1 SAMUEL 28:8 - PATHIEN LEKHABU THIENGTHO (BSI)

⁸ Chun, Saul chu a kisiem danglam a puon chuom in a kivan a, zan in mi nih tawh numeinu kawm achun a chieh tau a: “Thitha phunsanna’n phun ei san sak inla, na kawma a min ka gen taphawt chu ei sap dawk sak in” a ti a.

1 SAMUEL 28:8 ပူးပေါင်းရင်းမြစ်များ

ISAI 8:19

Chun, mi’n thitha phunsân thiem zawl leh, dawithiem chiek numnum te chuh dâwng un ahun tih tieng u leh, “Mite’n a Pathien u chuh a dawt zawk dinguh hilo ahim? Mihingte a ding chun mithi a dawt dinguh ahi dinga ahim?” ti’n au.

1 KHANGTHUBU 10:13

Khutichun, Saul in Lalpa thu a zawp nuom puoh a, Lalpa chunga a gitloh ziek leh, Lalpa dawng lo a, thitha zawlnei te a dawng a, phunsan a a dawt ziekin a thi ta a.

2 KHANGTHUBU 35:22

Himahleh Josia chun do a guo hâmhâm a. Leng Neko manga Pathien thugen chu a niel a, khutichun, a kisiem zatchuom a, Megiddo phai zawl achun kido dingin a chieh ta a.

2 KHANGTHUBU 18:29

Ahab chun Jehoshaphat kawmah, “Kisiem zatchuom ing ka ting, kido na a chun le chieh ka ting, nang vang na lal puon silh in,” a ti a. Khutichun Israel lengpa chu a kisiem zatchuom a kido na ah a va chieh a.

1 LENGTE 22:30

Chun, Israel leng chun Jehoshaphat kawmah, “Kisiem lamdang ing ka ting, kidona achun va chieh ing ka; nang chun chuh na leng puon silh inla,” a ti a. Tichun Israel leng chuh a kisiem lamdang a, kidona achun a va chieh a.

JOHAN 3:19

Ziehi mawhna chuh a hii: Vak van nuoi ah a hung a, himahlele, mite’n vak sangin thim a deih zawu, a thilhih hawu a gitloh ziekin.

JEREMIA 23:24

Ka muh theih loh dinga mun thip a kisel thei a um dinga ahim? tih hi Lalpa kamsuok ahi. Lei leh van ahin ka dim hilo ahim? tih hi Lalpa kamsuok ahi.

1 LENGTE 22:34

Chun, mi khat hin a thalpi a luoi a, tup chuom nei lo in a vak kap a, Israel leng Ahab chuh a awmphaw leh awmphaw kikal tak a kap kha a: tichun a kangtalai tawlpa kawmah chun, “Kai hêi inla, sepaihte lak apat hin ei puidawk in, liemna huoisie tak ka tuok tai,” a ti a.

EZEKIEL 12:6

A muhna tak u ah na liengko in pu’n na tin, thimbut leh na chiehdawk pih ding ahi; leituol na muh theih loh na dinga na mai na tuom ding ahi; Israel inkuon te a dingin etsakna a ka hun siem ahi ngâla,” a ti a.