1 SAMUEL 3:18 - PATHIEN LEKHABU THIENGTHO (BSI)

¹⁸ Chun, Samuel chun bangkim a hilh suok kêi a, a kawm achun bangmah îm a nei puoh a. Tichun, amah chun, “Lalpa ahi a, pha a sak dân dân in hih hen,” a ti a.

1 SAMUEL 3:18 ပူးပေါင်းရင်းမြစ်များ

ISAI 39:8

Tichun, leng Hezekia chun zie chuh, amah damsung a muonna leh bitna um ngêi ding ahi tih gena a ngaiin, a kawmah, “Lalpa apat a thu nei hilh hi a pha ie,” a ti a.

JOB LEHKHABU THE BOOK OF JOB 2:10

Himahleh, amah chun a kawmah, “Nang hi numei ngawl pau a pau na hi hi. Pathien kawma pat in thilpha I mu a, bang ziekin e thil phalo le I muh loh ding?” a ti a. Ziehaw cheng chenga hin Job chun thu phalo a gen puoi.

1 PETER 5:6

Zieziekchun, a phatcha a chuh nanguh a hun chawihsân theihna dingin, Pathien khut tha hattak nuoi achun nuoilutchuh un.

VAIHAWMTE 10:15

Chun, Israel chate chun Lalpa kawmah, “Thil ka na hihkhiel tau hi; pha na sak bang in ka chung u ah hih mai in; ahi’n, tuni hin chuh lungsiet tak in kei uh ei hun hukdawk tei in,” a tiu a.

SUNNA LA 3:39

Mihingte hi eimau gitlohna zieka gawt a I um tieng u leh bang zieka phunchiek sek I hiu em?

SAM LEHKHABU THE PSALMS 39:9

Nangmah hih ahih ziekin Ka pau puoh a, ka kam le ka ka diek puoi.

JOB LEHKHABU THE BOOK OF JOB 1:21

“Ka nu sûl apat in sangawn in ka hung pawt a, sangawn mah a vaikit ding ka hi hi; Lalpa’n a pie a, Lalpa’n a la kit tai; Lalpa min chuh pahchak in um hen,” a ti a.

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

PAWTDAWKNA 34:5

Chun, Lalpa chuh meipi achun a hungsuk a, a kawmah a ding a, Lalpa min chuh a sam ta a.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

2 SAMUEL 10:12

Hangtakin um unla, I miteu leh I Pathien khawpiu huk in kimek tak hitiu; chun Lalpa phasak bang zelin hi hen,” a ti a.

2 SAMUEL 15:26

amahvang chuh, ‘Na chungah kipahna him ka nei puoi,’ a tih chun ngaitie hiti mai hi ka hi a, pha a sak bang bangin ka chung ahin hih mai hen,” a ti a.

2 LENGTE 20:19

Tichun, Leng Hezekia chun, zie thu chu, a dam sunga muonna leh bitna um ding genna’n a ngai a, a kawmah, “Lalpa apat a thu nei hun hilh hi aphai,” a ti a.

JEREMIA 34:6

Tichun, thiemgau Jeremia chun zie thu haw cheng hi Jerusalem a Juda leng Zedekiah kawmah a gen a;

JEREMIA 38:14

Chun, leng Zedekia chun thiemgau Jeremia sam ding in mi a sawl a, Lalpa ho-in lutna a kawt thumna achun a kimuhpih a, leng chun thiemgau Jeremia kieng achun, “Thil khat hun dawng ing ka ting, ka kienga bangmah na îm loh ding ahi,” a ti a.

JEREMIA 42:4

Chun, thiemgau Jeremia chun a kawm u ah, “Na thuu chuh ka hêi, ngaiun, na thu guol ngêi un Lalpa na Pathien kieng u achun hun nget sak ing ka; chun hiti hi hi’n tin. Lalpa’n a hun dawnna taphawt chuh hun hilh zel ing ka: na kieng u ah bang mah îm puo’ng ka,” a ti a.

1 KHANGTHUBU 19:13

Hangsan takin pang inla, hât takin um in, I mite leh Pathien khawpi humbitna dingin theihtawp in pang hitiu; Lalpa’n pha a sak bang bangin a chung achun hih hen,” a ti a.