1 SAMUEL 5:8 - PATHIEN LEKHABU THIENGTHO (BSI)

⁸ Khutichun Philistia lengte chengcheng chu a samkhawm u a, a kawm u ah, “Israel te Pathien bawm hi bang lawh ding I hi tau em?” a tiu a, Chun, Gad khuo mite chun, “Israel te Pathien bawm chu kei uh kawmah puoklut hi hen” ti’n a dâwng uh a. Tichun Israel te Pathien bawm chu zie chun a chawn tau a.

1 SAMUEL 5:8 ပူးပေါင်းရင်းမြစ်များ

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.

AMOS 6:2

Kalneh khawpi a chun chieh suk unla, en un! Chun, zie a kipat chun Hamath khawpite a chun chieh suk un la; chun, Philistia khawpi Gath achun chieh suk un. Juda lalgam leh Israel lalgam sangin a phazaw diek em! A gam u chuh nanghaw a sangin a lienzaw chuom em?

1 SAMUEL 17:4

Chun, Philistia te panmun apat chun a mihatpau, Gath khuo a cheng, tawng gup leh khâp-a sang amin Goliath kiti hi a hung pawt a.

1 SAMUEL 5:11

Khutichun, Philistia lengte chengcheng chu a samkhawm u a, “Israel te Pathien bawm hi sawlmang unla, keihaw leh ka miteu ei suklup lohna dingin a umna mun mah akhan chieh kit hen” a tiu a. Khawpi sung pumpi achun thihna khawpa buoina nasatak a um a, Pathien khut chun zie khuo chu a delh gik ta ngâl a.

1 SAMUEL 5:7

Khuti- chun, Ashdod khuo a mite chun zie chuh a het phet un, “Israel te Pathien bawm hi I kawm uh ahin um zing kihen, I chung u leh I pathien uh, Dagon chunga a khutthak ana taluoi” a tiu a,

1 SAMUEL 29:6

Ziephet chun Akish chun David chu a sama, a kawmah, “Kei dingin na ginum hi tih hi Lalpa min in ka gen hi; zie kidona hi nei do pih ding pha ka sa mah mah a, ka kawma na hung ni apat tuni tienga na chunga bangmah phatlohna himhim ka muh loh ziekin: himahlele lengte haw hin a hun muong zo puou hi.

JOSHUA 13:3

Aigupta gamgi zul a um Shihor apat a mâllam panga Ekron gamgi tiengin, (zie chuh Kanaan mite gama ngaih ahi; Philistia te lal haw chuh Gaza te, Ashdod te, Ashkelon te, Gath te, leh Ekron te achun a cheng u a,) sim lama Avvim gam le;

JOSHUA 15:11

Chun, gamgi chuh mâllam pang Ekron pang ah a chiehdawk a, Shikeron ah a chieh sak uh a, chun, Baalah tâng ah a chieh zel a, Jabneel ah a pawt a; tichun gamgi chuh Tuisuohgiet ah a tâwp hi.

1 SAMUEL 6:2

Chun, Philistia te chun, “Lalpa bawm hi bang lawh ding I hi tau em? A umna ngei mah a bang kiti thak dawk ding ahim?” ti’n thiempute leh phunsân thiemte kawm achun a gen uh a.

1 SAMUEL 17:52

Chun, Israel te leh Judate chu a kipan u a, a kiko u a, Philistia te chu Gath leh Ekron kulhkawt tieng hielin a delhzui tau a. Chun, Philistia te haw chu Shaaraim lampi tungtawn in Gath leh Ekron tiengin, a puk zeng zung mai tau a.

1 KHANGTHUBU 7:21

Zabad te, Shuthela te; Shuthela tihloh in Epharaim chun chapa nih a neih beh a; Ezer leh Elead ahiu a, zie gama na cheng, Gath khuo a mite ganguol a va gûk mang guot ziek u a, a na thahteu chu ahi.