2 KHANGTHUBU 11:15 - PATHIEN LEKHABU THIENGTHO (BSI)

¹⁵ Tichun, amah chun, munsang a ding leh thitha hona ding leh bâwngno lim a siemte ding chun thiempu a guot ta a.

2 KHANGTHUBU 11:15 ပူးပေါင်းရင်းမြစ်များ

1 LENGTE 12:28

Khutichun leng chun lemguotpih ding a pui a, sana bâwngno nih lim a siem a; a kawm u ah chun, “Nanguh a dingin Jerusalem a va chieh hi a haksa taluoi; Aw Israel te haw, entiem u, na Pathien uh, Aigupta gam a kipata nanguh hun puidawk pa hih,” a ti a.

1 LENGTE 13:33

Zie thil haw nung chun le Jeroboam chun a umdan diklote chu a haihsan nuom diek puoh a, vantâng laka mi, thiempu dingin a siem zel a, kuole a nuom phawt a kawihchuom a, amah le munsang thiempute lak ah a va pang a.

1 LENGTE 12:31

Chun, amah chun munsangte ah chun In a sa a, Levi chite hilo, vantâng laka mi thiempu dingin a siem ta a.

DAN NIHNA 32:17

Pathien hilo thitha haw kawmah, a kithawi ui, a het khâk loh uh pathien te kawmah, Tu naicha a hung um chauh pathien thak, Na pileputeu lauh khâk loh haw kawmah,

THUPHUON 16:14

Ziete chuh thitha thagau, melchikna hih sekte chuh ahiu hi. Zie thagau thum te chuh, Bang cheng hihthei Pathien Ni lopi a kidona dinga mi pui khawm dingin, khawvel lengte kawm achun a kuon dawk tau a.

1 TIMOTHE 4:1

Himahlele, hun nunung achun, mi khenkhatte chuh, mi lepchiehte gukhahna zieka puihmang a um in, thagau haw leh thithate sinsakna thu lunggulh in, taksanna chuh hun haihsan un au tih, Thagau chun kichien takin a gen a.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

1 LENGTE 14:9

Nang hin vang na masanga mite chengcheng sangin thil na hihkhiel nasa chuom a. Nei suklungnatna dingin pathien dangte leh milim kisung te na siem a, nei kiheisan ta a.

PAWTDAWKNA 32:31

Tichun, Mosi chuh Lalpa kawm achun a va chieh kit a, “Aw, zie mipite hin thil gilo huoisie tak a na hih tau a, sana pathiente chuh a na kisiem tau a.

THIEMPUDANTE 17:7

Israel chate chun, a kithawihnau gancha chuh, mun chuom a that a, kêlchal Pathien kawma kithawihna bawl a; Lalpa a dinga ginumlo tak a um tâk loh dinguh ahi. Israel chate chun, zie dân hi, hun hung tung zel ding ale a nit zel dinguh ahi.

2 KHANGTHUBU 13:8

“Tuhin, Lalpa’n David suonte kawma a piek, leng thuneihna chu do na guou a, sepaih tamtak na nei u a, Jeroboam in na pathien uh a ding a a siem sana bâwngchal chule na nei ngêi u a.

2 KHANGTHUBU 13:9

Aron suon Lalpa thiempute chu na nawhdawk u a, Levi te chuh na nawhmang u a. Nam dang te hih guolin a mun luoh dingin thiempute na kisiem u a. Kuole, bâwng chal tawh ahim, belam sagih ahim tawh hung taphawt te chu na pathien teu dinga thiempu hi dingin kawih chuom theih ahi zel u a.