1 SAMUEL 25:24 - PATHIEN LEKHABU THIENGTHO (BSI)

²⁴ Chun, a keng bula chun a bawkkhup a, “Ken, hepu, kei mai in manlohna mawh chu puo’ng ka, chun, na suoknu hin na bil a na zak ngêi in thu gen henla na suoknu thugen chu lungsiet takin ngaihthak sak in.

1 SAMUEL 25:24 ပူးပေါင်းရင်းမြစ်များ

ESTHER 8:3

Chun, Esther chun leng kawm achun thu a gen kit a, a keng bul ah a bawkkhup a, Agag mi Haman thil phalo hih guot leh Juda te chung a a lemguot chuh subei dingin kap kawmin a ngên ta a.

2 SAMUEL 14:9

Chun, Tekoa khuo a numei chun leng kawm achun, “Aw lengpa, hepu, sukkhelhna mawlh chu kei chunga leh ka inkawte chungah kie mai hen: leng leh leng chutphah chun mawhpuo kihen,” a ti a.

1 SAMUEL 25:28

Na suoknu gitlohna hi lungsiet takin ngaidam in: Lalpa’n ka lalpa chu insung dettak tundin sak ngêi ngêi intin, ka lalpa chu Lalpa kidona dopih ahi ngâl a; na damsung chengin nang ah gitlohna muh ding um puo’n a.

2 LENGTE 4:37

Tichun, amahnu chu Elisha keng bul ah a bawkkhup a; a maia lei si’n chibai a bûk a; a chapa chu a pawm a, a pawt ta a.

MATTHAI 18:29

Khutichun, a suok chanpih pa chuh khupbawk in ‘Ei hungaih tadih inla hun pie nang ka,’ ti’n hah nget in a ngên a.

2 SAMUEL 14:12

Khutichun numei chun, “Na suoknu hin lengpa ka pu kawma hin thu kam khat hun gen kit ing ka,” a ti a. Chun, amah chun, “Gen ta leh,” a ti a.

THILSIEMBUL 44:18

Ziephet chun, Juda chun Joseph a va naih a, “Aw hepu, lungsiet takin, hepu, na suok hi na kawma thu kamkhat ei gensak inla, na suok chung ahin na lung chuh natsak ki’n la: nang chuh Pharaoh bang mai na hi ngâl a.

1 SAMUEL 24:8

A nungcha chun David le a kipana, kâwlhâwm apat chun a pawt a, “Lengpa, ka lalpa,” ti’n Saul chu a sam zui a. Chun, Saul chu a vak kihei leh David in a mai a lei si’n chibai a bûk a.

1 SAMUEL 25:23

Chun, Abigail chun David a muh phetin a sabiltung chung apat chun kintak in a kum a, David masang achun a mai a lei si’n a chibai a.

1 SAMUEL 25:25

Hepu, pannabei Nabal hi bangmah cha’n ngai ki’n; a min tawbang phet ahi; Nabal tih mah takin a ngawl ahi hi; kei na suoknu hin chu vang ka lalpa tangval hun sawlte chu ka na mu puoi.

THUCHINGTE 25:15

Zaidawhna chun vaihawmpa chuh thuzawh in a um a, aw nem tak chun guh leh châng a subawng thei hi.

THUGENPA 10:4

Na chunga vaihawmte a lungnat phat u leh, na sepna chuh taihsan zieng ki’n; na thip hiet hiet chun, thil diklo nasatak le ngaihdam ahi sek ngâl a.

2 SAMUEL 20:17

Khutichun a kawm achun a va chieh nai a, chun, numei chun, “Joab na him?” a ti a. “Ka hii,” a ti a, a dâwng a. Ziephet chun a kawmah, “Na suoknu thugen hi ngaitha tie,” a ti a, Chun, amah chun a dawng a, “Ka ngaithâi,” a ti a.