1 SAMUEL 20:3 - PATHIEN LEKHABU THIENGTHO (BSI)

³ Chun David chun, “Na pa chun nei lungsiet dân hi a he chien mah mah ngâla; ‘Jonathan in zie hi chu hese dah hen, dân leh lungkham taluo khâna,’ a ti a hi’n a: ahih ziekin Lalpa hinna leh nang hinna sâlin ka gen ahi, thihna tawh ka kikal uh kal khat mai ahi,” ti’n pap takin a gena.

1 SAMUEL 20:3 ပူးပေါင်းရင်းမြစ်များ

2 LENGTE 2:6

Chun, Elija chun, Elisha kawmah, “Zie taka hin a na um in, Lalpa’n Jordan a chieh dingin ei sawl ahi,” a ti a. Himahleh, Elisha chun, “Lalpa hinna leh na hinna sâlin ka gen hi, hun taihsan hiel puo’ng ka,” a ti a. Tichun, a nih un a chieh khawm zel tau a.

1 SAMUEL 27:1

Chun, David in a lungthim in, “Ni khat chu Saul khuta hi hung thi tei ding ka hi hi: kei dingin Philistia te gama taihmang sanga phazaw bangmah umlo ding ahi; tichun Saul in Israel gamsung cheng chenga ei hawl hi hung lungdawng intin, tichun a khuta pat bit ding ka hi,” a ti a.

1 SAMUEL 25:26

Zieziekchun, tuhin, ka lalpa, Lalpa hinna leh nang hinna’n ka kihâksiel hi, Lalpa’n thisan suoh lo ding leh na khuta phuba kilakloa a hun kawih tâk ziekin, tuhin na melmate leh ka lalpa dinga sietna hawlte chengcheng chu Nabal tawbang hiu hen.

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

2 LENGTE 2:4

Chun, Elija chun Elisha kawmah, “Taka hin a na um in, Lalpa’n Jerikoh a chieh dingin ei sawl ahi,” a ti a. Himahleh, Elisha chun, “Lalpa hinna leh nangmah hinna sâlin ka gen hi, hun taihsan hiel puo’ng ka,” a ti a. Tichun, Jerikoh khuo ah a chieh khawm tau a.

2 LENGTE 2:2

Chun, lampi achun Elija chun Elisha kawmah, “Zie taka hin a na um in; Lalpa’n Bethel tienga chieh dingin ei sawl hi,” a ti a. Elisha chun, “Lalpa hinna leh na hinna sâlin ka gen hi, hun taihsan hiel puo’ng ka,” a ti a. Tichun, Bethel ah a chieh suk khawm tau a.

1 SAMUEL 1:26

Chun amah chun, “Aw, hepu, na hinna sâlin ka gen hi, kei hi aw, hepu, zie taka na kienga dinga Lalpa kawma paucham numei khah ka hi.

HEBRAI 6:16

Mihiemte hin a sang u a lienzaw sâm in a kihâksiel sek uh a, kinielna tincheng sukcham na dingin le, kihâksiel hi a tawpna ahi sek hi.

JEREMIA 38:16

Khutichun, leng Zedekia chuh a gukcha’n Jeremia kawm achun a kipautiem a, “Lalpa, I hinnau siempa chuh a hin sung cheng chuh hun sulum hiel puo’ng ka ting, na hinna hawlte khut achun le hun pie diek puo’ng ka,” a ti a.

JEREMIA 4:2

Tihtakzet leh vaihawmna diktak manga diktak a, Lalpa a hin zing bangin ti a na kipautiem chun, namte chuh amah achun vangsak in um untin; Amah chuh suong tan au.

SAM LEHKHABU THE PSALMS 116:3

Thihna khauhuol ten ei zem a, Sheol natna chun ei man a; Lungdawnna leh lungkhamna ka thuok a.

2 SAMUEL 15:21

Chun, Itai chun leng chu a dâwng a, “Lalpa hinna leh leng, ka pu hinna sâlin ka gen hi, leng, ka pu hi na umna tâk achun, thih leh thih hi’n tin, dam le dam hi’n tin, na suok hi le um zel ina” a ti a.

1 SAMUEL 17:55

Philistia pa kidopih dinga David kuon dawk a muh phet chun Saul in sepaih lawiupa Abner kawm achun, “Abner zie tanglakpa hi kuo chapa ahi?” a ti a. Chun, Abner chun, “A dam in dam mai in, aw lengpa, ka he hiel puoi,” a ti a.

DAN NIHNA 28:66

dîp dawm zingin khawsa’n na tin un, sun leh zan a lauthawng zingin, na hin ding nasan u le kinem zo lo khawp in.

1 SAMUEL 20:2

Chun, amah chun, “Hun that lo e! thi hiel puo’n la; ngaitie, ka pa’n ei hetsak lo in bangmah lien leh neu leh a hih kha puoh a, bang ziekin ahim zie thu hi kei kawma a îm ding? îm hiel puo’n a,” a ti a.

1 SAMUEL 20:4

Khutichun Jonathan chun David kawmah, “Na hinna’n a deih takphawt chu hun hihsak zel ing ka,” a ti a.