah nanguh sik in na etkawl sak zaw tau hi!

KISIMNA 16:46

Chun, Mosi’n Aron kawmah, “Na mei lâkna chawi inla, maichâm a pata mei a sung ah kawih inla; mei-âm chungah kawih in. Mipite kawmah chiehpih vak in, a mau a dingin sukthienthona siem in: Lalpa kawm a pat in lungnatna a hung pawt ahi; hi a lengpan ahi tai,” a ti a.

KISIMNA 16:6

Zing leh zingkal leh, na nungzui te tawh meilakna chawi unla, a chungah mei-âm leh gimlim kawih unla, maichâm ah chawi un.

KISIMNA 9:19

Chun, hobuk chunga meipi chuh sawttak a um tieng, Israel chate chun Lalpa thu a zawp uh a, a kichawn puou hi,

THILSIEMBUL 26:5

Abraham in ka thu a zawp a, ka thuhilhte, ka thupiekte, ka thuguot te leh ka dante a zawp ziek khan,” a ti a.

2 KHANGTHUBU 13:10

“Himahleh kei hawn vang, Lalpa ka Pathien uh na ka sem u a, amah chu ka nungngatsan puou hi, Aron suon a thiempute chun na a sem u a, Levi te chun a panpih uh ahi.

KISIMNA 1:53

Levi te vang chun, Israel chate chunga lungnatna a um lohna dingin, puon-In kimvela a zak dinguh ahi a, puon-In chuh a venbit dinguh ahi” ti’n ana gen ta ngâla.

2 KHANGTHUBU 2:3

Chun, amah chun Tura leng Huram kawmah, “Ka pa David in sakna dinga sidar thing haw na na tuok sak bang khan kei le ei hun tuok sak ah aw.

2 KHANGTHUBU 4:20

guot bang a munthiengtho mai a det ding thaumei kawihna te, a thaumei pum in, sana thiengkei in a siem a;