2 KHANGTHUBU 12:7 - PATHIEN LEKHABU THIENGTHO (BSI)

⁷ Chun, Lalpa’n a kikhiekniem u chu a muh in Lalpa thu chu Shemaiah kawmah a hungtung a, “A kikhieniem tau a; zieziekchun sumangthai suok puo’ng ka ting, a bang hukbit ing ka ting, Shishak mang in Jerusalem chungah ka lungnatna sungtha puo’ng ka.

2 KHANGTHUBU 12:7 ပူးပေါင်းရင်းမြစ်များ

2 KHANGTHUBU 34:25

Ei deih puou a, pathien dangte kawmah a kithawi u a, a thilhih teu in ka lungnatna a chawktho uh ahi. Jerusalem chung achun ka lungnat na a puokzak a dai kit ngei puo’n a.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.

JEREMIA 7:20

Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

SAM LEHKHABU THE PSALMS 79:6

Nang mah hun helo, ginglo haw chung ahin na lungnat na chu buotha’n. Na min sam lo lalgam haw chung ale.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

2 KHANGTHUBU 34:21

“Chieh unla, kei leh Israel gam leh Juda gam a mipi ana damsun te ding hin Lalpa ei va dawtsak tiem u. Zie lehkhabu a thu umzie hi hawldawk unla. I pileputeu in Lalpa thu a na zawp loh ziekun leh, zie lehkhabu a hih ding kitite a hihloh ziek un Lalpa chu I chungu ah a lung ana tai,” ti’n thu a pie a.

2 LENGTE 13:23

Himahlele, Lalpa’n Abraham te, Isak te, Jakob te kawma thu a gawlh ziekin, amau haw chuh a lungsiet a, a lainat a, a ngaihsak a, amau haw chuh a sumangthai nuom puoh a, a kawm apat in a paih tha nuom puoh a.

2 KHANGTHUBU 12:12

Chun, Lalpa kawma a kikhiekniem tâk ziek chun a sukmangthai loh na ding in a chunga Lalpa lungnat na chu a kithiel dawk ta a; chun, Juda gam ale thil chieh dân chuh a pha zing tai.

2 KHANGTHUBU 34:27

na kisik a, ka masangah na kingainiem a, na puonte bawtthêk in, na kap ta a, na pauchamna ka he a,

2 KHANGTHUBU 32:26

A tâwp chun, Hezekia leh Jerusalem a mipite chu a hung kingainiem tau a, khutichun Hezekia damsung chun Lalpa’n mipite chu a gawt ta puoi.

2 KHANGTHUBU 33:12

A thuok gimtheihna apat chun Lalpa lam a nga kit a, a pilepute Pathien masang achun nasatak in a kingainiem a.

2 KHANGTHUBU 33:13

A kawmah a paucham a, Lalpa’n a ngetna chu a ngaihthak sak a, Jerusalem a a gam ah a puikit tai. Tichun Manasseh in Lalpa chu Pathien a hih a he ta a.