2 JOHAN 1:9 - PATHIEN LEKHABU THIENGTHO (BSI)

⁹ Kuole, Krista sinsakna thu a um zing lo a, chieh khel chun, Pathien a nei puoi. Kuole, zie sinsakna thu a um zing vang chun. Pa leh Chapa chuh a neih thuoh ahi tai.

2 JOHAN 1:9 ပူးပေါင်းရင်းမြစ်များ

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 15:6

Mi, keimah a a um zing loh chun, bâk guola paih dawkin a um a, a vuoi sek; tichun, a chawm u a, mei ah a paih u a, a kâng sek.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 8:31

Khutichun, Isu’n a gingcha Judate kawm achun, “Ka thu sinsakte na zuih tak tak u chun, ka sinsakte hi’n lau;

NASEPTE 2:42

Amau haw chun a hunteu chuh, sawlchakte kawma thu zilna’n a mang u a, kivawp khawm in, chângthâk phelsuoh in, paucham in, phachuomngai takin a um zing u a.

KOLOSSA 3:16

Krista thu chuh a hauhsakna chengcheng tawh na lunggil u ah cheng zing he’n. Mitin chuh chitna tin cheng in sinsak in hilh un. Pahchakna la haw, Pathien la haw, leh thagau lam la sau in la; lunggil a kipahthu gen kawmin Pathien chuh na lunggil u ah lasak sak un.

TITA 2:10

Chun, a thilhih teu a chuh, Pathien, I Hukdampau chanchin sinsakna lam thu a chuh minphatna a tun theihna dingin, phatna leh taksanumna chuh sulang zing zing zawu hen.

HEBRAI 3:14

Krista tawh pang khawmte I hi ta ngâl u a, a tûng pên a I kimuonpih u khah, a tâwp tienga dettaka I tukchak phawt u chun.

HEBRAI 6:1

Khutichun, Krista thubul kihilhna lam chuh dâwn talo in, pitinna lam zuon hitiu; thilhih thisa apat a lungheina leh, Pathien lama taksanna,

1 JOHAN 1:3

Chun, ka muh u leh ka zakteu chuh nang haw kawmah ka phuong uh a, khutia chuh. Pa leh a chapa Isu Krista tawh ka kivawpkhawmnau chuh nei kikawppih theihna dingun.

3 JOHAN 1:9

Sapchuomte kawm akhan huntieng chuh ka zik ta a; himahlele, a lak u a chungnun nuom sek, Diatrepha khan kei uh ei na pawm puoh ngâla.