1 SAMUEL 6:4 - PATHIEN LEKHABU THIENGTHO (BSI)

⁴ Ziephet chun, amau chun, “Sukkhelh kithawihna thilpiek a kawm a bang pie ding ka hiu em?” a tiu a. Chun, amau chun, “Philistia lengte zah phet sana âkngawn lim nga leh sana santhim lim nga; nang u leh na lengteu chunga hi leng chu akibang ahi ngâl a.

1 SAMUEL 6:4 ပူးပေါင်းရင်းမြစ်များ

VAIHAWMTE 3:3

Ziehaw chuh Philistia leng ngate, Kanaan mite, Zidon te, Lebanon tânga um Hiv te Baalhermon tâng apat a, Hamath khuo lutna tienga cheng te ahiu hi.

JOSHUA 13:3

Aigupta gamgi zul a um Shihor apat a mâllam panga Ekron gamgi tiengin, (zie chuh Kanaan mite gama ngaih ahi; Philistia te lal haw chuh Gaza te, Ashdod te, Ashkelon te, Gath te, leh Ekron te achun a cheng u a,) sim lama Avvim gam le;

1 SAMUEL 5:9

Chun, hiti hi ahung hi a, khutia a chiehpih lai u chun, Lalpa khut chun khuo chu a hun subuoi ta a, khuo a mi haw chu alien aneu in a gawt a, âkngawn natna hi a lênsak ta a.

1 SAMUEL 5:6

Khutichun, Lalpa khut chun Ashdod khuo a mite chu a delh gikten ta a, a chung u ah sietna a tunsak ta a, Ashdod khuo leh a kimvela khuo haw chu âkngawn natna’n a gawt ta a.

1 SAMUEL 6:5

Zieziekchun, na âkngawn lim hawu leh na gam uh susie sek santhim lim haw chu siem unla; chun Israel te Pathien chu limbawl un, khutichun a khut chu nang u leh na pathienteu leh na gam uh apat ahih zângkhai nuom mawh die.

1 SAMUEL 5:12

Chun, a thilo sun haw chuh âkngawn in a nau a; chun zie khawpi kahlemau git chun van a thawng hiel hi.

PAWTDAWKNA 12:35

Chun, Israel suonte chun Mosi thu bang chun a hih u a: Aigupta mite kawm achun dangkathîk kicheina leh sana kicheina leh silhlechen a ngên u a:

1 SAMUEL 6:8

Chun, Lalpa bawm chu lau inla, kangtalai chunga chun kawih unla; chun, sukkhelh kithawihna dinga na piek uh sana thillul chu thingkuong a khum in, a sik ah kawih unla, chiehsak unla, tha dawk mai un.

VAIHAWMTE 14:19

Chun, Lalpa thagau chuh a chungah nasa takin a hung tunga, tichun, Ashkelon khuo ah a va chieh a, mi sawmthum a va that a, a van uh haw chuh a sut saka, kithenna puon haw chuh thu haksa hilhchiente kawm achun a pie ta a. Chun, a lungna mah mah mai a, a pa In lam ah a chieh to ta a.