1 SAMUEL 23:26 - PATHIEN LEKHABU THIENGTHO (BSI)

²⁶ Chun, Saul leh a mite chu tâng pang leh langkhat lam achun a chieh uh a, David leh a mite chu tâng pang lehlangkhat lam achun a chieh uh a. Khutichun, Saul leh a mite apat chun David leh a mite chuh kin takin a tai mang u a, Saul leh a mite chun mat guo’n a kimvel ngâl u a.

1 SAMUEL 23:26 ပူးပေါင်းရင်းမြစ်များ

SAM LEHKHABU THE PSALMS 17:9

Mit naucha tawbang in vawppha’n la, Na thanuoi haw a chun nei sel gu’n la.

THUPHUON 20:9

Khutichun, lei chung pumpi dâp suok hielin a chieh uh a, mi thiengthote giehbuk leh, a khuo deihum tak uh chuh a ûmkimvel uh a. Himahlele, van apat in mei a hung kie a, amau haw chuh a kâng tum vek ta a.

2 KORINTH 1:8

Suohpihte, Asia gama, ka chung u a thawkna tung thu khah na het loh uh ka nuom puou. Khati a, nasa taka, thawk zawh loh khawp a, hin nasan kinemlo khawp hiela delh den a ka um u khah.

SAM LEHKHABU THE PSALMS 31:22

Kei chuh la ka humhai in, “Na mitmuh a pat paihmang in ka um tai,” ka na ti a. Himahlele, lungsiet na ngên a ka hun uou na aw kha na na he ngâl a.

SAM LEHKHABU THE PSALMS 22:16

Ui haw chun ei um suok ngâl u a: Thil phalo hih um khawm haw chun ei um chak kêi u a; Ka khut leh keng haw hi a sun pawp u a.

SAM LEHKHABU THE PSALMS 22:12

Bâwngchal tampi’n ei um u a: Bashan gama bâwngchal hât taktak haw chun ei ûmkimvel hut hut u a.

SAM LEHKHABU THE PSALMS 17:11

Tuhin vang chuh ka kalsuon na phawt u ah ei huol vel tau a, Lei a ei sukpuk guon a mit u chun ei en sal u a,

2 KHANGTHUBU 20:12

Aw ka, Pathien uh, a chung u a vaihawm lo ding na him? Mi zie zat zat ei do dinga hung kuonte chuh a na do thei ding hâwi ka hi puoh ngâl u a; a lawhngaihna himhim le ka he puou hi, Nang lam hung nga zaw mai ka hiu hi,” a ti a.

2 SAMUEL 15:14

Chun, David chun Jerusalem a a mi liente chengcheng kawm achun, “Kipan unla, taidawk hitiu, Absalom apat hin kuomah I suohchak theih tuok puoh ngâl un: pawt meng un, khutilochun ei hun delhpha pai zieng untin, I chung u ahin thil phalo tak hun tun untin, chemzâm in khuo hi hun do kha’n au,” a ti a.

1 SAMUEL 20:38

Chun, Jonathan chun naupang chu a sama, “Hung tai meng in, kin in, muong ki’n,” a vak ti a. Chun Jonathan puih tanglakpa chun thalpi chang chu a luokkhawm a, a pu kawm lam achun a chieh ta a.

1 SAMUEL 19:12

Khutichun, Mikal chun David chu tukvan achun a khaitha a; tichun a taimang a, a suokcha ta a.

VAIHAWMTE 16:2

Chun, Samson zie hin a hung hi ti’n Gaza mite chuh a hilh u a. Tichun a ûmkimvel tau a, khawpi kulh kawtkhak bul achun zan khuo’n a châng tau hi. Zan khawvak in thipkêi in a châng u a, “Khuo hung vak kit phawt leh, tichun, amah chuh that hitiu,” a kitiu a.

1 SAMUEL 23:25

Chun, Saul leh a mite chu amah hawl ding chun a chieh tau a. Zie chuh David a hilh uh a; ziephetchun David chu Maon gamthip a um suongpi achun a delhzui ta a, tak achun a um ta a. Saul in zie thu chuh a zak phetin, David chu a delhzui suk ta a.

1 SAMUEL 23:27

Himahlele, Saul kawm achun, “Kikinnawh inla, hung in, Philistia te’n I gam uh a hun do phut ui,” ti’n thangko ahung tung a.