2 KHANGTHUBU 1:11 - PATHIEN LEKHABU THIENGTHO (BSI)

¹¹ Pathien in Solomon kawmah, “Zie hi na lunggil a a um ziekin leh, neihzawhna te, hauhsakna te leh zahumna te ahim, na melmate thihna ding le ngên lo a, damsawt na ahim le ngên lo a; a chunguh a lenga ka hun siem a, ka mite vai na hawm sak theihna dinga nangmah a ding ngeia chitna leh hetna na nget zawk ziekin;

2 KHANGTHUBU 1:11 ပူးပေါင်းရင်းမြစ်များ

1 LENGTE 10:24

Pathien in a lunggil a pilna thu a kawihsak chu ngaitha dingin khawvel a mi chengcheng chun Solomon chu a hun zuon sausau sek ui.

1 LENGTE 3:28

Chun, Israel te chengcheng chun zie chung thu a leng thutan dân chu a na zau a; leng chu a kihcha tau a; vaihawmna dingin Pathien chitna chu amah achun a um hi tih a mu ta ngâl u a.

1 LENGTE 8:18

Chun, Lalpa’n ka pa David kawmah, ‘Na lunggil in ka min dingin In sak na guo sek a, hitibang lunggil na put hi na hih phai.

1 KHANGTHUBU 28:2

Tichun, leng David chu amau ah a ding a, “Ka unaute leh ka mite haw, ka thu hi na ngaitha tiem u! Kei chun, Thugawlh kawihna Thingkuong kawihna ding leh, I Pathien uh keng ngakna ding In sa leng tih ka na ut mah mah a. A van ding le ka ngah diem ta a.

2 KHANGTHUBU 1:12

Chitna leh hetna chu piek na hi tai! Chun, na masanga lengte kuoma’n ana neih khâk loh uh, chun, na nunga le kuoma’n zie chuh a neih loh dinguh hauhsakna te, neihzawhna te, zahumna te ka hun piei,” a ti a.

THUCHINGTE 14:8

Mipil pilna chuh umdan ding hetna hi ahi a, himahleh mingawl ngawlna vang chun amau a puimang sek hi.

THUCHINGTE 23:7

A ngaihtuoh bang tak chun ahi a um chuh, “Ne’n la dâwn in,” ti’n tin, mahleh a lungthim achun ngaihnatna a nei puoi.

THUCHINGTE 8:15

Lengte chun kei ziekin vai a hawm u a, vaihawmte chun thudik a thutan dingin.

NASEPTE 5:4

Na zawk ma cheng khan nanga hi zing lo maw? Na khawt nung in le, aman chuh nang thu thu hilo ahim? Bang zieka zie tawbang thilhih ding hi ngaihtuoh na hi? Mihiem thêm na hi puoh a, Pathien thêm na hi zawi!” a ti a.

HEBRAI 4:12

Pathien thu hi a hing a, thil a hih thei a, chemzâm hiem tuok sangin le a hiem a, hinna, thagau leh guh kisuktuohna, theng sukhen thei hiela sun thei ahi; chuleh, lunggel leh lungthim ngaihtuohte hetuok pai zieng thei ahi.

JAKOB 3:13

Na laku ah kuo a ching a, thu he thei um? Kingainiem tak leh chingthei takin, a thilhih haw chuh umdan phatin latsak hen.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.