1 SAMUEL 26:5 - PATHIEN LEKHABU THIENGTHO (BSI)

⁵ Khutichun, David chu a kipana, Saul panmun achun a chieh a; chun, David chun Saul leh a sepaih lawiupa Ner chapa Abner kuolna mun chu a mu a: Saul chu kangtalai kikawihkhawm haw lai tak achun a kuol a, a kimvel ah sepaih haw’n panmun a khawh u a.

1 SAMUEL 26:5 ပူးပေါင်းရင်းမြစ်များ

1 SAMUEL 17:55

Philistia pa kidopih dinga David kuon dawk a muh phet chun Saul in sepaih lawiupa Abner kawm achun, “Abner zie tanglakpa hi kuo chapa ahi?” a ti a. Chun, Abner chun, “A dam in dam mai in, aw lengpa, ka he hiel puoi,” a ti a.

1 SAMUEL 17:20

Chun David chu zingkal matak in. a tho a, belam haw chu a mi khat a chinsak a, Jessai’n thu a piek guol chun a kiguonga a chieh ta a; chun, amah chu sepaih haw kido dinga a na kiko vengvung lai tak un giehmun chu a va tunga.

1 KHANGTHUBU 9:39

Chun, Ner chun Kish a hing a, Kish chu Saul pa ahi. Saul chun chapa li a nei a: Jonathan te, Malki-shua te, Abinadab te, Esh-baal te ahiu hi.

2 SAMUEL 3:27

Chun, Abner Hebron a hung tun chun Joab chun kulh kawtkhak a hoguk dingin a puichuom a, a suohpihpa Asahel thisan phuba lâkna ding chun a nakguh ngana nuoi tak chuh a sut saka, a thi tai. Khutichun Abner chu Joab suohpihpa Asahel a thah ziek chun thah in a um tai.

1 SAMUEL 9:1

Benjamin gama Benjamin suon pasal khat mihat hangsan tak hi a um a amin chu Kish ahi a, amah chu Abiel chapa ahi a, amah chu Zeror chapa ahi a, amah chu Bekorath chapa ahi a, amah chu Aphiah chapa ahi a, Benjamin suon mi neizo tak ahi a;

1 SAMUEL 26:4

Zieziekchun, David chun enthate a sawl a, Saul chu a hung takzet ahi tih a hechien ta a.