1 SAMUEL 26:19 - PATHIEN LEKHABU THIENGTHO (BSI)

¹⁹ Zieziekchun, lengpa, na suok thugen hi ngaitha tie. Ei do dinga na lungthim chawktho chu Lalpa a hih chun, a kawmah kithawihna thilpiek pie leng a lungthim theng ina; ahihziekin, mihing a hih u chun, Lalpa hansie a chungu ah tung hen. Lalpa gama pat gamdang pathien haw mai ho theihna gama ei nawhlut ziekun.

1 SAMUEL 26:19 ပူးပေါင်းရင်းမြစ်များ

2 SAMUEL 20:19

Kei hi Israel laka kicham nuom leh ginum lawi a mi ka hi a: nang chun Israel khuo, a khuo bulpi hi hihsiet na guot ahi a; Lalpa chanvo chu bangati a hihmang guo?” ti’n a gen a.

2 SAMUEL 16:11

David chun Abishai leh a suokte chengcheng kawm achun, “Ngaitiem u, ka chapa, ka gil a gah ngêi chun ei thah guo ahi a; zie Benjamin mi hin a guo nasa zaw sem na ding e, bangmah lawh kiu inla, samsie mai hen; Lalpa’n samsie dinga a tih ahi ngâla.

2 SAMUEL 14:16

Leng chun kei leh ka chapa hi Pathien piek go luoh ka hih na ding apat hih mangthai guote apat na suoknu hi hukdawk dingin ei na ngaihthak sak ina ka ti a.

SAM LEHKHABU THE PSALMS 120:5

Meshek haw gama ka um leh, Kedar haw puon-In lak ah ka um hi, ka chung a gik na mai zên e!

1 KHANGTHUBU 21:1

Chun, Setan chun, Israel chate chunga buoina siem a nuom a, tichun, David chu mi sim nawpna lungthim a neih sak ta a.

1 SAMUEL 18:10

Chun, hiti hi ahi a, a zing chun Saul chung achun Pathien apat thagau phalo chu ahung tung ta a, In sung achun a buoi vengvung zieng ta a; chun, David chun ni danga a hih sek guolin kingkang a tuma; Saul chun tiengcha khat hih a vawp zinga.

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

2 TIMOTHE 4:14

Aleksandar, sumsan sunthiem khah ka chungah a gilo mah mah sek hi; Lalpa chun a thilhih dungzui in dinthuk ina;

GALATI 5:12

A hun subuoite chuh, amau leh amau kitan bawng leh pha ka sai.

ROME 14:15

Na thil nek zieka na suohpih lungthim a nat chun, hehpih dân guol chuh na hawh ta lo ahi. A thih sik Krista’n a thih sakna chuh, na thil nek in sukmangthai sak kih.

ISAI 60:5

Zie chuh mu’n na tin, kipâk in dim in na tin; na lungthim chuh kipâk in kithing in la. Namte hauhsakna chuh na kawmah puok in um in tin; Tuipi apat a hauhsaknate chuh na kawmah hungtung ina.

THUCHINGTE 30:10

Suok chuh a pu kawmah heksie ki’n; khutilochun hansie hun lawh intin, mawh chan sak in um khan la.

1 LENGTE 22:22

Chun, Lalpa’n a kawmah, ‘Bangti’n na thêm die?’ a ti a. Amah chun, ‘Va chieh ing ka ting, a thiemgauteu mûk a khun thagau lepchieh va hi’ng ka ting,’ a ti a. Lalpa chun, ‘Va thêm in na tin, lawh le lawh ting inla; va chieh inla, khutibang chun va hih in,’” a ti a.

2 SAMUEL 24:1

Chun, Israel te chung a chun Lalpa lungnatna chu a hung kuong dawk kit ta a, “Chieh inla, Israel mi leh Juda mite sim vekin,” ti’n David chu a sietna dinguh hih dingin a châwk tho a.

1 SAMUEL 25:24

Chun, a keng bula chun a bawkkhup a, “Ken, hepu, kei mai in manlohna mawh chu puo’ng ka, chun, na suoknu hin na bil a na zak ngêi in thu gen henla na suoknu thugen chu lungsiet takin ngaihthak sak in.

THIEMPUDANTE 26:31

Na khawpiteu chuh suhawm ing ka ting, na pathien hona mun teu hihsie’ng ka ting, na kithawihnateu chuh pawm ta puo’ng ka.

THILSIEMBUL 44:18

Ziephet chun, Juda chun Joseph a va naih a, “Aw hepu, lungsiet takin, hepu, na suok hi na kawma thu kamkhat ei gensak inla, na suok chung ahin na lung chuh natsak ki’n la: nang chuh Pharaoh bang mai na hi ngâl a.

1 SAMUEL 24:9

Joab chun Saul kawmah, “Ngaitie, ‘David in na sietna ding a hawl hi’ ti a mite’n na kawma a gen u chu bang zieka taksang sek na him?

1 SAMUEL 27:1

Chun, David in a lungthim in, “Ni khat chu Saul khuta hi hung thi tei ding ka hi hi: kei dingin Philistia te gama taihmang sanga phazaw bangmah umlo ding ahi; tichun Saul in Israel gamsung cheng chenga ei hawl hi hung lungdawng intin, tichun a khuta pat bit ding ka hi,” a ti a.

2 SAMUEL 21:3

“Banga ka hun hih sak dinguh? Lalpa gochan chu na vangsak theihna dingun bangti banga kichamna ahim ka bawl ding?” a ti a.

KISIMNA 36:7

Khutichun, Israel chate neihlelam chuh amau namte mah a hizing ding ahi.

KISIMNA 36:9

a neihlelam teu chuh nam dangte kawma piek sawn vielviel hilo ding ahi.

DAN NIHNA 13:3

Zie thiemgau ahim mang leh thei ahim thu chuh na pawm dinguh ahi puoi; Lalpa na Pathien u chun na lungthim chengcheng u leh na hinna chengcheng un Lalpa na Pathien u chuh na hehpih u leh na hehpih loh uh hetna dinga a hun patep na hiu hi.

2 SAMUEL 16:10

Chun, leng chun, “Nang haw Zeruiah chapate haw, nanghaw’n nei hetsak dinguh bang aum hi? Lalpa’n a kawma, ‘David samsie’n,’ ti ahih chun samsie mai heh, ‘Bangti a khutibanga chu hih na hi?’ kuo’n a ti dinga ahim?” a ti a.

SAM LEHKHABU THE PSALMS 20:4

Na lunggil deihlam chuh hun pie henla, Na lemguot chengcheng chuh hun lawhtit sak hen.