1 SAMUEL 20:16 - PATHIEN LEKHABU THIENGTHO (BSI)

¹⁶ Khutichun Jonathan chun, “Lalpa’n David melmate chungah phuba la ta hen,” ti’n David inkawte kawmah thuthun a siem ta a.

1 SAMUEL 20:16 ပူးပေါင်းရင်းမြစ်များ

THILSIEMBUL 15:18

Zie ni chun Lalpa’n “Zie gam hi Aigupta lui apat a lui lien, Euphrates lui chanin na suonte ka pie tai:

2 SAMUEL 21:8

Leng chun Aiah chanu Rizpan in Saul chapa nih a hinsak Armoni leh Mephiboseth vang chu a pui a; chun, Meholath-mi Barzillai chapa Adriel, Saul chanu Mikal in chapa nga a hinsak te tawh:

JEREMIA 40:9

Chun, Shaphan chapa Ahikam chapa Gedalia leh a lawiteu kawmah, “Kaldai te nasep chuh lau kiu in; gam ahin um hiet hiet unla, Babulon leng na sem unla, nanguh a ding a pha ahi.

DAN NIHNA 23:21

“Lalpa na Pathien u kawma thu na tiem tieng u leh khawngai-khawngai lo a na piek pai zieng dinguh ahi; Lalpa na Pathien u chun na kitiemnau chuh hun nawhsie tei ding ahi ngâla; chun, kitiemna sukpitin loh chuh gitlohna ahi.

JOSHUA 22:23

Hâlmang thil piekna’n ahim, nek ding thillatna ahim, chamna thillatna ahim dinga siem ka hih u chun, amah Lalpa ngêi in hun ngaihtuoh mai hen.

1 SAMUEL 18:3

Khutichun Jonathan leh David chun thugawlh a siem u a, amah hinna bang taka a hehpih ziekin.

1 SAMUEL 20:42

Chun, Jonathan chun David kawmah, “Lungmuong takin chieh in aw, ‘Lalpa chu nang leh kei kikal leh ka suonte leh na suonte kikal ah kumkhuo’n um hen,’ ti’n Lalpa min in I kihâksiel ta kha,” a ti a. Chun, a kipana, a chieh ta a; chun, Jonathan chu khuo achun a lut ta a.

1 SAMUEL 22:8

Na bawn u a nei phiel u a, ka chapa’n Jessai chapa kawma thu a thun ka kawma gendawk himhim na um loh u a, ei lunggim pih himhim na um loh u a, ka chapa’n ka suok hi ei do ding leh tuni haw banga ei châng dinga a tîl thu ka kawma gendawk na um loh uh?” a ti a.

1 SAMUEL 23:18

Khutichun, a nih u chun Lalpa ma ah thugawlh a siem u a. David chu Horesh ah a um zing ta a, Jonathan chu In lam ah a chieh kit ta a.

1 SAMUEL 25:22

Zing leh, zingkal khawvak chana a neih chengcheng laka pasal naupang khat le ka hinghawih himhim chun Pathien in a lawh lawh ei lawh hen, zie sanga nasa chun le hih hen,” a na tih zawh tak ahi a.

1 SAMUEL 25:26

Zieziekchun, tuhin, ka lalpa, Lalpa hinna leh nang hinna’n ka kihâksiel hi, Lalpa’n thisan suoh lo ding leh na khuta phuba kilakloa a hun kawih tâk ziekin, tuhin na melmate leh ka lalpa dinga sietna hawlte chengcheng chu Nabal tawbang hiu hen.

1 SAMUEL 31:2

Chun, Philistia te chun Saul leh a chapate chu a delh a delh zieng tau a; Philistia te chun Saul chapate Jonathan leh Abinadab leh Malkishua chu a that u a.