1 SAMUEL 6:14 - PATHIEN LEKHABU THIENGTHO (BSI)

¹⁴ Chun, kangtalai chu Bethsemesh khuo a cheng Joshua lo ah ahung luta, suong lientak umna achun a ding zieng ta a; chun, kangtalai thing chu a ek uh a, Lalpa hona dingin bâwngpite chu hâlmang kithawihna dingin a mang tau hi.

1 SAMUEL 6:14 ပူးပေါင်းရင်းမြစ်များ

2 SAMUEL 24:22

Chun, Araunah chun David kawmah, “Lengpa, ka pu chun pha a sak dân dân la hen la, entie, hâlmanga piek dingin le bâwngchal haw le a um a, a thing dingin le phuol matchâkte leh bâwngchal van matchâkte le a um hi.

VAIHAWMTE 21:4

Chun, hiti hi a hung hi a, a zing chun mipite chuh zingkal vaima takin a tho u a, zie chun maichâm a siem u a; hâlmang kithawihna leh chamna thilpiekte a pieu a.

1 LENGTE 19:21

Chun, a va zuih chu a hung vaikit a, bâwngchal tuok khat chu a that a, a sa chu bâwngchal lo kaihna van haw chun a huon a, mipite chu a pie a, a ne tau a. Tichun a kipan a, Elijah chu a zui a, a na a sep sak ta a.

2 SAMUEL 24:25

Tichun, David chun zie tak achun Lalpa dingin maichâm a siem a, hâlmang thilpiekte leh chamna thilpiekte a lân ta a. Khutichun, Lalpa chuh a gam chung achun a lungkim ta a, Israel gam apat hipi chuh a kithiel dawk tai.

2 SAMUEL 24:18

Chun, zie ni chun Gad chu David kawmah a chieh a, a kawmah, “Chieh to inla, Jebus mi Araunah phuol ah Lalpa dingin maichâm siem in,” a ti a.

1 SAMUEL 20:29

‘Ei chieh sak tei in, ka inkawte’n zie khuo achun kithawihna nei ding ahiu a, ka suohpihpa’n zie a chu tel tei dingin ei ti.a, khutichun nei lungsiet theih chun ei chiehsak inla, ka suohpihte va kimuhpih ing ka,’ a ti a. Zieziekchun leng dawhkan a hi hung lo ahi,” a ti a.

1 SAMUEL 11:5

Chun, ngaitie, lo apat in Saul chu bâwng hun hawi in ahung a; chun, Saul chun, “Bang a tiu a ahim mipi haw chu a kah uh?” a ti a. Chun, Jabesh khuo a mite thu gen chu a hilh u a.

VAIHAWMTE 6:26

Chun, zie suongpi chung ahin phatak in suong tieng inla, Lalpa na Pathien a dingin maichâm siem in la; bâwngchal nih na chuh kai in la, Asher dawikhuom na phuk ding chuh mang in hâlmang thillat lân in,” a ti a.

PAWTDAWKNA 20:24

Kei dingin lei a kisiem maichâm na siem ding ahi, achung achun hâlmang thilpiek na belamte leh bâwngchalte chuh hâlmang thilpiek leh chamna thillat dinga na piek sek ding ahi: muntin ah kei nei hona dinga ka kawihchuom ahi a, zie tak achun hung sek ing ka ting, vang hun pie sek ing ka.

1 SAMUEL 6:13

Chun, Bethsemesh khuo a mite chun guom ah buh ana ât uh a, a vak dâk dawk u leh Pathien bawm chu a vak muu a, a kipâk ta mah mah uh a.

1 SAMUEL 6:18

Chun, sana santhim lim chule Philistia te khawpi haw, leng ngate khawpi kulh nei haw leh khawneu kulh bei haw, Abel muna suong lientak Lalpa bawm a ngakna tieng uh a, zah ahiu a: Lalpa bawm a ngaknau suong lientak chu Bethsemesh khuo a Joshua lo ah tuni tieng hin a um zing hi.