1 SAMUEL 7:3 - PATHIEN LEKHABU THIENGTHO (BSI)

³ Chun, Samuel chun Israel inkuonte chengcheng kawmah, “Na lunggil tak zet uh a Lalpa lam hung nga na hih takzet u chun, gamdang pathien haw leh Ashtaroth chu na lak uh apat kawihmang kei unla, na lunggil u chu Lalpa dingin guonggalh unla, Amah na mai sem un; tichun Philistia mite khut apat hin hun hukdawk ding ahi,” ti’n a gena.

1 SAMUEL 7:3 ပူးပေါင်းရင်းမြစ်များ

LUKE 4:8

Isu’n a kawmah, “Lalpa na Pathien ho inla, amah na chauh sem in tih a zik ahi,” ti’n a dâwng a.

DAN NIHNA 13:4

Lalpa na Pathien u chuh na zuih u a, amah chuh na lauh u a, thupiek haw chuh na zuih u a, a thugen haw chuh na pawm u a, a na na sep u a, amah chuh na tûk det zing dinguh ahi.

MATTHAI 4:10

Ziephet chun Isu’n a kawmah, “Setan, chiehmang kêi ah! ‘Lalpa na Pathien ho inla, amah na chauh sem in’ tih zik ahi ngâl a,” a ti a.

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

JOSHUA 24:14

“Zieziekchun, Lalpa chuh kihchau unla, tihtakzet leh diktak in a na chuh sem unla, na pulepateu in luigal lehlam a Aigupta gama a na a sep sek uh pathien haw khah paih vek unla; Lalpa na sem un.

JOSHUA 24:23

Chun, Joshua chun, “Khuti ahih chun na lak uh a nam dang pathien umte chuh kawihmang kêi unla, Lalpa Israel Pathien lam achun na lunggil uh hei un,” a ti a.

JOHAN 4:24

Pathien chuh Thagau ahi, amah hote chun Thagau leh thutaka a ho dinguh ahi,” a ti a.

DAN NIHNA 10:20

Lalpa na Pathien chuh na lauh u a, a na nasep u a, amah chuh na tuk det u a, a min a na kihâksiel dinguh ahi.

1 LENGTE 8:48

A melmau sala puite gama a lunggil tak u leh a ngaihtuohnau taka nang lam a hun ngat u a, a pulepateu na piek gam leh, na khawpi tel lam leh na min dinga ka In sak lam hi hun ngaa na kawma a paucham u chun,

MATTHAI 6:24

“Kuoma’n to nih na a sem kawp thei puoi; khat chuh mudah in, khat chuh deihchuom in ahim, a hihloh leh khat chuh limbawl in khat chuh simmawh ding ahi ngâl a. Pathien leh sum na na sem kawp thei puou hi.

MATTHAI 15:8

‘Ziete haw hin a mûk un ei limbawl un, A lunggil unla ei gamlat ngâl un.

VAIHAWMTE 10:6

Chun, Israel chate chun Lalpa mitmuh in thil gilo a hun hih kit tau a, Baal te, Ashtaroth te, Suria pathien te, Zidon pathien te, Moab pathien te, Amon suon pathiente, Philistia pathiente na a sem u a; tichun Lalpa a kiheisan tau a, a na a sem ta puou hi.

1 KHANGTHUBU 22:19

Ho-In sak pan ngâl un la, Lalpa Thugawlh kawihna Thingkuong leh amah hona dinga thil thiengthote chu a sunga na kawih theihna ding un, a ti a.

THILSIEMBUL 35:2

Chun, Jakob in a inkawte leh a kawma um cheng chengte kawm achun, “Na lak u a midang pathien um haw chuh kawihmang kêi un; kisuthieng unla, na silhlechen hawu theng un:

EZEKIEL 18:31

Bawhsietna na na hihsa chengcheng u chuh paihmang vek unla, lunggil thak leh ngaihtuohna thak nei un: Bang zieka e na thih ding uh, Aw Israel insung mite haw?

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

THUCHINGTE 16:1

Lungthima guonggalh lawkna chuh mihing a ahi a, a sukpitinna vang chuh Pathien apat ahi.

2 KHANGTHUBU 19:3

Himahleh zie gam apat hin Asher pathien na lamang a, Lalpa na hawl ziekin phatna lam bang ahim na nei na lai hi,” a ti a.

VAIHAWMTE 10:16

Tichun, a lak u a nam dang pathiente chuh a kawihmang u a, Lalpa na a sem tau a. Chun, Israel chate lungkham ziek chun a lungthim chuh a lungkham mah mah ta a.

HOSEA 14:1

Aw Israel, Lalpa na Pathien uh lam ah hung vaikit un! Na manlohna ziekin na kisui a, na puk ta ngâla.

2 KHANGTHUBU 30:19

“Aw Lalpa, ka pileputeu Pathien, a lungthim tak u a hun hote chu, sakhuo dana thienglo himahleu le na phatna chun ngaidam in,” a ti a.

VAIHAWMTE 2:13

Tichun, Lalpa chuh a kiheimang san u a, Baal te leh Ashtaroth te na chuh a sem tau a.

1 SAMUEL 31:10

Chun, a gâlvan chu Asteroth pathien In ah a kawih u a; a luong chu Bethshan kulh bâng ah a tâk u a.

JOSHUA 13:31

Chun, Gilead gam kimkhat leh Bashan a Og lalgam a Ashtaroth te, Edrei te tawh; ziehaw chuh Manasseh chapa Makir suon, Makir suon kimkhatte dingin, a inkuon uh bang zel a guot ahi.

1 LENGTE 11:33

Amau haw chun ei taihsan u a, Zidon mite pathiennu Asteroth te, Moab mite pathien Kemosh te, Amon te pathien Milkom te a ho ziekun, ka mitmuha thilpha hih ding leh ka thuguot te leh ka vaihawm te hi a zawp dinga a pa David banga ka lampite a hawh loh ziekun.

JEREMIA 24:7

Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”

JEREMIA 36:3

Zie tieng chuleh Juda inkawte chunga thil phalo hih ka guot haw cheng chuh hun hedawk untin, mitin chuh a thil hihkhelh nau apat in a hung kihei kit kha mawh ding u, a manlohnau leh a gitlohnau ka ngaihdam theihna dingin,” a ti a.

EZEKIEL 14:6

“Zieziekchun Israel inkuonte kawm achun, Lalpa Pathien chun hiti hin a tii, Kisik unla, na milim hawu chuh nusieh unla, na tenumna chengcheng u chuh kiheimang san un!

DAN NIHNA 4:29

Himahleh, zie apat chun le Lalpa na Pathien u chuh na hawl u a, na lunggil cheng u leh na lungthim chengcheng uh a na hawl u chun mu kit inlau.

VAIHAWMTE 2:11

Chun, Israel chate chun Lalpa mitmuh in thil gilo a hih u a, Baal na a sem u a.

2 LENGTE 17:39

Kei, Lalpa na Pathien uh thu hi na zawp dinguh ahi a; tichun, na melmateu chengcheng khut apat in hun hukdawk ding ka hi,” ti’n.

2 LENGTE 23:15

Chun, zielo chu le, Josia chun, Israel te thil hihkhiel dinga puipa, Nebat chapa Jeroboam in Bethel a maichâm a siemte chule a hihchim a. Tichun, maichâmte chu a luoi chima, a suongte chu a sunel dik dek a, Asher lim chule a hâl tum ta a.

2 KHANGTHUBU 20:33

himahleh, milim pathien hona munte chu suksiet ahi diek puoi. Mipite chu a pileputeu Pathien hona lam achun a lungthim pumpiu in a kihei diek puou hi.

JEREMIA 4:1

Aw Israel, na vaihkit chun kei kawm ngeia na hung vaihkit ding ahi Lalpa’n a tii. Na kihdak-um nate ka mitmuh a na kawih mang leh nang chuh sukmangthai hi puo’n la.