1 SAMUEL 6:2 - PATHIEN LEKHABU THIENGTHO (BSI)

² Chun, Philistia te chun, “Lalpa bawm hi bang lawh ding I hi tau em? A umna ngei mah a bang kiti thak dawk ding ahim?” ti’n thiempute leh phunsân thiemte kawm achun a gen uh a.

1 SAMUEL 6:2 ပူးပေါင်းရင်းမြစ်များ

PAWTDAWKNA 7:11

Khutichun, Pharaoh chun le mipil haw leh dawithiemte chuh a sama: chun, Aigupta gama mitvaidawi thiem haw chun le, a dawi u chun a hun hih u a.

THILSIEMBUL 41:8

Zingkal chun hiti hi ahi a, a lungthim chuh a lungkham mah mah ta a; tichun mi a sawl a, Aigupta gama mitvaidawi thiem chengcheng leh mipil chengcheng chu a sama: Pharaoh chun a mang chu amau haw a hilh ta a; himahlele Pharaoh hilhchien thei kuomah a um ta puou hi.

DANIEL 5:7

Leng chun, “Phunsân thiem te, Babulon mite, aksi lam chanchin hete hun pui un,” ti’n ngeih tak in a kiko a. A hung phet un leng chun Babulon miching te kawm achun, “Kuole, zie lehkhazik hi sim a, a hilhchetna ei etsak chuh puonsandup silh sak hi’n tin, a ngâwng ah limbawlna sana khi awh sak hi’n a, chuleh, lenggam a vaihawm thum te laka khatin pang in a,” ti’n a gen a.

DANIEL 2:2

Tichun, lengpa chun mitvaidawi thiemte, phunsân thiemte; dawithiemte Kaldai mite a mang chuh amah hilh dinga sap ding thu a pie a. Tichun a hung khawm u a, leng masang achun a hung ding tau a.

MATTHAI 2:4

Tichun, thiempu liente leh dân thuzikte chengcheng chuh a sam khawm a, Krista pienna ding thu chuh a dawng a.

ISAI 2:6

Suohlam dawi thilhih dante, Philistia dawite a chîng u a, gamdang mite tawh a kikhutzawp tâk ziekun na mi, Jakob insung chuh na nawlh ta a.

1 SAMUEL 6:1

Chun, Pathien bawm chu Philistia gam achun tha sagih a uma.

1 SAMUEL 5:8

Khutichun Philistia lengte chengcheng chu a samkhawm u a, a kawm u ah, “Israel te Pathien bawm hi bang lawh ding I hi tau em?” a tiu a, Chun, Gad khuo mite chun, “Israel te Pathien bawm chu kei uh kawmah puoklut hi hen” ti’n a dâwng uh a. Tichun Israel te Pathien bawm chu zie chun a chawn tau a.