1 SAMUEL 9:26 - PATHIEN LEKHABU THIENGTHO (BSI)

²⁶ Chun zingkal vaima takin a tho u a: chun tihi ahi a thingzangvak velin In chunga Saul chu Samuel in a sama, “Ka hun thak dawk theihna dingin tho in,” a ti a. Khutichun Saul chuh a tho a, a nih u chun a chieh dawk u a amah leh Samuel chuh a pawt tau a.

1 SAMUEL 9:26 ပူးပေါင်းရင်းမြစ်များ

VAIHAWMTE 19:28

Chun, amah chun a kawmah, “Tho ah, chieh tai tiu,” a vak ti a; himahlele, a hun dawng ta hiel puoh a, tichun a sabiltung chungah a dawm kai a, tichun a kipan dawk a, a In lam zuon in a chieh ta a.

JOSHUA 7:13

Tho inla, mipite hi hih thiengtho phawt in, chun, a kawm u ah, ‘Zing a dingin kihihthiengtho un, Lalpa Israel Pathien in, Aw Israel haw, na lak u a hin thil thienglo a um hi, na lak u a thil thienglo hi na lâkdawk macheng un na melmateu hi zo thei puo’n lau.’

THILSIEMBUL 44:4

Khuo apat a chiehdawk uh, a tun gamlat mau chun Joseph in a suokpa kawm achun, “Kipan inla, mihaw kha va delh in; na delhphak tieng leh a kawm u ah, ‘Bangti dana thilpha thil phalo a na dit uh ahim?

THILSIEMBUL 19:14

Tichun, Lot chuh a pawtdawk a, a chanute pasal, a mâkpate kawm achun ava chieh a, “Kipan unla, zie khawpi apat hin pawtdawk un; Lalpa’n zie khawpi hih sumangthai ding ahi,” a ti a. Himahleh, a mâkpate chun chiemnuih thugen bang phetin a ngai u a.

1 SAMUEL 9:25

Chun, munsang apat khuo a a hung suk phet u chun Samuel in In chung ah Saul a holimpih a, zie chun zâlkhun a dawh sak u a, ipmu dingin a kuol a.

1 SAMUEL 9:27

Khawpi pawlama a chieh suk lai u chun Samuel chun Saul kawmah, “Suokpa hi I ma lam ah chieh sak in (amah chu a chieh ta a) nang vang chu ding tadih inla Pathien thugen ka hun hilh theihna dingin,” a ti a.