1 SAMUEL 4:3 - PATHIEN LEKHABU THIENGTHO (BSI)

³ Chun, mipite chu a giehna mun u-a a va chieh phet un Israel upate chun, “Bang zieka tunia hi Philistia mite ma a Lalpa’n ei guollah sak ahi die aw? I kawm u a uma I melmateu khut apat ei humbit dingin Shiloh apat Lalpa thuthun bawm chu va lai tiu” a tiu a.

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Chun, leng chun Zadok kawmah, “Pathien bawm chu khawpi sung ah leh zawn lut kit un: Lalpa mit tunga ka um chun ei lehpuih kit intin, Pathien bawm leh a umna chu ei muhsak kit ina;

1 KHANGTHUBU 17:1

Chun, leng David chu, a leng In achun a cheng ta a. Ni khat chu thiemgau Nathan a sama, a kawmah, “Kei, sidar thing In ah ka cheng a, Lalpa Thugawlh kawihna Thingkuong chuh, puon-In ah a um zaw a,” a ti a.

SAM LEHKHABU THE PSALMS 74:1

Aw Pathien, bangati a kumlekhuo a dinga kei uh ei paih tha na him? Bangati a na gan tatna muna belamte chung a hi na lungnat na meikhu mai ahim?

SAM LEHKHABU THE PSALMS 74:11

Banga tih leh na khut, na khut changlam ngêi kha na nung zûk a? Na angsung apat luoi dawk inla, amau chuh hih mangthai in.

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

ISAI 58:3

“Bang zieka na muh loh dinga an ka ngawlh sek uh ahi? Na hetloh dinga bang zieka kingainiem ka hiu hi? Ngaitiem u! na anngawlh niu chun nangmau haw lunglutna lam chauh na buoipih u a, na nasemteu cheng chuh na sugimthei sek u a.

ISAI 59:1

Ngaitiem u, Lalpa khut chuh hukdam theilo dingin hih chawm in a um puoh a; a bil chule za theilo dingin a ngawng diek puoi!

ISAI 59:2

Himahleh, na manlohnau chuh Pathien tawh na kikal u a chuh kie’n, a hun sukkhen na hi zawu a. Bil a a zak lohna dingin na gitlohna teu chun a mai chuh ahun lieh sak ahi.

JEREMIA 3:16

Chun, gamsung a chuh na hung pun u a, na hung tam tieng u leh, zie ni haw achun amau in, ‘Lalpa THUGAWLH BAWM,’ ti ta puou in tin, a lunggil u ale kawih kit ta puo’n au; het le hezing ta puou untin, tawh le va tawh ngei ta puo’n au.

JEREMIA 7:4

Zie hi Lalpa In, Lalpa In, Lalpa In chuh zie hi ahi tih lepchieh thu chuh taksang kiu.

KISIMNA 10:33

Khutichun, Lalpa tâng apat a ni thum lam achun a chieh u a; Lalpa Thuthun bawm chuh a giehbuk mun ding uh lemchâng hawl chun a masang u achun a chieh zel a.

KISIMNA 10:35

Chun, hiti hi ahi a, Thuthun bawm chuh pat dawk ahih cheng leh, Mosi chun, “Lalpa, kipan inla, na melmate chuh delhzak inla, Nang hun hawte chuh do in!” a ti zel sek a.

KISIMNA 31:6

Tichun Mosi’n nam khat zel sangkhat chiet leh, thiempu Eleazar chapa Phinehas chuh mun thiengtho a matchâk leh thu pie viel dingin, pengkun haw chawiin kido na ah a sawl a.

DAN NIHNA 29:24

Namtin te chun, ‘Lalpa’n bang zieka zie gam hi a hiti bawl ahi dem? Bang zieka khuti lungnat lâwm lâwm ahi dem?’ ti’n tin un;

DAN NIHNA 31:26

“Zie Dan Lehkhabu hi lau inla, na chungchâng thuu a hetpih hiding in, Lalpa na Pathien u thuthun bawm ning achun kawih un, zie taka chuh um zing dingin.

2 TIMOTHE 3:5

Pathien khawksak batna khat nei un tin uh, himahlele, a thilhih theihna tak chuh deih puo’n au. Zie tawbang mite laka apat chuh kikiengkawih ah.

HEBRAI 9:4

Zie tak achun gimlim hâlna sana maichâm leh, Thugawlh kawihna Thingkuong, sanati a kiluonkhum leh sana bel. Manna umna leh, Aron tiengkhut hung seldawk leh, suongpek nih, a chunga Thugawlh kizik chuh a um a.

JOSHUA 4:7

nangun a kawm u ah, ‘Lalpa thugawlh bawm masangah Jordan tui haw chuh a hung kang ta a; Jordan a kân lai in, Jordan lui tui haw chuh a hung kang a; tichun zie suonghaw hi Israel chate’n kumlekhuo a hetzingna ding ahi,’ na hun tih dinguh ahi,” a ti a.

JOSHUA 6:6

Chun, Joshua chun thiempute chuh a sama, a kawm u ah, “Thugawlh bawm hi zawn unla, thiempu sagih in Lalpa bawm masang lam a chun belamchal ki pengkun sagih chawi u hen,” a ti a.

JOSHUA 7:7

Chun, Joshua chun, “Aw Lalpa Pathien! Bang zieka Amor te khut a piek dinga Jordan nei puih kaih ahim? Jordan gâl lehlam a khan lung-awi takin a na um hi mai leng un!

JOSHUA 7:8

Aw Lalpa, hiti a melmate delh a Israel te a taihsiet tâk mai u hi bang ka lawh ta die?

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

JUDA 1:5

Chun, khatvei chuh, bang cheng heta mahleu chin le, Lalpa chun Aigupta gam apat in mite a hukdawk a, zie nunga a gingchalote a sukmangthai zie thu haw khah, hun geldawk sak kit ka nawp ahi.

1 SAMUEL 1:24

Chun, nawi a ngawlhsak phet chun changbuong ephah khat leh uain um khat leh bâwngchal tuoi kum thuma upa khat keng in a pui a, Shiloh a Lalpa In achun a pui a, naupang chu a dâwng ten nalai a.

1 SAMUEL 14:18

Chun, Saul chun Ahijah kawmah “Pathien bawm chu va la tie,” a ti a. Zielai chun Pathien bawm chu Israel te kawma um ahi a.

1 SAMUEL 4:2

Chun, Philistia te chu Israel te ana nang dingin a kithehzak u a: chun, a kido phet u chun Philistia te ma achun Israel te chu a guollah tau a, kidona muna chun sepaih sangli vel a that u a.