1 SAMUEL 28:7 - PATHIEN LEKHABU THIENGTHO (BSI)

⁷ Ziephet chun Saul in a suokte kawmah, “A kawma ka chieh a, thil ka dawt dingin thitha zawlnei numei ei hawldawk sak un” a ti a. Chun, a suokte chun a kawmah, “Ngaitie, Endor khuo ah thitha zawlnei numei khat a um ve” a tiu a.

1 SAMUEL 28:7 ပူးပေါင်းရင်းမြစ်များ

NASEPTE 16:16

Chun, tihi ahi a, ni khat chuh, pauchamna muna ka chieh lai un, suok nungak kuo ahim, thitha zawlnei, phunsân thiem khatin ei kituokpih a. Amah chun, a phunsân thiem ziekin a pute chuh sum tamtak a muhsak sek a.

SAM LEHKHABU THE PSALMS 83:10

Ziehaw chu Endor khuo ah a beimang u a; Amau haw chu lei a dingin êk tawbang phet ana hiu kha.

1 KHANGTHUBU 10:13

Khutichun, Saul in Lalpa thu a zawp nuom puoh a, Lalpa chunga a gitloh ziek leh, Lalpa dawng lo a, thitha zawlnei te a dawng a, phunsan a a dawt ziekin a thi ta a.

JOSHUA 17:11

Issakar leh Aser gam achun Manasseh chun, Beth-shean leh a kiengvêl a khuo haw, Ibleam leh a kiengvêl a khuo haw, Dor leh a kiengvêl a khuo haw, Endor leh a kiengvêl a khuo haw, Taanak leh a kiengvêl a khuo haw, Megiddo leh a kiengvêl a khuo haw, gambung thum a nei a.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

THIEMPUDANTE 19:31

“Thitha aisânthiem zawlte kawma chu thupiek la dinga na chieh ding ahi puoh a; amau a chuh kisubuok dingin dawithiemte chule na hawldawk dinguh ahi puoi; Kei hi Lalpa na Pathien uh chuh ka hi.

ISAI 19:3

Tichun, Aigupta te lemguot chuh susie’ng ka ting, a lunggilteu chuh hih buoi ing ka. Tichun, milimte leh, mitvaidawi thiemte leh thitha phunsân thiem zawlte leh dawithiemte chuh dawng un au.

2 LENGTE 6:33

Chun, khutia amau haw a hopih zing lai chun, ngaitie, a mi sawlpa chu a hungtung suk ta a; chun, lengpa chun, “Ngaitie, zie thil phalo hih Lalpa hun sawl ahi hi; bang dinga Lalpa hungaih nalai ding ka him?” a ti a.

1 SAMUEL 28:3

Chun, Samuel chu a thi ta a, Israel te chengcheng in a sûn u a, amah khuo ngêi, Ramah khuo a chun a vui tau a. Chun, Saul chun thitha zawlnei haw leh dawithiem haw chu a nawhdawk suok kêi ta a.

DAN NIHNA 18:11

zawldeih-âi a mi dawih chîngte, thitha zawlte, mitvaidawi thiemte, mithi thagau hopih chîngte himhim a um dinguh ahi puoi.