1 SAMUEL 6:21 - PATHIEN LEKHABU THIENGTHO (BSI)

²¹ Khutichun, Kiriath-jearim khuo a mite kawm achun, “Philistia te chun Lalpa bawm chu ahun kawih kit tau a, hung suk unla na kawm u ah la to un,” ti a va gen dingin mi a sawl tau a.

1 SAMUEL 6:21 ပူးပေါင်းရင်းမြစ်များ

JOSHUA 18:14

Chun, zie apat chun gamgi chuh a chieh zel a, simlam Beth-horon zawna um tâng a kipatin tuisuohgiet ning chuh simlam pang ah a kuolkhum a. Chun, a suokdawkna chuh Kiriath-jearim kiti Judate khawpi Kiriath-baal ahi a, zie chuh tumlam panga gamgi ahi.

JOSHUA 9:17

Chun, Israel chate chuh a chieh zel u a, a ni thum ni chun a khawpiteu chuh a va tung u a; a khawpi hawu chuh: Gibeon, Kephirah, Beeroth leh Kiriath-jearim ahi.

JEREMIA 7:14

Zieziekchun Shiloh chunga ka hih bang khan, ka min puo nang u leh na suonteu kawma ka piek na ginchak uh zie In chung ahin hih ding ka hi.

JEREMIA 7:12

A tunga ka min umna Shiloh achun chieh unla, ka mite Israel te nunsiet zieka ka thilhih chuh va en un.

SAM LEHKHABU THE PSALMS 78:60

Khutichun, Shiloh bukcha, Mihiem te laka a chênna chuh a taihsan ta a;

VAIHAWMTE 18:12

Tichun, a chiehto u a, Juda gama Kiriath-jearim mun ah a kikulh u a; zieziekchun tuni tieng hin zie mun chuh Mahanehdan a kitii; zie chuh Kiriath-jearim tum lama um ahi.

JOSHUA 15:60

Kiriath-baal (zie chuh Kiriath-jearim ahi) leh Rabbah; khawpi haw leh a khawpel haw pum in khuo nih ahi.

JOSHUA 15:9

Chun, gamgi chuh tângsip apat in Neptoah luicha haw tiengin a chieh sak uh a, Ephron tâng a khawpi haw ah a chieh zel a; chun gamgi chuh Baalah ah (zie chuh Kiriath-jearim ahi) a chieh sak tau a.

JEREMIA 26:20

Chun, zie tak achun, Lalpa min a genlawk Keriath-Jearim mi, Shemaiah chapa Uria mi, Jeremia thugen haw guola zie gam leh khawpi siet ding thugen chuh a um a.

2 SAMUEL 6:2

Tichun David chu a kipan a, Juda gama Baale khuo apat in Cherub te chunga chu sepaihte Lalpa min a put sak uh Pathien bawm chu la to kit ding in a kawma mi um chengcheng te chu tawh a kuon tau a.