1 SAMUEL 22:2 - PATHIEN LEKHABU THIENGTHO (BSI)

² Chun lungdawng taphawt te, bat nei taphawt te, lungkim lo taphawt te a kawmah a chieh khawm u a; tichun, a lawiupau in a pang ta a; a kawm achun mi zali vel a um tau a.

1 SAMUEL 22:2 ပူးပေါင်းရင်းမြစ်များ

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

1 SAMUEL 30:6

Chun, David chu nasatak in a lungzîng a; a chapateu leh a chanuteu sala mat a hih ziek u a lungkham a mi chengcheng in amah chu suong a seh ding thu a gen zing u a; himahlele David chu Lalpa a Pathien achun a kisuhat a.

1 SAMUEL 25:13

Chun, David chun a mite kawm achun, “Na chemzâm uh zûk chiet u,” a ti a. Chun, a chemzâm uh a zûk chiet u a; David in le a chemzâm a zûk a, mi za li velin David chu a zui to u a; chun, mi za nih chu thuomphuo ngak in a um u a.

1 SAMUEL 23:13

Ziephet chun, David leh a mite, zagup ahim vel chuh a kipan u a, Keilah khuo apat chun a pawtdawk tau a, a chieh zel tau a. Chun, Keilah khuo apat in David a pawt tai tih chu Saul a hilh uh a, tichun kido ding chuh a haihsan ta a.

1 SAMUEL 9:16

“Zing leh tuhun vel hin Benjamin gam a pat in pasal khat hun sawl ding ka hi a, ka mi Israel te chunga lawiupa hiding in thau nuh in na tin, amah chun Philistia mite khuta pat in ka mite hukdam ina: a kiko thawm uh ka kawm ahung tun tâk ziekin ka mite chu ka ngaihsak ahi,” ti’n ana gen ta a.

1 SAMUEL 1:10

Chun Hannah chu a lungkham mah mah a, Lalpa kawmah a paucham a, thasie takin a kap a.

VAIHAWMTE 11:3

Khutichun, Jeptha chuh a suohpihte kawm apat chun a taimang ta a, Tob gam ah a um tai. Chun, Jeptha kawm achun mi manloh taktak haw chuh chiehkhawm in amah chuh a kipawl pih tau hi.

HEBRAI 2:10

Pathien, thil chengcheng siem a, vawpbitpa ding chun, cha tamtak a lopina kikawppih dingin, Isu thuokna bukim zieka siem chuh hih ding him a hi ngâl a. Isu mawng chuh Hukdamna a puilut pa khah a hi ngâl a.

MATTHAI 11:12

Baptist Johan um apat tuni tieng hin van gam chun thagum suoh a dona a na thuok sek a, thagum suoh mangte chun a na lak guo sek ui.

THUCHINGTE 31:6

Mangthai ding kuonte chuh zukha pieu inla, chun, mi lungkhamte chuh uain pieu in.

2 LENGTE 20:5

“Vaikit in la ka mite lawiupa Hezekia kawmah zie thu hi gen in; Lalpa na pu David Pathien chun hiti hin a tii, Na pauchamna kha ka za a, na mittui kie le ka mûi. Ngaitie, hun sudam ing ka ting, ni thum sungin Ho-In ah chieh inla.

2 SAMUEL 17:8

Chun, Hushai chun, “Na pa leh a mite chu na he a, sepaih hâng tak, gamlaka savawm a no kilaksak tawbang hiel ahiu a: na pa chu kido mi ahi a, mipi lak ah giek khel puo’n a.

2 SAMUEL 5:2

Tuma a Saul ka chungu a a lal lai a Israel te puidawk leh puilutpa na na hi sek a: chun Lalpa chun na kawmah, ‘Ka mi Israel te chu vak-in na tin, Israel te chunga lawiupa’n um inla,’ a ti a,” a tiu a.

VAIHAWMTE 18:25

Chun, a kawmah, “Keihaw lak ahin pau maimai kitie, khutilochun mi lungchawm zaw ten hun zuon in, nang hinna leh na inkuon pih te hinna chan lawh kha’n la,” a tiu a.

1 SAMUEL 22:3

Chun, David chu zie apat chun Moab gama Mizpah ah a chieh a; Moab lengpa kawm achun, “Pathien in kei dinga thil a hih ding ka het macheng in ka nu leh ka pate hi na kawmah um u hen aw,” a ti a.

2 LENGTE 4:1

Thiemgau pawl khatte laka numei khat hin Elisha kawmah, “Hepu, ka pasal chu a thi ta a, amah khan Lalpa chu a kihcha sek hi tih na he a; tuhin, a leibatna pa hi a hung a, ka chate nih hi suok a pui dingin a hung hi,” ti’n a lungzîn thu a gen a.