1 SAMUEL 20:41 - PATHIEN LEKHABU THIENGTHO (BSI)

⁴¹ Chun, tanglakpa chu a chieh phet chun David chu a umna mun simlam apat chun a hung pawt a, a maia tuol si’n thumvei chibai a bûka; chun, a kichawp u a, a kikah tau a, David chu a khawk diek a.

1 SAMUEL 20:41 ပူးပေါင်းရင်းမြစ်များ

THILSIEMBUL 29:11

Chun, Jakob chun Rachel chuh a châwp a, ngeih tak in a kap ta a.

THILSIEMBUL 29:13

Chun, hiti hi ahi a, Laban chun a suohpihnu chapa, Jakob chanchin chuh a het phetin, a dâwn dingin a tai a, a pawm a, a châwp a, a In ah a pui ta a.

THILSIEMBUL 33:4

Himahleh, Esau chuh amah lawp dingin a tai a, a pawm a, a ngawngkawih a, a châwp, a, a nih u chun a kap tau a.

THILSIEMBUL 42:6

Chun, Joseph chuh Aigupta gamsung achun lawiupa ahi a; a gama mi chengcheng kawm achun buh chuh a zuok ta a. Joseph ute chuh a hung u a, leisi’n a masang ah a khun u a,

THILSIEMBUL 43:28

Amau chun, “Ka pau, na suok chuh a dam nalai a, hing leh dam in a um hi,” a tiu a. A luu khun in chibai a bûk kit u a.

THILSIEMBUL 45:15

Tichun, a suohpihte chengcheng chuh a châwp a, a kahkhum a; zie zawh chun a suohpihte chun a holimpih tau a.

2 SAMUEL 1:2

Chun, ani thum ni chun mi khat, van sie taka kivan, a luzâng a nin bek lemlum hi Saul kawma a panmun u apat in a hung a; David kawm a hung tun chun leia khupbawk in chibai a bûk a.

2 SAMUEL 1:26

Ka suohpihpa Jonathan, na chung thu a hin ka lungzîng ahi: Ka chungah na pha mah mah sek a, Nei hehpihna chu a mak a, Numei hehpihna a khup ahi.

2 SAMUEL 14:4

Chun, Tekoa khuo a numei chun leng kawm a thu a gen ding chun maia lei si’n a bawkkhup a, chibai a bûka, “Aw lengpa, ei panpih in,” a ti a.

2 SAMUEL 19:39

Chun, mipi chengcheng chu Jordan gâl a kai u a, chun, leng chule a galkai a: leng chun Barzillai chu a châwp a, vangsaka; chun amah mun lam ah a chieh kit ta a.

2 SAMUEL 9:6

Chun, Saul chapa Jonathan cha Mephiboseth chu David kawmah a hung a, a maia lei si’n chibai a bûk a. Chun, David chun, “Mephiboseth,” a ti a. Amah chun, “Entie, na suok hih,” a ti a a dâwng a.

1 LENGTE 1:16

Chun, Bathsheba chun leng chuh khun in chibai a bûk a, chun, leng chun, “Banga na deih?” a na ti a.

1 LENGTE 1:23

“Entie, thiemgau Nathan a hung hi,” ti’n leng chuh a hilh u a. Nathan chuh leng masang a va tun chun, a ma achun a mai a lei si’n a bawkkhup a.

1 LENGTE 1:31

Khutichun Bathsheba chuh a maia lei si’n a bawkkhup a, leng chuh chibai a bûk a, “Ka lalpa, leng David hi kumlekhuo’n dam zing hen,” a ti a.

NASEPTE 20:37

Tichun, a bawn u chun hah kah in a kap u a, a bieng u leh Paul bieng sutuoh in a châwp tuntun u a.

1 SAMUEL 10:1

Khutichun, Samuel in sathau um chu a ladawk a, a luchang ah a sung a; a chawpa, chun, “Lalpa chun a gochan Israel te chunga lawiupa hi dingin sathau a hun nuh hilo ahim?

1 SAMUEL 18:3

Khutichun Jonathan leh David chun thugawlh a siem u a, amah hinna bang taka a hehpih ziekin.

1 SAMUEL 20:40

Chun, Jonathan chun tanglakpa chu a gâlvan haw a pie a, a kawmah, “Chieh inla, khuo lam ah a na puo’n,” a ti a.

1 SAMUEL 24:9

Joab chun Saul kawmah, “Ngaitie, ‘David in na sietna ding a hawl hi’ ti a mite’n na kawma a gen u chu bang zieka taksang sek na him?

1 SAMUEL 25:23

Chun, Abigail chun David a muh phetin a sabiltung chung apat chun kintak in a kum a, David masang achun a mai a lei si’n a chibai a.