2 KHANGTHUBU 1:2 - PATHIEN LEKHABU THIENGTHO (BSI)

² Chun, leng Solomon chun Israel te chengcheng, sepaih sang chunga lawiupa te, za chunga lawiupa te, vaihawm te, Israel gamsung cheng chenga milien, inkuon lawiupa cheng chengte kawm achun thu a gen a.

2 KHANGTHUBU 1:2 ပူးပေါင်းရင်းမြစ်များ

1 KHANGTHUBU 28:1

Chun, David in Israel milien chengcheng chu, Jerusalem a kikhawm dingin thu a pie a. Khutichun, nam tina puitute, lenggam a vaihawm miliente, nam khat laka mapuite, leng leh a chapa teu leh a thuomphuou leh a kawihna enkawlte, leng In a miliente, sepaih lawiupate leh mi pawimawhte chengcheng chu Jerusalem ah a kikhawm u a.

1 KHANGTHUBU 27:1

Chun, Israel te tam dân chu-inkuon lawiupate, sepaih sangkhat chunga lawiupate, zakhat chunga lawiupate, lam chuom chuom a leng nasem cheng cheng, kum khat sunga tha chenga thu lut leh thu pawt dungzuia kitheng zel sek haw chu mi singnih leh sangli ahiu hi.

2 KHANGTHUBU 30:2

Khutichun leng Hezekia leh a miliente leh Jerusalem a mipite chun tha nihna a mat ding chu lem a sa tau a, tichun leng in Juda leh Israel mipite kawm achun thu a than viel ta a.

2 KHANGTHUBU 29:20

Chun, leng Hezekia chu zingkal matak in a hung tho a, khuo lawiupa te chu a samkhawm a, a bawn u chun Ho-In ah a chieh u a.

1 KHANGTHUBU 29:1

Chun, leng David in mipi cheng chengte kawm achun, “Pathien teldawk, ka chapa Solomon hi a naupang nalai a, bangmah a he thei nai tadih puoh a, a sep ding chula a nasa ngâl a; Ho-In chu mihiemte ding a hi puoh a, Lalpa Pathien a ding a hi zaw ngâl a.

1 KHANGTHUBU 24:31

Amau haw chule, a unauteu, Aron chapate mah bangin, leng David te, Zadok te, Ahimelek thiempute leh, Levi te inkuon lawiupate chu a hetpih in a pang u a; inkuon lawiupa pên leh a unauteu tawh kithuguol takin a hih u a.

1 KHANGTHUBU 24:4

Eliezer suonte chu pawl sawm le gup in a khen a, Ithamar suonte chu pawl giet in a khen zak a; zie chu, Eliezer suonte laka pasal a tam zawk ziek u a a hih ahi.

1 KHANGTHUBU 15:12

Levi te kawm achun, “Nang haw hi, Levi inkuon sunga lawiupa pente na hiu a. Israel te Pathien, Lalpa Thugawlh kawihna thingkuong chu, a mun ka guonggalhna a na chawn toh theihna dingun nang haw hi na unauteu tawh kihihthiengtho un.

1 KHANGTHUBU 15:3

Chun, Thugawlh Bawm a umna ding mun a guonggalhna a zawn to dingin, Israel te chengcheng chu David in Jerusalem ah a sam khawm a.

1 KHANGTHUBU 13:1

Tichun, leng David chun lawiupa chengcheng, sang chunga lawiupate, leh za chunga lawiupate chu a dawng a.

2 KHANGTHUBU 1:3

Amah leh a mipi kikhawm khawm chengcheng te chuh Gibeon a Pathien hona muna va chieh dingin thu a pie a. Lalpa suok Mosi’n thalek muna a siem Lalpa umna puon-In kha taka chuh a um ziekin.

1 LENGTE 3:4

Chun, leng chu kithawi dingin Gibeon khuo ah a chieh a; zie chu mun sang lien tak ahi ngâl a. Solomon chun zie maichâm chung achun hâlmang thillat sangkhat zet a pie ta a.