1 SAMUEL 26:10 - PATHIEN LEKHABU THIENGTHO (BSI)

¹⁰ David mah chun, “Hingzing Lalpa min in ka gen ahi, Lalpa’n Saul chu a thih hun a tun tieng thih dân vantâng in ahim, ahihloh leh kidona ah ahim that ina.

1 SAMUEL 26:10 ပူးပေါင်းရင်းမြစ်များ

DAN NIHNA 31:14

Zie zawh chun Lalpa’n Mosi kawmah, “Ngaitie, na thihna ding hun chuh a nai ta a; Joshua chuh sam inla Kihona Puon-In a chun va um un, ti a chuh, thu ka piek theih na dingin,” a ti a. Khutichun, Mosi leh Joshua chuh a chieh u a, Kihona Puon-In a chun a va um tau a.

THILSIEMBUL 47:29

Chun, Israel chuh a thih hun a hung nai ta a: tichun, a chapa Joseph chuh a sama a kawmah, “Na mit ka tun chun lungsiet takin na khut kha ka malpi nuoi ah gawlh inla, Aigupta gama hi ei vui lo dingin kihâksiel in.

ROME 12:19

Deihtakte haw, kiphulak tuoh kiu in, Pathien lungnat awt zawu un, “Phuba himhim kei lak ding ahi, Keima’n dinthuk ing ka, Lalpa’n a tii” tih zik ahi ngâl a.

SAM LEHKHABU THE PSALMS 37:13

Lalpa chun amah chuh nuihsan ina: A ni a hung nai tai tih a het ziekin.

1 SAMUEL 31:6

Khutichun, Saul leh a chapa thum te leh a gâlvan puo-pa leh a mite chengcheng chu zie ni ngêi chun a thi khawm tau hi.

1 SAMUEL 25:38

Chun, hiti hi ahi a, ni sawm nung chun Lalpa’n Nabal chung ah khut a tha a, a thi ta a.

1 SAMUEL 25:26

Zieziekchun, tuhin, ka lalpa, Lalpa hinna leh nang hinna’n ka kihâksiel hi, Lalpa’n thisan suoh lo ding leh na khuta phuba kilakloa a hun kawih tâk ziekin, tuhin na melmate leh ka lalpa dinga sietna hawlte chengcheng chu Nabal tawbang hiu hen.

DAN NIHNA 32:35

Phubalak leh ditthuk chuh Kei hih ding ahi; a kalbiu ateu tieng leh, A sietna ding niu chuh a nai tai, Thil hung tung ding haw chuh a chung u ah tung pai ta’n a.

THUPHUON 18:8

Zieziekchun, ni khat thu’n natna te, gawtna, thihleman, thûmlemauna te leh kiellechâkte chun hun pha phut ina. Khutichun, mei in kangtum ina, Lalpa Pathien, a chunga vaihawmpa chuh a hât ngâl a.”

HEBRAI 9:27

Chun, mihiem a dingin khatvei thih guot ahi a, zie nung chuleh vaihawm na um ding ahi.

LUKE 18:7

Pathien in, a mah mite ngêi, a sun a zan a panpihna ngên a kiko sekte phuba chuh lâksak lo ding ahim? Amau haw panpih dingin a ngak nalai dinga ahim?

THUGENPA 3:2

Pien hun a um a, thih hun a um, Thil phuh hun a um a, bawhdawk hun a um,

SAM LEHKHABU THE PSALMS 94:23

Amah chun amau haw gitloh na ngêi chuh a chung u ah a kiek sak a, Amau haw phatloh na ngêi chun hih mangthai ina. Lalpa ka Pathien u chun amau chuh phiet mang ina.

SAM LEHKHABU THE PSALMS 37:10

Chawmkhat hal leh mi nunsie haw chuh um ta puo’n tin uh: Ahi, a umna mun chuh en en leh chinle, um ta puo’n a.

JOB LEHKHABU THE BOOK OF JOB 14:14

Mi chuh a thih tâk chun, a hing kit dinga ahim? Ka nasep sung cheng chun ngak ing ka ting, zie buoina hun sung hi a beih macheng in.

JOB LEHKHABU THE BOOK OF JOB 14:5

A nite chuh na guotsa ahi a, a tha zah chule na kawmah a um a, A khel theih loh dingin gamgi chuh na zam ta a.

JOB LEHKHABU THE BOOK OF JOB 7:1

Leichung ahin mihing in na haksa sep ding a nei zing hilo ahim? A nite chuh kithalak a nasemte ni tawbang hilo ahim?

1 SAMUEL 24:15

Zieziekchun, Lalpa chu vaihawmpa hi henla, kei leh nang kal thu hi vai hawm henla, ka makhuo hi ei ngaihtuoh sak in ei genpih henla na khut apat in ei hukdawk hen,” a ti a.

HEBRAI 10:30

Phuba himhim kei lak ding ahi, kei ma’n dinthuk ka tih leh, “Lalpa chun a mite chungthu ngaihtuoh sak ina,” ti kit pa chuh I he ngâl uh a.

1 SAMUEL 24:12

Lalpa’n kei leh nang kal thu hi vaihawm henla, chun, Lalpa chun na chungah ka phuba la hen; ahihziekin ken vang na chungah ka khut tha himhim puo’ng ka.

1 SAMUEL 25:39

Chun, David in Nabal chu a thii tih a het phet chun, “Nabal ei muhsitna phuba ei lak saka, a suok thil phalo lak apat ei vengbit Lalpa chu pahchak in um hen; Nabal thil phalo bawl chu Lalpa’n amah chung mah ah a chuk sak ta ahi,” a ti a. Chun, David chun Abigail chu a zi dinga va hopih dingin mi a sawl a.

1 SAMUEL 31:4

Ziephet chun Saul chun a gâlvan puo-pa kawm achun, “Na chemzâm satdawk inla, ei sun let zieng ah; khutilochun zie zektan loh te hi hung untin un, ei sunlet untin un, nunsie taka kichepna’n ei nei kha’n au,” a ti a. Himahlele a gâlvan puo-pa chun a hih nuom puoh a; a lauh mah mah ziekin. Khutichun, Saul chun amah chemzâm ngêi chu a kilak a, a bawh ta a.