1 SAMUEL 30:6 - PATHIEN LEKHABU THIENGTHO (BSI)

⁶ Chun, David chu nasatak in a lungzîng a; a chapateu leh a chanuteu sala mat a hih ziek u a lungkham a mi chengcheng in amah chu suong a seh ding thu a gen zing u a; himahlele David chu Lalpa a Pathien achun a kisuhat a.

1 SAMUEL 30:6 ပူးပေါင်းရင်းမြစ်များ

SAM LEHKHABU THE PSALMS 56:11

Pathien ka gingcha a, lau hiel puo’ng ka; Mihiem in bang ei lawh thei die?

SAM LEHKHABU THE PSALMS 62:5

Ka hinna, thipkêi in Pathien mai cha ngak ah; Ka kinepna hi amah kawma pawt ahi ngâla.

SAM LEHKHABU THE PSALMS 18:6

Ka lungkham in Lalpa chuh ka sama, Ka Pathien kawmah panpihna ka ngên a, Amah chun a Ho-In apat chun ka aw a he a, A masanga ka kiko husa chuh a bil ah a lut tai.

SAM LEHKHABU THE PSALMS 25:17

Ka lunggil buoina haw hi ahung nasa ta a; Aw, ka lungkham na haw apat hin ei puidawk in la.

HEBRAI 13:6

Khutichun, hangsan takin, “Lalpa chuh ei panpihpa ahi a, lau puo’ng ka; Mihiem in banga ei lawh theih dinguh?” I ti sek ui.

ROME 4:18

Kinepna a um loh nung inle, amah chun kinem takin a gingcha a, chi tamtak te pa a hung hih theihna’n; “Khuti zat khun na suonte hung um un au,” ti a kigen guol khan.

SAM LEHKHABU THE PSALMS 116:10

Ka taksang a, thu gen ding ka hi hi: “Nasa taka hih gimtheih in ka um a,”

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

PAWTDAWKNA 17:4

Chun, Mosi’n “Zie mipi haw hi bang ka lawh die? Suong a sehlup ei guo hiel tau hi,” ti’n Lalpa kawmah a paucham a.

SAM LEHKHABU THE PSALMS 42:11

Aw ka hinna bang dinga khun zing? Bangati a ka sunga hi buoi na him? Pathien kineppih in: amah chuh pakcha kit ding ka hi ngâla, Ka hukdampa ka Pathien chuh!

SAM LEHKHABU THE PSALMS 27:14

Lalpa chuh ngâk zing in; hattak in um inla, na lunggil chuh hangsan henla, A hi, Lalpa chuh ngak zing in!

2 KORINTH 4:8

Ning tin apat nehchintuoh in ka um u a, himahleh, sukgawp in ka um puou hi; lungdawng in ka um u a, hilele, ka lung uh ka khie diek puou hi;

1 SAMUEL 1:10

Chun Hannah chu a lungkham mah mah a, Lalpa kawmah a paucham a, thasie takin a kap a.

JOHAN 8:59

Ziephet chun, a sehna dingin suong a luok u a, himahleh, Isu a kisel a, Pathien Ho-In apat chun a pawt a; a lak u chuh a hawh phei a, a chiehdawk ta a.

KISIMNA 14:10

Himahlele mipite chengcheng chun suong a sehlup zieng ding in a vau u a. Tichun, Israel chate kawm achun Lalpa lopina chuh kihona puon-In chung achun a hung kilang kit ta a.

2 KORINTH 7:5

Makedonia gam ka hungtun tieng nasan u khan le. chawlhdam hun ka nei puou hi. Mun tin ah buoina a um a. midang te tawh kisuolna bang, lungthima lauthawng zing kawmin ka um uh ahi.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JOB LEHKHABU THE BOOK OF JOB 13:15

Ngaitie, ei hihlum hiel lele, amah chuh taksang zing ing ka, Mahleh a masang achun ka lampi chuh panpih zing ing ka.

2 KORINTH 1:6

Himahlele, ka thawkgim phawt u leh, nang haw thamuonna ding leh, hukdamna ding ahi ngâl a;, keihaw’n panpihna ka muh phat u leh, nang haw le panpih in na um u a, keihaw’n, gimtheihna ka thawk tum sek uh bangmah hi, na thawk zawh theihna dingun, hatna piek in na um sek uh ahi.

ROME 4:20

Himahlele, taksanna tasam in, Pathien thutiem chuh a ginglah puoh a, Pathien a limbawl a,

MATTHAI 27:22

Chun, amau haw chun, “Barabbas” a tiu a. Pilate in a kawm u ah, “Isu Krista a tih u hi bang ka lawh ta die leh?” a ti a. Amau haw chun. “Amah chuh kross ah khêndên ah.” a tiu a.

MATTHAI 21:9

Chun, mipi, a malam a chiehte leh a nunga zuite chun: “David chapa kawmah, Hosanna! Lalpa min a hung chuh a hamphai! Chungnung pên a khun Hosanna!” ti’n a kiko u a.

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

SAM LEHKHABU THE PSALMS 62:1

Ka hinna hin thipkêi in Pathien maicha a ngak a: Amah a kipat chun ka hukdamna hung tung ding ahi.

SAM LEHKHABU THE PSALMS 42:7

Na tui luong gi dul dul haw ahin tui thuk leh tui thuk chuh a ki-uou u a: Na tui kinawk leh na tui kinâwk chengcheng haw chun ei vuktum ta a.

VAIHAWMTE 18:25

Chun, a kawmah, “Keihaw lak ahin pau maimai kitie, khutilochun mi lungchawm zaw ten hun zuon in, nang hinna leh na inkuon pih te hinna chan lawh kha’n la,” a tiu a.

THILSIEMBUL 32:7

Khutichun, Jakob chuh a lau mah mah ta a, a lung a dawng a: tichun a kawma mi um haw, belam hawn haw, bâwng hawnhaw, sangawngsau haw chuh hawn nih a suoh a,

SAM LEHKHABU THE PSALMS 42:5

Aw ka hinna, bang dinga khun zing? Bangatih leh ka sung ahi buoi zing na him? Pathien ah kinem in: a mel a dam na ziekin Amah chuh pakcha kit ding ka hi ngâla.

2 SAMUEL 17:8

Chun, Hushai chun, “Na pa leh a mite chu na he a, sepaih hâng tak, gamlaka savawm a no kilaksak tawbang hiel ahiu a: na pa chu kido mi ahi a, mipi lak ah giek khel puo’n a.

2 LENGTE 4:27

Himahlele, Elisha kawm a va tun chun, a keng bul ah a bawkkhup a, a keng a tuchak kêi a. Amah chu hun nam dawk guo’n Gehazi chun a va zuon a, himahlele, Elisha chun, “Amah mai in nusieh in, a lungthim a lungkham ahi hi, tih helo na him? Lalpa’n a chanchin hi ei na hilh nailo ahi,” a ti a.

1 SAMUEL 23:16

Zie tak achun Jonathan chu a kawmah a va chieh a, Pathien in hun veng tei ding ahi tin a va thamuon ta a,

SAM LEHKHABU THE PSALMS 18:2

Ka Pathien, ka suongpi dettak ahi a, amah chuh ka kisêlna ahi. Ka phaw leh, ka hukdamna kileh ka insang ahii.

SAM LEHKHABU THE PSALMS 31:24

Lalpa ngak chengcheng te haw, Hattak in um unla, chun, ama’n na lungthim hawu hun suhat ina.

SAM LEHKHABU THE PSALMS 71:4

Aw Pathien, mi nunsie khut apat ei hukdawk inla. Mi diktat lo leh mi ningkhelte khut apat chuh.

SAM LEHKHABU THE PSALMS 71:5

Aw Lalpa Pathien, nang chuh ka kinepna na hi a: Ka khangdawng lai apat ka gin chu na hi.

JONA 2:2

Hiti hin a paucham a: “Aw Lalpa, ka lungkhamna apat chun Nang ka hun sam ta a; tichun nangin nei dâwng ta a. Sheol gilsung apat chun ka hun sama; Nangin ka aw na za ta a.

VAIHAWMTE 20:22

Chun, Israel mipite chuh a kitil hangsan kit u a, a do pat na mun mah mah uh a chuh do kit dingin panmun a khawh kit u a,

1 SAMUEL 28:15

Chun, Samuel chun a kawmah, “Bang zieka ei sam dawk buoi na him?” a ti a. Chun, Saul chun a dâwng a, “Ka lung a zing bêka ahi: Philistia te chun ei do u a, Pathien in la ei kiheimang san ta a, thiemgau ahim, mang lam ahim in le ei dawng ta himhim puoh a; zieziekchun, ka hih ding ei hilh dinga ka hun sap na hi” a ti a.

SAM LEHKHABU THE PSALMS 138:3

Ka hun uou ni’n nang in nei dâwng a, Ka hinna hihhat in nei tîlkhoh a.