1 TIMOTHE 4:3 - PATHIEN LEKHABU THIENGTHO (BSI)

³ Zie tawbang mite chun kichên a khap uh a, sa nek a khap u a. Himahlele, Pathien in zie haw chuh, thudik he a, amah gingchate chun, kipahthu gena, paucham zawh nunga nek dingin a siem ahi ngâl a.

1 TIMOTHE 4:3 ပူးပေါင်းရင်းမြစ်များ

1 TIMOTHE 4:4

Pathien thilsiem tincheng hi a pha ngâl a, nawlh ding bangmah a um chuom puoi, himahleh, thil cheng chuh, Pathien kawma kipahthu gena pawm ding ahi;

HEBRAI 13:4

Mi cheng cheng lak ah kichênna hi limbawl in um hen la, zâlkhun le sukbuok loh in um hen. Kideihchak chîng leh zawlsaite chuh, Pathien in ngaihtuoh ding ahi ngâl a.

ROME 14:6

Ni chang pa chun Lalpa limbawlna’n a chan sek ahi. Chuleh, bangakai ne pa chun, Pathien kawma kipahthu a gen a, Lalpa limbawlna’n a ne sek hi.

KOLOSSA 2:16

Khutichun, nek thu ah ahim, dâwn thu ah ahim, kut ni thu ah ahim, tha thak matna thu ah ahim, chawlhni mat thu ahim ah kuoma’n hun awimawh kihen.

1 KORINTH 8:8

Himahlele, neklechâk hin Pathien mit ei tunsak diek puoh a, ne kileuhing le I sie chuom diek puou a, ne leuhing le I pha chuom diek puou hi.

THILSIEMBUL 9:3

Thilhing tawithei taphawt chuh nang uh dingin an hi’n au; ancheh-lohing ka hun piek bang khan bangkim ka hun pie vek hi.

KOLOSSA 3:17

Chun, na hih tak uh chuh, thugen in ahim, thilhih in ahim, amah zâla Pa Pathien kawma kipahthu gen kawmin, Lalpa Isu min in hih vek un.

1 KORINTH 7:28

Himahlele, zi na neih tâk chun, thil na hihkhiel puoi, nungak in le pasal a neih chun, thil sukhiel ei diek puoi. Amahvang chuh, khutibang mite chun, taksa ah gimtheihna chuh thuok un au; ken vang, hun thuok loh sak ka guot zawk ahi.

ROME 14:3

Bangakai ne thei mi chun, a ne thei lo mi chuh musit kihe’n; a nelo mi’n le a ne thei mi chuh awimawh kihe’n; Pathien in amah chuh a lawp ta a puo.

HEBRAI 13:9

Thugin chuom chuom leh, sinsakna lamdang tak takte a puih mang in um kiu in! Pathien hehpihna apat a sunggil lam hatna muh chuh a pha ngâl a, neklechâk thu a dân guola phuh det hilo in, zie tawbang dân zuite chun bangmah phatchuomna a mu puoh ngâl u a.

1 TIMOTHE 2:4

amah chun mi chengcheng hukdama um ding leh, thutak he dingin a deih ahi.

1 KORINTH 6:13

Nek ding haw chuh gilpi a ding ahi a, gilpi chuh nek ding haw a ahi kit hi; himahlele, Pathien in sumang gêl gêl ding ahi. Sapum hi kipawl thanghuoina a mat ding ahi puoh a, Lalpa nasepna dinga mat ding ahi zawi; taksa a ding chule Lalpa piek ahi ngâl a.

ROME 14:17

Pathien gam chuh nek le châk lam thu ahi puoh a, diktatna leh chamna leh, Thagau thiengtho akipahna haw ahi zaw ngâl a.

MATTHAI 15:36

Tichun chângthâk pêk sagih leh ngasi haw chu a la a, kipahthu a gen a; a phelsuoh a, sinsakte kawmah a pie a, chun, sinsakte chun mipite kawmah a pieu a.

THUGENPA 5:18

Thilpha leh hawih khawvel a ka muh chuh Pathien in damsung hun chawmchah a piek sunga mihing in a sepgim gah chuh a nêk a, a dawna nuom tak a a chen chuh ahi; zie chuh a chantawk ahi.

MATTHAI 14:19

Tichun mipi haw chu hampa chunga chu dingin thu a pie a; chun, chângthâk pêk nga leh nga nih chu a la a, van lam en in, a vangsak a. A phelsuoh a, chângthâk haw chu sinsakte kawmah a pie a, chun, sinsakte chun mipi haw kawmah a pieu a.

NASEPTE 27:35

Chun, zie thu chuh a gen zawhin, chângthâk a la a, mi chengcheng masanga chun Pathien kawmah kipahthu a gen a, a phelsuoh a, tichun, a ne pan tau a.

JOHAN 6:23

Himahleh, Lalpa’n kipahthu gena, mipite’n chângthâk a nekna kieng uh lui pang achun, Teberius apat in kuong dang a hungtung ngâl a.

LUKE 24:30

Tichun, an ne dingin a kawm u achun a chu a, chângthâk a la a, kipahthu a gen a; chângthâk chuh a hekphel a, a kawm u ah a pie a.

DANIEL 11:37

Leng chun a suonte pathien chuh khawksak puo’n tin, numeite deih zawng haw pathien himhim khawksak nei puo’n a, pathien dang himhim khawksa puo’n tin, amah chuh mi cheng cheng sanga lienzaw a a kingaih ziekin.

1 SAMUEL 9:13

Khuo na lut lut u leh munsanga an ne dinga a chieh masang in vamu zieng inlau; kithawihna chu a vangsak ding ahih ziekin ahung masang sieh mipite’n an nelo ding ahiu hi; zie nung chuleh a mi chielteu chun a nek sek uh ahi. Zieziekchun chieh to meng leu chin, va mu pai zieng inlau,” a tiu a.

MATTHAI 15:11

Kama lut chuh mihiem subuok ahi puoh a; kam apat a pawt chuh mihiem subuok ahi zawi,” a ti a.

1 TIMOTHE 5:14

Khutichun, meithai ana nungak deuhte chun pasal nei u hen la, cha le nei u hen, In sung vaihawm u hen la; I melmateu ei gensietna ding hun mawngmawng pie dah leu ka nawp ahi.