1 SAMUEL 24:18 - PATHIEN LEKHABU THIENGTHO (BSI)

¹⁸ Chun, tuni hin ei bangti bawl phat na hi ta’m tih na sulang tai: Lalpa’n na khuta ei pieksa ale nei thah loh hin.

1 SAMUEL 24:18 ပူးပေါင်းရင်းမြစ်များ

1 SAMUEL 26:23

Lalpa chun micheng a kitûpnau leh a ginumnau ziekin kipahman a pie a: tuni hin nang hi Lalpa’n ka khut ah a hun pie na a. Lalpa thaunuh chungah ka khut ka tha nuom puoh a.

SAM LEHKHABU THE PSALMS 31:8

Chun, ei do pa khut ah nang in nei pie puoh a; Ka keng hi mun awngthawl na tawh sak zaw ta a.

1 SAMUEL 26:8

Khutichun, Abishai chun David kawmah, “Tuni hin Pathien in na melma chu na khuta ahun piekdawk ahi tai; zieziekchun, tiengcha hin tuol hi tawh khatvei kilh in ka kilhden zieng aw? Nihvei vei sut ngai puo’n a” a ti a.

1 SAMUEL 24:10

Ngaitie, tuni a Lalpa’n kâwlhâwm a hih ka khuta ahun piek dân hi na mit ngêi in na mu a; khenkhat chun hun that dingin ei sawl u a; himahlele ka hun hinghawih a; ‘Ka lalpa chungah ka khut himhim tha puo’ng ka, Lalpa sathau nuh ahi ngâla,’ ka ti a.

1 SAMUEL 23:12

Ziephet chun, David chun, “Keilah khuo a mite hin kei leh ka mite hi Saul khut ah ei pie ding um?” a ti a. Lalpa chun, “Hun pie’n au,” a ti a.

1 SAMUEL 23:7

Chun, Keilah khuo ah David a chieh hi tih chu Saul a hilh u a. Saul chun, “Pathien in ka khuta ei piek a hi ta chu; kulh kawtkhak leh a kamna nei khuo achun lut in a kikhum ta ngâl a,” a ti a.

1 SAMUEL 24:19

Mi’n a melma mu henla hileh bit takin a thahdawk nuom dinga ahim? zieziekchun tuni a ka chunga na thilhih ziek hin Lalpa’n thilpha’n hun dinthuk hen.

THILSIEMBUL 38:26

Chun, Juda chun zie thil haw chuh amah a ahi tih a he a, “Amah chuh kei sangin a diktat zawi, ka chapa Selah chuh ka neihsak ta puoh ngâl a,” a ti a. Juda chun amah chuh a kuolpih kit ta puoi.

SAM LEHKHABU THE PSALMS 7:5

Melma hin ka hinna hi a delh in, delhpha mai he uo; Ahi, ka hinna hi tuol ah tawh den henla, Ka hinna hi leivui lak ah silut hen. Selah.

THUCHINGTE 25:22

Tichun, a luchang a mei-âm suon sak hin na tin; khutichun Lalpa’n kipahman hun pie ding ahi.