2 KHANGTHUBU 12:1 - PATHIEN LEKHABU THIENGTHO (BSI)

¹ Chun, Rehoboam in gam chu ahung kiphuhdet a, mi hattak a hung hih phet chun, amah leh a mipi te chengcheng chun Lalpa dân chu a kiheimangsan tau a, Israel mi cheng inle amah a zui tau hi.

2 KHANGTHUBU 12:1 ပူးပေါင်းရင်းမြစ်များ

2 KHANGTHUBU 11:17

Khutichun Juda gam chu a sudet u a, kum thum sung chu Solomon chapa Rehoboam chu a pan pih u a: kum thum sung chuh David leh Solomon lampite chuh a zuih ziekun.

2 KHANGTHUBU 12:13

Khutichun leng Rehoboam chun Jerusalem ah vai a hawm a, a thuneihna chu a kihihdet a. A lal tûngin kum sawmli leh khat a hi a, Lalpa’n a mah hona dinga Israel nam chengcheng laka a tel khuo Jerusalem ah kum sawmlesagih vai a hawm a; a nu min chu Naamah, Ammon mi ahi.

MIKA 6:16

Leng Omri leh a chapa leng Ahab thilhih sekte na zuih ziekun, zie thil haw hi na chungu ah hungtung ina. A lemguot hawu chuh na sunzawm u a, zieziekchun, na chungu ah sietna hun tunsak ka ting; tichun, mi chengin hun musit un tin; muntin a mite chun musit takin hun bawl un au!” Chun, ka mite minsiet na chuh puo’n la, ti’n.

HOSEA 13:1

Ephraim in thu a gen tieng leh mite chuh a kithing u a, amah chuh Israel chunga chawihsân a um ahi. Himahleh, Baal ho a thil gilo a bawl ziekun a thih lawh tai.

JEREMIA 2:31

Aw khangthak te haw Lalpa thu hih ngaihsak un, Israel a ding chun gamthip tawbang ka hi a ahim? Bangti dana ka mite chun, ka pawt chien tau a, na kawmah hung vaikit ta puo’ng kau, a tih uh ahim?

2 KHANGTHUBU 11:3

Juda lengpa Solomon chapa Rehoboam kawmah leh Juda gam leh Benjamin gama Israel mi chengcheng te kawmah,

2 LENGTE 17:19

Judate chun le, Lalpa a Pathien uh thupiek chu a zui diek puou a, Israel chate thil chîn sekte chu a zui zawu a.

1 LENGTE 12:17

Himahlele Juda khawpihaw a cheng Israel chate chung achun Rehoboam in vai a hawm tai.

1 LENGTE 9:9

Chun, mite’n, ‘Lalpa a Pathien uh, a pulepateu gam apat puidawkpa kha a kiheisan u a, pathien dangte a tuk u a, a ho u a, a nateu a sep tâk ziekun ahi; zieziekchun ahi Lalpa’n zie sietna chengcheng haw hih a chung u a a hun tun sak,’ ti’n dâwng un au,” a ti a.

DAN NIHNA 32:18

A hun hingtu Suongpi chuh na limsak puoi, A hun siempa Pathien chuh na hengilh tai.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

2 KHANGTHUBU 11:23

Khutichun, chingthei takin a hun hih a, a chapa te chengcheng chuh Juda gam leh Benjamin gam chengcheng kulh nei khuo haw ah a um zak sak suok a; nek ding tamtak a pie a. Chun a mau dingin zi tamtak a hawl sak hi.

VAIHAWMTE 2:15

A galdo nau phawt achun Lalpa chuh amau kalh lam in a pang ta a, a na gen sa bang leh a na kitiemna bangin a gimthei mah mah tau a.

1 LENGTE 14:21

Chun, Solomon chapa Rehoboam chun Juda gam ah vai a hawm a. A vaihawm tûng lai chun kum sawmli leh kum khat mi ahi a, Lalpa’n a min umna dinga Israel nam chengcheng laka a teldawk khawpi Jerusalem achun kum sawm leh sagih vai a hawm a. A nu min chu Naamah ahi a, Amon mi ahi.

2 KHANGTHUBU 24:18

Tichun a pileputeu Pathien Ho-In chu a kiheisan u a, Asher pathien leh milim te a ho tau a. A gitloh nau ziekin Juda te leh Jerusalem chungah Lalpa lungnatna a hung tung ta a.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.