1 SAMUEL 9:16 - PATHIEN LEKHABU THIENGTHO (BSI)

¹⁶ “Zing leh tuhun vel hin Benjamin gam a pat in pasal khat hun sawl ding ka hi a, ka mi Israel te chunga lawiupa hiding in thau nuh in na tin, amah chun Philistia mite khuta pat in ka mite hukdam ina: a kiko thawm uh ka kawm ahung tun tâk ziekin ka mite chu ka ngaihsak ahi,” ti’n ana gen ta a.

1 SAMUEL 9:16 ပူးပေါင်းရင်းမြစ်များ

1 SAMUEL 10:1

Khutichun, Samuel in sathau um chu a ladawk a, a luchang ah a sung a; a chawpa, chun, “Lalpa chun a gochan Israel te chunga lawiupa hi dingin sathau a hun nuh hilo ahim?

SAM LEHKHABU THE PSALMS 106:44

Khuti nasan chun le amah chun, a kiko husau a het tieng leh A lungkham u chu a limsak a:

SAM LEHKHABU THE PSALMS 25:18

Ka gimtheih zie leh ka thuok dan hi ngaihtuoh inla, Ka gitlohna chengcheng ngaidam in.

1 SAMUEL 15:1

Chun, Samuel chun Saul kawmah, “Lalpa’n a mite Israel te chunga leng hidinga thau hun nuh dingin ei sawl ahi kha; zieziekchun, tuhin Lalpa thugen hi ngaitha’n.

1 SAMUEL 16:3

Chun, kithawihna achun Jessai chu chiel inla, na hih ding chu hun hilh ing ka ting; chun a min ka hun hilh ding pên chu thau ei nuh sak in,” a ti a.

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

2 SAMUEL 3:18

Tuhin siem tau in; Lalpa’n David chungchâng thu a chun, ‘Ka suok David khut in ka mi Israel te chu Philistia mite khut apat leh a melmateu chengcheng khut apat hukdawk ing ka,’ ti’n a gen hi,” ti’n.

2 LENGTE 20:5

“Vaikit in la ka mite lawiupa Hezekia kawmah zie thu hi gen in; Lalpa na pu David Pathien chun hiti hin a tii, Na pauchamna kha ka za a, na mittui kie le ka mûi. Ngaitie, hun sudam ing ka ting, ni thum sungin Ho-In ah chieh inla.

SAM LEHKHABU THE PSALMS 102:1

Aw Lalpa, ka pauchamna hi ngaitha’n la, Ka kiko husa hi na kawm tung hen.

JEREMIA 32:8

Tichun, ka paneu chapa Hanamel chuh Lalpa thu bang chun, suongkul huongsung achun a hung lut a, ka kawmah, ‘Anathoth khuo a ka lo chuh ei châwk sak in ti’n a hung ngên hi, zie chuh Benjamin gama um ahi a, goluoh theihna dik a nei ngâla, na tat ding ahi a, nanga dingin kichâwk in,’ a ti a. Tichun, zie chuh Lalpa thu ahi tih ka heta a.

1 SAMUEL 14:20

Khutichun Saul leh a kawma mipi umte chengcheng chu a chieh khawm u a, kidona achun a chieh tau a; chun, ngaitie, amau leh amau chemzâm in a kisattuoh lak lak zieng tau a; a buoi in a pheng buoi tau a.

1 SAMUEL 14:23

Khutichun zie ni chun Lalpa’n Israel te chu a hukdawk a, Bethaven khel lam tung hielin a kido pek tau a.

THUCHINGTE 16:9

Mihingte lungthim chun a lampi ding a guonggalh sek a, himahleh, a kalsuon vang chuh Lalpa’n a pui sek.