1 SAMUEL 29:3 - PATHIEN LEKHABU THIENGTHO (BSI)

³ Chun, Philistia sepaih lawiupate chun, “Zie Hebraite hin zie taka hi banga a hih uh?” a tiu a. Chun, Akish chun Philistia sepaih lawiupate kawm achun, “Zie hi David, Israel te lengpa Saul suokpa, zie chanpi hi ka kawma um ta a, ka kawma a hung puklut apat tutienga le a gitlohna ka muh loh pa chu hilo ahim?” a ti a.

1 SAMUEL 29:3 ပူးပေါင်းရင်းမြစ်များ

DANIEL 6:5

Tichun, zie mite chun, “A Pathien dân thu tih loh achun a thiemmawhna ding Daniel chunga hin mu lo ding I hiu ui,” a kitiu a.

1 SAMUEL 27:7

Chun, Philistia te gama David umsung chu kum khat leh tha li ahi.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

ROME 12:17

Kuo gitloh hita leh, gitloh mah in dinthuk kiu. Mi chengcheng ngaih a thil kilawm ngaihtuoh khawl zawu in.

JOHAN 19:6

Chun, Thiempu liente leh mimante chun amah a muh phet un, a kiko u a, “Kross ah khêndên ah, kross ah khêndên ah!” a tiu a. Pilate in a kawm u ah, “Nangun pui unla, kross ah khêndên un, kei vangin bangmah a gitlohna ka mu puoi,” a ti a.

1 SAMUEL 25:28

Na suoknu gitlohna hi lungsiet takin ngaidam in: Lalpa’n ka lalpa chu insung dettak tundin sak ngêi ngêi intin, ka lalpa chu Lalpa kidona dopih ahi ngâl a; na damsung chengin nang ah gitlohna muh ding um puo’n a.

1 SAMUEL 27:1

Chun, David in a lungthim in, “Ni khat chu Saul khuta hi hung thi tei ding ka hi hi: kei dingin Philistia te gama taihmang sanga phazaw bangmah umlo ding ahi; tichun Saul in Israel gamsung cheng chenga ei hawl hi hung lungdawng intin, tichun a khuta pat bit ding ka hi,” a ti a.

1 SAMUEL 29:6

Ziephet chun Akish chun David chu a sama, a kawmah, “Kei dingin na ginum hi tih hi Lalpa min in ka gen hi; zie kidona hi nei do pih ding pha ka sa mah mah a, ka kawma na hung ni apat tuni tienga na chunga bangmah phatlohna himhim ka muh loh ziekin: himahlele lengte haw hin a hun muong zo puou hi.

1 KHANGTHUBU 12:19

Chun, Philistia te haw, Saul do dinga akipat lai u khan, Manasseh te laka khenkhat chu David lam ah a pang u a. Philistia te chu a panpih puou a. Philistia te lawiupa haw chu a kiho u a, “A pu Saul lam ah pang un tin, eihaw ei matsak kha’n au,” ti’n, Ziklag ah a sawl kit tau a.

1 KHANGTHUBU 12:20

Ziklag khuo apat a a vaihkit laia, Manasseh te laka sepaih sang chunga lawiupa, David lama pang te chu ziehaw hi ahiu: Adnah te, Jozabad te, Jediael te, Mikael te, Jozabad te, Elihu te, Zilethai te hi ahiu ui.

THILSIEMBUL 14:13

Himahleh a suokcha laka khat chun Hebrai mi Abram chuh a va hilh a: amah chuh Amor mi Mamre a gangpi thing kieng a cheng ahi. Mamre chuh Askol suohpih leh Aner suohpih ahi a; ziehaw chuh Abram tawh pangkhawm ahiu hi.

1 SAMUEL 4:6

Chun, Philistia te chun a kiko git uh a zak phet un, “Hebraite giehmun a kikothawmpi hum hum khuh bang tihna ahi?” a tiu a. A giehmun u ah Lalpa thuthun bawm ahung tung hi tih ahun he tau a.

1 SAMUEL 14:11

Chun, a nih un Philistia sepaihte panmun a umte chu a va kimuhsak u a: chun, Philistia te chun, “Entiem u, Hebraite a kiselnau leihawm apat ahung pawt veu,” a tiu a.