1 SAMUEL 29:4 - PATHIEN LEKHABU THIENGTHO (BSI)

⁴ Himahlele, Philistia sepaih lawiupate chun Akish chu a lungnat khum u a; Philistia sepaih lawiupate chun a kawmah, “Zie pa khu khuo na pieka chu chieh dingin sawl in, kidona ah I lak u ah telsak ki’n; dân leh kido lai in I melmateu lam ah pang kha’n a: a pu tawh a kihotheih kit na dingin I miteu luchang lak sanga lampi phazaw amah a dingin a uma ahim?

1 SAMUEL 29:4 ပူးပေါင်းရင်းမြစ်များ

1 SAMUEL 14:21

Tuma lam cheng Philistia te lama a na pang, a giehmun u a le a na chieh, Hebraite chu Saul leh Jonathan kawma um Israel te lam ah a pang tau a.

1 KHANGTHUBU 12:19

Chun, Philistia te haw, Saul do dinga akipat lai u khan, Manasseh te laka khenkhat chu David lam ah a pang u a. Philistia te chu a panpih puou a. Philistia te lawiupa haw chu a kiho u a, “A pu Saul lam ah pang un tin, eihaw ei matsak kha’n au,” ti’n, Ziklag ah a sawl kit tau a.

LUKE 16:8

Khutia a hihna apat chun, a pu chun sum vawppa diktatlo chuh a lemhet ziek chun a pakcha ta a; khawvak chate sangin, zie khawvel leisiet chate hi, a tulai khang u ahin a chingzawu hi,” a ti a.

1 SAMUEL 27:6

Khutichun, Akish chun zie ni chun Ziklag chu a pie ta a: zieziekchun, tuni tieng hin Ziklag chu Juda lengte a ahi den tai.

1 SAMUEL 29:9

Chun, Akish chun a dâwng a, David kawmah, “Ka mitmuh in Pathien Angel bang hiela demna bei na hi tih ka hêi; ahih ziekin Philistia lengte hin, ‘Kidona ah I kawm u ah hung kihen,’ a hun tiu a.

1 SAMUEL 30:1

Chun, hiti hi ahi a, David leh a mite chu a ni thum ni a Ziklag a tun u chun Amalek te’n Juda simlam leh Ziklag chu a na buluh zo tau a. Ziklag khuo chu a na zo u a, a na hâl u a;

PAWTDAWKNA 1:10

Hung tiem u, a pun beh tâk lohna dingun chingthei takin hih hitiu; khutilochun hung pung zel un tin, dân leh kidona hung um kha leh I gâlteu lam ah pang untin, ei do un tin, zie gam apat hin ei taihdawk san kha’n au” a tiu a.

1 KHANGTHUBU 12:20

Ziklag khuo apat a a vaihkit laia, Manasseh te laka sepaih sang chunga lawiupa, David lama pang te chu ziehaw hi ahiu: Adnah te, Jozabad te, Jediael te, Mikael te, Jozabad te, Elihu te, Zilethai te hi ahiu ui.