2 KHANGTHUBU 1:14 - PATHIEN LEKHABU THIENGTHO (BSI)

¹⁴ Chun, Solomon in kangtalai te leh sakawl chung chuong mite chu a kai khawm a; kangtalai sang khat leh zali leh, sakawl chung chuong mi singkhat leh sangnih a nei a. Ziehaw chuh kangtalai kawihna khawpi haw leh Jerusalem achun a kawih a.

2 KHANGTHUBU 1:14 ပူးပေါင်းရင်းမြစ်များ

1 LENGTE 10:16

Chun, Solomon in sana phaw lien sêkthawh a kisiem zanih a bawl a, phaw khat siemna chun sana sekel zagup a lut hi.

1 LENGTE 4:26

Chun, Solomon chun a kangtalai kai sakawl singli leh sakawl chung chuong mi singkhat leh sangnih a nei a.

1 LENGTE 5:6

Khutichun Lebanon tâng apat Sidar thing haw ei phuk sak dingin na mite thu pie’n la; ka suokte le na suokte lak ah hung tel untin; chun, na suokte lawh chu na gen bang takin pie zel ing ka. Sidon mite banga thing phuk thiem ka laku ah kuomah a um puou tih na he ngâl a,” a ti a.

1 LENGTE 9:19

Chun, Solomon in a thil kawihkhawmna khawpi a neihte leh a kangtalai haw a dinga khawpi a neihte leh, a sakawl mite a dinga khawpite, Solomon in Jerusalem ah leh, Lebanon ah leh, a vaihawmna gamsung chengcheng haw achun a sak nuom dân dân in a sa a.

2 KHANGTHUBU 8:6

chun, Baalath khawpi te, thuomphuo kawihna khuo chengcheng te, a kangtalai kawihna khuo te, a sakawl chung chuong mite umna khuote, Jerusalem leh Lebanon leh a gamsung chengcheng ah Solomon in a tup bang bang in a sa dawk vek ta a.

2 KHANGTHUBU 9:25

Leng Solomon in sakawl leh kangtalai kawihna sangli a nei a, chun, sakawl chung chuong mi singkhat leh sangnih a nei a, zie a khenkhat chu Jerusalem ah a kawih, a khenkhat chu khawpi dang ah a kawih a.

DAN NIHNA 17:16

Ahihziekin, leng chun sakawl tamtak a sepaihte dinga a neih ding ahi puo a, chun, mite chuh sakawl thenna a nei a Aigupta gama a chiehsak ding le ahi diek puoi: Lalpa’n, “Tu apat in zie lama chuh na chieh kit tâk loh dinguh ahi,” na kawm u ah a ti ta ngâla.