1 TIMOTHE 3:3 - PATHIEN LEKHABU THIENGTHO (BSI)

³ zungawl vei lo, thagumsuoh chîng lo, mi nunnem leh kinakpih ding hawl lo; dangka sum ngailul lo;

1 TIMOTHE 3:3 ပူးပေါင်းရင်းမြစ်များ

TITA 1:7

Sapchuom lamkai chuh Pathien nasep enkawl pên a hih ziekin dem umlo a hih ding ahi. Amah kithusak, lungna vak, zungawlvei nuom, mivelh nuom, lepna diklo a huoiham mi hi lo ding ahi.

TITA 3:2

kuomah gensie lo ding leh, thusie bawl lo ding leh, mi chengcheng kawma kingaihniemna tincheng taklang a, nunnem dingin amau haw hetdawk sak kit ah.

EPHESI 5:18

Chun, uain kham in um kiu inla, zie tak a chun kidêklohna a um ngâl a; Thagau a dim in um zawu in.

1 TIMOTHE 3:8

Khutibang mah in, sapchuom nasep panpihte chuh, mi zahum hi ding ahiu hi; Kamtam te, uain heh te, lepna diklo a huoiham te ahi dinguh ahi puoi;

JAKOB 4:1

Na lak uh a kidona leh kinakna haw hi khawi apat a pawt sek a hi? Na sapum kahawu laka, kidona siem sek, nangmau haw utlam haw apat hung pawt sek hilo maw?

ISAI 28:7

Himahlele, amau haw chun uain ziekin a sukhiel tau a, khamtheih ziekin a lawn chui chui u a, thiempu te leh thiemgaute chule zukham in a lawn duoi duoi u a, uain valh zawhin a um u a, zu ziekin a hâwi duoi-duoi u a, kilâkna chuh a he thei ta puou hi; vaihawmna thu ale a kipalpai tau hi.

1 PETER 5:2

Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

HEBRAI 13:5

Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.

TITA 2:3

Nupite’n le Pathien thu chuh gensieta a um lohna’n, numei thiengtho taka hingte guola um dingin tîl ah. Mi hêk hat leh, uain hehte hilo ding ahiu.

THIEMPUDANTE 10:9

“Nang na him na chapate ahim inle, kihona puon-In sung achun uain ahim, zu ahim dâwn kiu in; khutilochun, thi kha’n lau. Ziehi na suonteu inle kumkhuo a a zawp zel dinguh dân chuh ahi.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

JUDA 1:11

A chunguh a gik hi! Kain lampi chuh a hawh uh a. Dangkasum duhchakna ziekin, thil diklo, Balaam in a sukkhelhna mah ah khan, amau leh amau a kibun lut uh a. Korah helna bawl bang khan a hel uh a, amah bang mah khan, sukmangthai in a um tau hi.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

1 THESSALONIKA 5:14

Ka suohpihte haw, ka hun nget uh na hiu hi, kituok lo taka umte chuh gai un la, mi dawilawkte chuh tîlkhoh un la, zawngkhalte chuh panpih un la, mi chengcheng lak ah thuokhat takin um un.

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

NASEPTE 20:33

Kuomah dangka le, sana le, silhlechen le ka awtcha ngei puoh kha.

MATTHAI 21:13

“Ka In chuh, pauchamna In ti’n au tih zik ahi ngâla; himahleh, nanghaw’n la suommangte kisêlna In in na siem zawu in,” a ti a.

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

MIKA 3:5

Piek ding a neih lai u a “Muonna” thu tiem khum a, piek ding neilote kawma kidona thu phuong a gen lauhsak thiemgaute chun ka mite a thêm u a, a chungchâng thu Lalpa’n hiti hin a gen hi.

MIKA 2:11

‘Uain leh zu luong ina,’ ti a zuou gen thiemgau vakvielte chuh zie mite thiemgau hi dinga kilawm phet ahiu hi.

EZEKIEL 44:21

Thiempu chun, huong sungnung zaw a a lut tieng u leh, uain a dâwn dinguh ahi puoi.

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

ISAI 28:1

E khai! Ephraim haw zukham hât leh kiletsakna lallukhuk chung leh a lopi nau pakcha tuoi zing lai, uain in a zawh sate chung chuh a gik hi.

THUGENPA 7:8

Thil kipatna sangin a tawpna chuh a phazaw a; Lungthima thuokhatna chuh chapona sangin a phazawi.

THUCHINGTE 15:27

Diklo taka lawkna chun amah insung a subuoi sek a, himahleh gawlhgukna deihlote vang chuh lawhting in au.

THUCHINGTE 1:19

Lawkna dinga misuomte lampi chuh zie tawbang chuh ahi a zie ngêi chun a neite hinna chuh a lâkmang sak sek hi.

1 SAMUEL 8:3

Himahlele a chapate’n vang a umdan a la puou a, sumlepai lam a delh u a, gawlhgukna haw a lau a, diklo takin vai a hâwm u a.

2 TIMOTHE 3:2

Mi, amah kihehpihte, dangkasum ngailulte, mi kilekte, mi kiletsakte, Pathien gensiete, nulepa thu ngailote, kipahna zie helote, Pathien ngaihsak lote,