1 SAMUEL 7:12 - PATHIEN LEKHABU THIENGTHO (BSI)

¹² Khutichun, Samuel chun suong a la a, Mizpah leh Shen kikala chun a phut a, “Hiti tieng hin Lalpa’n ei na panpih ahi” ti’n a min dingin Eben-ezer a sa a.

1 SAMUEL 7:12 ပူးပေါင်းရင်းမြစ်များ

THILSIEMBUL 22:14

Tichun, Abraham in zie mun min ding chun Jehovah-Jire tih a sa ta a: tuni chan a, “Lalpa tângah ngaihtuoh hi’n a,” a tih sek guol u hin.

THILSIEMBUL 35:14

A hopihna mun achun Jakob in hetzingna suong a phut a, a chung achun thillat dâwn chi a sunga.

SAM LEHKHABU THE PSALMS 71:17

Aw Pathien, ka khangdawng lai a kipatin nangin nei sinsak a; Tu tieng hin na thilmak hihhaw chu ka phuong sek hi.

SAM LEHKHABU THE PSALMS 71:6

Ka pien apat in le nang mah puih in ka na um a; Ka nu sûl apat ei ladawkpa na hii; Nang hi na hi, ka hun pahchak zing ding chuh.

PAWTDAWKNA 17:15

Chun, Mosi’n maichâm a siem a, a min dingin Jehovah-nissi a sa a.

ISAI 19:19

Zie ni chun, Aigupta gam lailung lai tak ah Lalpa dingin maichâm um intin, a gamgi achun Lalpa dingin suongphuh um ina.

NASEPTE 26:22

Himahlele, Pathien kawm apat panpihna ka muh ziekin, tuni tieng hin, mi neute leh mi liente kawmah thu ka hetsak zel a; ka thugen chuh, thiemgaute leh Mosi’n, hung tung ding ahi ti a a na gen:

2 KORINTH 1:10

Zie Pathien chun, khutibang thihna ding, lauhthawng-um, tizat-um tak lak apat chun ei hukdawk ta a; ei hukdawk kit intin; amah a ginna I ngak ziek u chun, ei hukdawk kit zel ding ahi;

JOSHUA 4:9

Chun, thugawlh bawm zawn thiempute dinna lai tak, Jordan lui lai achun Joshua’n suong sawmlenih a phut a; ziehaw chuh tuni tiengin a um zing nalai hi.

1 SAMUEL 14:35

Chun, Saul chun Lalpa dingin maichâm a siem a; zie chu Lalpa dinga maichâm a siem masak pên ahi.

1 SAMUEL 4:1

Chun, Samuel thu chu Israel te chengcheng lak ah athang suok ta a. Chun, Israel te chu Philistia te do dingin a kuon dawk u a. Eben-ezer kieng ah panmun a khawh u a; chun Philistia te chun Aphek ah panmun a khawh u a.

1 SAMUEL 5:1

Khutichun, Philistia te chun Pathien bawm chuh a lau a, Eben-ezer apat Ashdod khuo ah a hun puou a.

1 SAMUEL 7:11

Chun, Israel te chu Mizpah apat chun a pawt uh a, Philistia mite chu a delh u a, Bethkar nuoi a tun chan un a that zel uh a.