2 KHANGTHUBU 11:16 - PATHIEN LEKHABU THIENGTHO (BSI)

¹⁶ Khutichun, amau haw nung chun Israel nam laka a lunggil u a Israel te Lalpa Pathien hawl taphawtte chuh a pulepateu Lalpa Pathien kawma kithawi dingin Jerusalem ah a chieh uh a.

2 KHANGTHUBU 11:16 ပူးပေါင်းရင်းမြစ်များ

2 KHANGTHUBU 15:9

Lalpa a kawmah a um hi tih a het ziekin mi tampi Israel lam apat in a hung pawt u a, Ephraim gam apat, Manasseh gam apat leh Simeon gam a mite Asa kawmah a hung u a, a lalgam achun a cheng tau a. Asa chun Juda leh Benjamin te le a bawn un a sam khawm a.

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

HAGGAI 1:5

Tuhin chu vang Sepaihte Lalpa chun hiti hin a tii. Na lampi teu chuh guntak in ngaihtuoh un?

HOSEA 4:8

Ka mite thil diklo hih apat chun na kisuhausau a, a gitlohnau a chun a lungthim uh a kawih zinga.

DANIEL 6:14

Chun, leng chun zie thu haw chuh a zak in khawk a sa mah mah a, Daniel chuh hukdawk a guo hâm ta a, hukdawk guo chun ni tum chanin a buoipih ta a.

SAM LEHKHABU THE PSALMS 108:1

Ka lunggil hi a det hi, Aw Pathien ka lunggil hi a det ahi. La sa’ng ka ting, ahi, pahchakna la sa’ng ka, ka hinna hung halhdawk in.

SAM LEHKHABU THE PSALMS 62:10

Nuoisieh na hi gingcha ki’n la, Mi ngawngtawih hile suon pên in nei diek ki’n; Neihzawhnate a hung pun inle a chungah na lunggil uh nga kiu in.

JOB LEHKHABU THE BOOK OF JOB 34:14

A thagau chuh amah kawm mah a a lâk kit a, A hatna hu chuh amah kawma a lâkkhâwm kit ngâl chun,

2 KHANGTHUBU 30:11

Himahleh Aser te leh Manasseh te leh Zebulun te tamtak chu a na kingainiem u a, Jerusalem ah a chieh u a.

1 KHANGTHUBU 22:1

Tichun, David in, “Ziehi, Lalpa Pathien Ho-In umna ding hi hen la. Ziehi, Israel te hâlmang thillatna maichâm hi hen,” a ti a.

1 KHANGTHUBU 16:29

Lalpa chu min lopina pieu un la; Thilpiek kithawihna chawiin a masang ah hung un la; Lalpa chuh thienthona leh lopina’n ho un.

JOSHUA 22:19

Na gam luoh uh hi a buok ahih chun, Lalpa gamsung, Lalpa hobuk umna mun ah hung mai unla, kei uh haw lak ah hung chêng mai un; amahvang chuh Lalpa I Pathien uh maichâm tihloh maichâm dang siem in Lalpa chungah kiphin kiu unla, kei uh haw chung ahin le kiphin diek kiu in.

DAN NIHNA 32:46

A kawm u ah, “Tuni a na kawm u a thu ka hun hetsak a hin na lungthim uh ngachak kei unla, zie dân thu cheng chengte hi chingthei taka zui dingin na chateu thu pieu in.

DAN NIHNA 12:11

Lalpa na Pathien un a Min umna dinga a guot ding muna na hun chawih dinguh ka tih chengcheng chuh zie a chuh na hun chawih dinguh ahi, na hâlmang thilpiekteu, na kithawihnateu, na sawma-khatteu, na pei thilpiekteu, na neih lak u a phapen Lalpa dinga na tiem hawu chuh;

PAWTDAWKNA 9:21

Khenkhat chun vang Lalpa hilhlawkna chuh a khawksa puou a, a suokteu leh a ganchateu chuh gam achun a um sak zing u a.

1 KHANGTHUBU 22:19

Ho-In sak pan ngâl un la, Lalpa Thugawlh kawihna Thingkuong leh amah hona dinga thil thiengthote chu a sunga na kawih theihna ding un, a ti a.

2 KHANGTHUBU 11:17

Khutichun Juda gam chu a sudet u a, kum thum sung chu Solomon chapa Rehoboam chu a pan pih u a: kum thum sung chuh David leh Solomon lampite chuh a zuih ziekun.

2 KHANGTHUBU 15:12

A lunggil u leh a ngaihtuohnau chengcheng in Lalpa a pileputeu Pathien hawl ding in,

2 KHANGTHUBU 15:15

Chun, Juda mi chengcheng chu a kipautiem nau achun a kipâk u a, a lunggil tak u a kitiem ahiu a, Lalpa hona a chu a kipâk u a, pawm le a pawm a. Lalpa’n muntin ah gâlmuong a umna a pie ta a.

2 KHANGTHUBU 19:3

Himahleh zie gam apat hin Asher pathien na lamang a, Lalpa na hawl ziekin phatna lam bang ahim na nei na lai hi,” a ti a.

2 KHANGTHUBU 20:3

Chun, Jehoshaphat a lau a, Lalpa puihna ngên in a paucham ta a. Juda gam chengcheng ah an ngawlh ding thu a phuong viel a.

2 KHANGTHUBU 20:4

Juda khawpi cheng apat chun mipite chu Jerusalem ah Lalpa ma puih na ngên ding in a tai khawm u a,

ZEKARIA 8:21

Chun, khawpi khata mite chuh khawpi dangah chieh un tin, Lalpa deihsakna ngên dingin chieh meng hitiu, Lalpa Bangkim hihthei chuh hawl hitiu, keile chieh ding ka hi, ti’n au.