2 JOHAN 1:3 - PATHIEN LEKHABU THIENGTHO (BSI)

³ Pa Pathien leh, Pa, Chapa Isu Krista kawm apat, hehpihna te, zahngaihna te leh chamna te chuh thutak leh lungsietna’n I kawm u ah um hen.

2 JOHAN 1:3 ပူးပေါင်းရင်းမြစ်များ

ZEKARIA 8:19

Lalpa Bangkim hihthei chun hiti hin a tii “Tha lina a anngawlh leh, tha ngana a anngawlh leh, tha sagihna a anngawlh leh, tha sawmna a anngawlhte chuh, Juda inkawte dingin lawpna leh kipahna, guolvakna thatnawp um tak hung hi ding ahi a, zieziekchun, thu dik leh chamna chu ngainau un,” a ti a.

ROME 1:7

Pathien deihtak, mi thiengtho hidinga sap Rome khuo a um cheng chengte kawmah: Pathien I Pau leh Lal Isu Krista apat chun hehpihna leh lungmuonna na kawm u ah um hen.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

1 TIMOTHE 1:14

Tichun, I Lalpau chun, a zahngaihna nasatak chuh ka chunga hun sungtha’n, Krista Isu tawh kipumkhatna zieka I neih uh, taksanna leh lungsietna chuh ei pie ta a.

1 TIMOTHE 1:2

Taksanna a ka cha taktak, Timothe kawmah: Pathien I Pau leh, Krista Isu I Lalpau kawm apat, lungsietna le, zahngaihna le, chamna le hung um ta hen.

2 TIMOTHE 1:13

Nanga dinga etsakna ka hun piek guol u khan, thudik tak ka hun sinsakteu kha tudet kei inla, chun, Krista Isu tawh I kipumkhatna ziek u a I chan uh, taksanna leh hehpihna akhan um zingin.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

2 JOHAN 1:1

Upa keimah apat, Numei pha kiteng nu leh, a chate, tih tak zet a ka lungsiet te kawmah. Kei mai hilo in, thutak he ta chengin le a hun lungsiet uh ahi,