1 SAMUEL 25:10 - PATHIEN LEKHABU THIENGTHO (BSI)

¹⁰ Chun, Nabal chun David suokte chu a dawng a, “David chu kuo ahi Jessai chapa chu kuo ahi a ahi? Tulai hin suok tamtak a puteu taihmang san atam uh a puo!

1 SAMUEL 25:10 ပူးပေါင်းရင်းမြစ်များ

VAIHAWMTE 9:28

Chun, Ebed chapa Gaal chun, “Abimelek chuh kuo a? Sekem chule kuo ahi a eihaw’n a na I va sep sak dinguh ahi? Jerubaal chapa hilo ahim? Zebul hi a lawiupa hilo ahim? Sekem pa Hamor mite nasem zawi tiu. Bang ziekin em amah na chuh I sep dinguh?

ISAI 32:7

Mi gukhah chu phalo tak ahi a, mi chagahte chu zuou thu a hihsie ding in, thil gilo a sawmdawk u a, chagahte le a diknau ale a nang chak kêi sek hi.

ISAI 32:5

Mingawl chu mi thupi ti kit ta puou un tin, mi lelo chule mi zahum ti kit diek ta puo’n au.

THUGENPA 7:10

“E khai, tulai sangin tuma lam khan thil bangkim a phazaw hilo ahim?” ti ki’n. Zie chuh dawtna pil a kipan ahi puoh ngâl a.

1 LENGTE 12:16

Chun, Israel te chengcheng chun leng in a thu gen uh a zawp puoi tih a het un, mipite chun, “David ahin chanvo bang ahim I neih uh? Jessai chapa achun go luoh ding I nei diek puou hi; aw Israel te haw, na puon-In lam u ah chieh chiet un; David, na inkuon kingaihtuoh mai ta’n,” ti’n leng chu a dawng u a. Khutichun Israel te chuh a puon-In lam chiet u ah a chieh tau a.

2 SAMUEL 20:1

Chun, zie tak achun Benjamin mi, Bikri chapa a min Sheba, Belial mi khat a na um kha a: pengkun a mût a, “David ahin chanvo ka nei puou a, Jessai chapa ahin go luoh ding le ka nei diek puou hi: aw Israel mite haw, na puon-In lam chiet u ah chieh tau in,” a ti a.

1 SAMUEL 22:2

Chun lungdawng taphawt te, bat nei taphawt te, lungkim lo taphawt te a kawmah a chieh khawm u a; tichun, a lawiupau in a pang ta a; a kawm achun mi zali vel a um tau a.

1 SAMUEL 20:30

Ziephet chun Jonathan chung achun Saul chu a lungna mah mah ta a, a kawmah, “Nang numei chavai leh genhak chapa, Jessai chapa chu na muolphona ding leh na nu ngawnchang a hih muolpho dinga tel na hi tih helo kha ei sa na him?

PAWTDAWKNA 5:2

Pharaoh chun, “Lalpa chuh kuo ahi a, a thu ka zawpa Israel suonte ka vak pawtsak mai ding ahim? Lalpa chuh ka he puoh a, chun Israel chate le pawtsak puo’ng ka,” a ti a.

1 SAMUEL 25:9

Chun, David tangvalte chu a va tun un David min in zie thu haw chengcheng chu Nabal kawm achun a gen u a, thipkêi in a ngak tau a.

THUCHINGTE 15:1

Dawnna nem chun lungnatna a sudai a, himahleh paukam zakdah um vang chun lungnatna a chawktho hi.