1 SAMUEL 5:2 - PATHIEN LEKHABU THIENGTHO (BSI)

² Chun, Philistia te chun Pathien bawm chuh a lau a, Dagon ho-in ah a la lut uh a, Dagon kieng achun a kawih tau a.

1 SAMUEL 5:2 ပူးပေါင်းရင်းမြစ်များ

VAIHAWMTE 16:23

Tichun, Philistia milien haw chuh a pathien uh Dagon kawma kithawihna thupi tak a bawl ding leh kipâk taka um ding in a kikhawm u a “I pathien un I melmau Samson I khut u ah ei pie tai,” a tiu a.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 5:2

Belshazar chun uain a dâwn kham phet chun, sana leh dangkaguo umlebelte, a pa Nebuknezar in Jerusalem Ho-In apat a a lâkdawk chuh hun la dingin thu a pie a. Zie chuh leng leh a miliente leh, a ziteu leh a meiteu in uain dawnna a a mat ding u a va la dingin a sawl ahi.

1 KHANGTHUBU 10:10

A gâlvan chu, a pathienteu In ah a kawih u a, a lu chu Dagon In ah a tâk u a.

HABAKKUK 1:16

A lenteu chun thilpha pie a ngaiin, kithawihnate a lân u a, ho le a ho hiel tau ahi!

HABAKKUK 1:11

Tichun, huihpi guolin a mût u a, a bei pai u a: zie mite chun, a hâtnau chuh pathien a a neih ziek un, a sukhiel u a mawhchang in um un au!”

1 KHANGTHUBU 10:8

Kido zawh a zing chun, Philistia te chu, a gâl thahteu van haw suoh sak dinga a va chieh u chun, Gilboa tânga Saul leh a chapate thi chu a va muu a.