1 SAMUEL 27:1 - PATHIEN LEKHABU THIENGTHO (BSI)

¹ Chun, David in a lungthim in, “Ni khat chu Saul khuta hi hung thi tei ding ka hi hi: kei dingin Philistia te gama taihmang sanga phazaw bangmah umlo ding ahi; tichun Saul in Israel gamsung cheng chenga ei hawl hi hung lungdawng intin, tichun a khuta pat bit ding ka hi,” a ti a.

1 SAMUEL 27:1 ပူးပေါင်းရင်းမြစ်များ

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

1 SAMUEL 23:17

A kawmah, “Lau hiel ki’n. Ka pa Saul chun hun suna himhim lo ding ahi. Nang chu Israel te lenga hung pang ding na hi tih chu a he mah mah a, chun, kei na bana hung hi ding ka hi,” a ti a.

THUCHINGTE 13:12

Kinepna suksieta um chun lungthim a suna a, himahleh, duhthusam guitung vang chuh hinna thing ahi.

SAM LEHKHABU THE PSALMS 116:11

Ka humhai a, “Mi chengcheng hi lepchieh ahiu hi,” ka na ti ta a.

1 SAMUEL 29:2

Chun, Philistia lengte chu a sepaihteu tawh a za a za; a sang a sangin a kizawt zung zung mai u a. Chun, David leh a sepaihte chu Akish tawh nungdal in a pang u a.

1 SAMUEL 25:30

Chun, hiti hi hi’n tin, Lalpa’n na chungchâng thu a a thilpha tiem chengcheng ka lalpa chunga ahih a, Israel te leng pa a ahun siem tieng leh,

1 SAMUEL 22:5

Chun, thiemgau Gad chun David kawmah, “Kulh sung achun um zing ki’n; pawt inla Judai gam ah chieh in,” a ti a. Khutichun David chu a pawt a, Hereth gammâng achun a lut ta a.

1 SAMUEL 16:13

Khutichun Samuel chun sathau bawm saki chu a la a, a suohpihte laka chun sathau a nuh a; tichun zie ni apat chun Lalpa Thagau chu David chungah nasatak in ahung tung ta a. Khutichun Samuel chu a kipan a, Ramah khuo ah a chieh ta a.

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

PAWTDAWKNA 14:12

Aigupta gam akhan, ‘Aigupta mite nasem in um zaw mai ing kau,’ ti’n na kawmah ka gen him uh hilo ahim? Gamthip a mawk thih mai sang chun Aigupta mite na kha kisem mai leh phazaw ta ding,” a tiu a.

2 KORINTH 7:5

Makedonia gam ka hungtun tieng nasan u khan le. chawlhdam hun ka nei puou hi. Mun tin ah buoina a um a. midang te tawh kisuolna bang, lungthima lauthawng zing kawmin ka um uh ahi.

MARK 4:40

Ziephet chun, Isu’n a sinsakte kawmah, “Bang zieka khuti lauh na hiu u? Bang zieka taksanna neilo a um na hiu u?” a ti a.

MATTHAI 14:31

Ziephet chun, Isu’n kintakin a bân zieng a, a tu a, a kawmah, “Aw mihiem taksanna tawm, bang dinga ginglah na hi?” a ti a.

KISIMNA 14:3

Bang zieka Lalpa’n zie gam ahi chemzâm a thah a um ding leh I zi leh chateu hi galhing a mat dinga ei puihdawk ahi? Aigupta gama vaihkit chuh pha zaw lo ding ahim? ti’n a phunchiek tau a.

1 SAMUEL 26:19

Zieziekchun, lengpa, na suok thugen hi ngaitha tie. Ei do dinga na lungthim chawktho chu Lalpa a hih chun, a kawmah kithawihna thilpiek pie leng a lungthim theng ina; ahihziekin, mihing a hih u chun, Lalpa hansie a chungu ah tung hen. Lalpa gama pat gamdang pathien haw mai ho theihna gama ei nawhlut ziekun.

1 SAMUEL 29:3

Chun, Philistia sepaih lawiupate chun, “Zie Hebraite hin zie taka hi banga a hih uh?” a tiu a. Chun, Akish chun Philistia sepaih lawiupate kawm achun, “Zie hi David, Israel te lengpa Saul suokpa, zie chanpi hi ka kawma um ta a, ka kawma a hung puklut apat tutienga le a gitlohna ka muh loh pa chu hilo ahim?” a ti a.

1 SAMUEL 20:3

Chun David chun, “Na pa chun nei lungsiet dân hi a he chien mah mah ngâla; ‘Jonathan in zie hi chu hese dah hen, dân leh lungkham taluo khâna,’ a ti a hi’n a: ahih ziekin Lalpa hinna leh nang hinna sâlin ka gen ahi, thihna tawh ka kikal uh kal khat mai ahi,” ti’n pap takin a gena.

1 LENGTE 12:26

Chun, Jeroboam chun a lunggil in, “Lalgam hi David inkawte lam ah kilehkit ngêi ngêi ding ahi, ti’n a ngaihtuoh a.

1 LENGTE 12:28

Khutichun leng chun lemguotpih ding a pui a, sana bâwngno nih lim a siem a; a kawm u ah chun, “Nanguh a dingin Jerusalem a va chieh hi a haksa taluoi; Aw Israel te haw, entiem u, na Pathien uh, Aigupta gam a kipata nanguh hun puidawk pa hih,” a ti a.

1 LENGTE 19:3

Tichun, a lau a, a kipan a, a hinna hukdawkna dingin a taisie ta a, Juda gama Beerseba khuo a va tung a, zie tak achun a suokpa chuh a nusieh a.

2 KHANGTHUBU 25:17

Juda leng Amazia leh a lemguot sak pa chun Israel te a phielgu tau a. Khutichun Israel leng Jehoash, Jehoahaz chapa Jehu tupapa kawm achun mi a sawl a, kido dingin a cho ta a.

SAM LEHKHABU THE PSALMS 55:7

Ahi, gamla tak ah vak viel ing ka ting, Gamthip ah um ing ka ting, Selah