1 SAMUEL 24:9 - PATHIEN LEKHABU THIENGTHO (BSI)

⁹ Joab chun Saul kawmah, “Ngaitie, ‘David in na sietna ding a hawl hi’ ti a mite’n na kawma a gen u chu bang zieka taksang sek na him?

1 SAMUEL 24:9 ပူးပေါင်းရင်းမြစ်များ

THUCHINGTE 29:12

Vaihawmpa chun thu diklo a ngaihthak chun; a siehmangte chengcheng a sugilo sek hi.

JAKOB 3:6

Chun, lei hi mei tawbang a hi a; I sapumpiu kahaw laka, khawvel pumpi diklohna a luoh dim sak sek chuh, lei hi ahi. Zie chun, sapum hi a pum in a subuok a, gawtmun apat a mei hung ngêi chun I pienpih kangtalai chuh a hun sukang ta a.

THUCHINGTE 26:28

Lei zuou thei chun amah sukliemte mah kha a mudah seka, pahchak lêmna kamsuok chun thil a hihsie sek hi.

THUCHINGTE 25:23

Mâl huih in guohtui a hun puok bangin, mi gensiet chîng chun lungnatna a tun sek hi.

THUCHINGTE 18:8

Mi hoguk thiemte thugen chuh buh lim tak tawbang ahi a, gilpi sunggil tieng hielin a lut sek hi.

THUCHINGTE 17:4

Miphalote chun ngaihdan phalo a ngaitha sek u a, mi zuou te chun zuou thu a ngaitha sek ui.

THUCHINGTE 16:28

Migilo chun kinakna a thehzak sek a, kihoguk chîng chun guolpha lai a sukhen sek.

SAM LEHKHABU THE PSALMS 141:6

Thiemlohchan sak dingte kienga piekdawk ahih tieng u leh; Ka thu haw hi a deihum dân hun he tan au;

SAM LEHKHABU THE PSALMS 101:5

Kuole a vengte a gûka gensie chu zie mi chuh sumangthai ing ka: En sang leh lunggil chapo pu mi chuh thuok thei lo ding ka hi.

1 SAMUEL 26:19

Zieziekchun, lengpa, na suok thugen hi ngaitha tie. Ei do dinga na lungthim chawktho chu Lalpa a hih chun, a kawmah kithawihna thilpiek pie leng a lungthim theng ina; ahihziekin, mihing a hih u chun, Lalpa hansie a chungu ah tung hen. Lalpa gama pat gamdang pathien haw mai ho theihna gama ei nawhlut ziekun.

THIEMPUDANTE 19:16

Na chipihte lak ah mi gensie’n asuk atung a na vakviel loh ding ahi. Na invengte hinna thu ah ahilo lama na pan ding le ahi puoi, Kei hi Lalpa chuh ka hi.

1 SAMUEL 20:1

Khutichun, David chu Ramah khuo a Naioth apat chun a tai a. Jonathan kawm achun a chieh a, “Banga ka hih? Banga ka hih khelh? Na pa chung ahin bang ka hihkhiel a hiti a hi thah ei guo ahim?” a ti a.

1 SAMUEL 24:8

A nungcha chun David le a kipana, kâwlhâwm apat chun a pawt a, “Lengpa, ka lalpa,” ti’n Saul chu a sam zui a. Chun, Saul chu a vak kihei leh David in a mai a lei si’n chibai a bûk a.

1 SAMUEL 24:10

Ngaitie, tuni a Lalpa’n kâwlhâwm a hih ka khuta ahun piek dân hi na mit ngêi in na mu a; khenkhat chun hun that dingin ei sawl u a; himahlele ka hun hinghawih a; ‘Ka lalpa chungah ka khut himhim tha puo’ng ka, Lalpa sathau nuh ahi ngâla,’ ka ti a.

1 SAMUEL 26:18

Chun, “Bang zieka ka lalpa’n na suok kei hi nei delh delh zieng ahim? Bang thil a ka hih? Bang thil phalo ka bawla ahi?

JEREMIA 37:18

Jeremia’n leng Zedekia kawm achun, “Na mite, na suokte leh nang mah zakdah ding bang thil ka hih a suongkul a nei khum ahi?” ti’n a dawng a.

1 SAMUEL 20:41

Chun, tanglakpa chu a chieh phet chun David chu a umna mun simlam apat chun a hung pawt a, a maia tuol si’n thumvei chibai a bûka; chun, a kichawp u a, a kikah tau a, David chu a khawk diek a.