1 SAMUEL 28:6 - PATHIEN LEKHABU THIENGTHO (BSI)

⁶ Chun, Saul in Lalpa a dawng a, ahih ziekin Lalpa chun mang ahim, Urim ahim, thiemgau ahim mang in a dâwng ta himhim puoh a.

1 SAMUEL 28:6 ပူးပေါင်းရင်းမြစ်များ

1 SAMUEL 14:37

Chun, Saul chun “Philistia te ka va do ding um? Israel te khut ah na pie die?” ti’n Pathien a dawng a. Himahlele, zie ni chun a dawng puoh a.

KISIMNA 12:6

Lalpa’n a kawm u ah, “Ka thu hi ngaiun, na lak u ahin thiemgau na um u chun, amah kawm achun kei Lalpa hi kilak na’n kihetsak ing ka ting, mang lam in hopih ing ka.

SUNNA LA 2:9

A kawtkhakte chu leia tumin, a kamnate chu suksiet vek ahi tai. Tuhin, leng leh a milienteu chu salin a um tau a. Dante kihilhna a um ta puoh a, thiemgaute chun Lalpa apat thilmuh a nei ta puou hi.

KISIMNA 27:21

Tichun, amah chuh thiempu Eleazar masangah ding intin, ama’n Lalpa masangah Urim leh Thumim mang in vaihawm sak intin: a thu’n pawt untin, a thu’n lut un au. Amah leh Israel suon chengcheng te, kikhawm khawm haw chengcheng tawh,” a ti a.

JAKOB 4:3

Na ngen uh a, na nget dik loh ziekun na mu puou a, nangmau haw nawpsakna dinga mat na guot ziekun.

JOHAN 9:31

Pathien in migilo thu a ngaitha sek puoi tih ka heu; himahlele, kuon le, Pathien a limbawl a, a deih bang thilte a hih chun, amah chuh a ngaitha sek hi.

MATTHAI 1:20

Himahlele zie thu haw chuh a ngaihtuoh lai in ngaitie, a mang in Lalpa Vânsâwlchâk a kawmah a hung kilak a, a kawmah, “Joseph, nang David chapa, na zi Mari chuh kichênpih lau kih, a nauvawp chuh Thagau thiengtho apat ahi.

JEREMIA 23:28

Thiemgau mang nei chun, a mang chuh gen hen la, chuleh, ka thu vawppa chun ka thu chuh ginum takin gen mai hen. Buh vaiham leh, buh changin kibatna a nei uh a ahim? tih hi Lalpa kamsuok ahi.

DAN NIHNA 33:8

Chun, Levi mite chungchâng achun; “Na Thumim leh na Urim chuh na mi thiengtho kawmah a um hi, Amau chuh Massah ah na patepa, Meribah tui mun ah a dik zieu na phawchien a;

PAWTDAWKNA 28:30

Chuleh, zie vaihawmna awmphaw achun Urim leh Thumim na kawih ding ahi a; zie chuh Aron chuh Lalpa ma a chieh tieng chuleh Israel chate vaihawmna chuh a lungchang zawna a kawih zing ding ahi.

THUCHINGTE 27:1

Zinglam a thil hung tung ding kisuonpih ki’n; zie ni chun bang a hun suokpih ding na he puoh ngâl a.

SAM LEHKHABU THE PSALMS 74:9

Ka tiemtehnau haw le ka mu ta puou a; Thiemgau mawng mawng a um ta puou a; A sawt ding chin he mawng mawng ka lak u ah ka um ta puou hi.

PAWTDAWKNA 28:20

tien lina chuh beryl te, onix te, jasper te a hi’n tin: sana a tuomkhum ding ahi.

THIEMPUDANTE 8:8

A awmphaw chuh a belh sak a, zie chung achun Urim leh Thumim a belh sak ta a.

1 SAMUEL 28:5

Chun, Saul in Philistia sepaihte chu a muh phetin a lau a, a lungthim lauhna’n a dim ta a.

1 SAMUEL 28:15

Chun, Samuel chun a kawmah, “Bang zieka ei sam dawk buoi na him?” a ti a. Chun, Saul chun a dâwng a, “Ka lung a zing bêka ahi: Philistia te chun ei do u a, Pathien in la ei kiheimang san ta a, thiemgau ahim, mang lam ahim in le ei dawng ta himhim puoh a; zieziekchun, ka hih ding ei hilh dinga ka hun sap na hi” a ti a.

2 SAMUEL 22:42

A dâk viel u a, himahlele hukdam ding kuomah a um puoh a; Lalpa chu a vak sam u a, himahlele a dâwng puoh ngâl a.

JOEL 2:28

“Zie hun tieng chuleh hiti hi hung hi’n tin, mi chengcheng chungah ka Thagau sungtha’ng ka ting; tichun, na chapateu, na chanu teu in ka thu gen un tin, na teksieteu in mang in mat untin; na tangval teu in kilâkna mu’n au.

MIKA 3:7

Tunung thu ding genlawkte chuh a lawhsap ziekun, zakchau un tin. Pathien in dawnna a piek loh ziekin, a bawn un sukzahhuoi in um un au!