1 SAMUEL 25:23 - PATHIEN LEKHABU THIENGTHO (BSI)

²³ Chun, Abigail chun David a muh phetin a sabiltung chung apat chun kintak in a kum a, David masang achun a mai a lei si’n a chibai a.

1 SAMUEL 25:23 ပူးပေါင်းရင်းမြစ်များ

1 SAMUEL 20:41

Chun, tanglakpa chu a chieh phet chun David chu a umna mun simlam apat chun a hung pawt a, a maia tuol si’n thumvei chibai a bûka; chun, a kichawp u a, a kikah tau a, David chu a khawk diek a.

VAIHAWMTE 1:14

Chun, hiti hi a hung hi a, a kichên niu chun Othniel in a zi chuh a pa kawma gam ngên dingin a sawl a; sabiltung chung apat chun a kum tha a, chun, Kaleb chun a kawmah, “Bang a na deih?” a na ti a.

JOSHUA 15:18

Chun, hiti hi ahi a, a zi chuh a kawm a va tun chun, a pa gam ngên dingin a zawl a; chun, a sabiltung apan chun a kum tha a; Kaleb in a kawmah, “Banga na deih?” a na ti a.

1 SAMUEL 24:8

A nungcha chun David le a kipana, kâwlhâwm apat chun a pawt a, “Lengpa, ka lalpa,” ti’n Saul chu a sam zui a. Chun, Saul chu a vak kihei leh David in a mai a lei si’n chibai a bûk a.

RUTH 2:10

Khutichun, a khun a, a maichang a lei si’n a bawkkhup a, a kawmah, “Nam chuom mi ka hi ngâl a, bangti dana nangin nei hiti het nawp a nei lungsiet ahim?” a ti a.

1 SAMUEL 25:24

Chun, a keng bula chun a bawkkhup a, “Ken, hepu, kei mai in manlohna mawh chu puo’ng ka, chun, na suoknu hin na bil a na zak ngêi in thu gen henla na suoknu thugen chu lungsiet takin ngaihthak sak in.

1 SAMUEL 25:41

Chun, a kipana, a maia lei si’n chibai a bûka, “Ngaitiem u, ka lalpa suokte keng sil dingin na suoknu hi suok in pang hen,” a ti a.

2 SAMUEL 1:2

Chun, ani thum ni chun mi khat, van sie taka kivan, a luzâng a nin bek lemlum hi Saul kawma a panmun u apat in a hung a; David kawm a hung tun chun leia khupbawk in chibai a bûk a.

2 SAMUEL 9:6

Chun, Saul chapa Jonathan cha Mephiboseth chu David kawmah a hung a, a maia lei si’n chibai a bûk a. Chun, David chun, “Mephiboseth,” a ti a. Amah chun, “Entie, na suok hih,” a ti a a dâwng a.

2 SAMUEL 14:4

Chun, Tekoa khuo a numei chun leng kawm a thu a gen ding chun maia lei si’n a bawkkhup a, chibai a bûka, “Aw lengpa, ei panpih in,” a ti a.

2 SAMUEL 18:28

Chun, Ahimaz chuh a sama, leng kawmah, “Bangkim a pha suok kêi hi,” a ti a. Tichun a maia lei si’n leng ma achun chibai bûk in a kûn a, “Lalpa, ka pu suksiet guo a khut thâk guote dal pa Lalpa na Pathien chu pahchak in um hen,” a ti a.

1 KHANGTHUBU 21:21

Araunah chun, leng David a kawm lama hung chu a muh muhin, a buh chilna mun chu a nusieh a, a maia lei si’n, a masangah a va khupbawk ta a.