1 SAMUEL 2:30 - PATHIEN LEKHABU THIENGTHO (BSI)

³⁰ Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

1 SAMUEL 2:30 ပူးပေါင်းရင်းမြစ်များ

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

ISAI 29:13

Lalpa chun, “Zie te haw hin, a kam un ei naih u a; a mûk un ei limbawl u a, himahlele, a lunggil un la ei gamlat ngâl u a, ei ho sek u hi mihiem thupiek a a sinsak maimai bang uh ahi.

PAWTDAWKNA 29:9

Chun, Aron leh a chapate chuh kâwnggak a gâk in, diel na kawpsak ding ahi; chun, thiempu hihna chuh kumkhuo a dingin namdetna chang tan au; tichun, Aron leh a chapate chun kumkhuo’n thiempu na chuh sem ta’n au.

SAM LEHKHABU THE PSALMS 91:14

Ka chung ah a hehpihna a ngak zing ziekin humbit ing ka tin; ka min a hetzing ziekin munsang ah kawih to ing ka.

SAM LEHKHABU THE PSALMS 50:23

Kuole kipah thugen kithawihna lân ta poh chun ei limbawl sek u a: Chun, a umdan vawp kitûp kawm achun Pathien hukdamna etsak ing ka,” a ti a.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

SAM LEHKHABU THE PSALMS 18:20

Lalpa chun ka diktat dungzui in kipahman ei pie a; Ka khut haw thientho dungzui ngêi in ei din ahi,

JOHAN 8:49

Isu’n. “Thitha vawp ka hi puoi, ka Pa ka limbawl ahi zawi, nang haw’n nei limbawl loh zawk uh ahi.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

KISIMNA 11:20

Tha khat lûm kêi khawp tak leh luoksuok hiel in ne’n lau: na lak u a um Lalpa chuh deih lo in, Bang a ti a Aigupta gam a pata kipawt ahim ti a a masanga na kah ziekun, hun ti’n,’” a ti a.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

KISIMNA 35:34

Na chênnau gam hi na sukbuok dinguh ahi puoi, a sung achun keile ka chêng a; kei Lalpa chuh Israel chate lak ahin ka chêng ngâla, ti’n,” a ti a.

VAIHAWMTE 9:10

Chun, thing haw chun theipi kung kawma hin, ‘Hung inla, ka leng un hung pang tie,’ a va tikit u a.

PAWTDAWKNA 28:43

Zie chuh Aron leh a chapate ka umna puon-In a a lut tieng u leh, mun thiengtho a thiempu na sem dinga maichâm kawma a chieh tak u leh a âk zel ding uh ahi; khutilochun gilo a ngaih hiu intin, thi kha’n au; zie chun Aron leh a nunga a suonte chanin le kumkhuo a dinga dân det hi’n a.

1 LENGTE 11:11

Zieziekchun, Lalpa’n Solomon kawmah chun, “Hitibang hin na na um ta a, ka thugawlh haw leh ka thu guot haw zawp dinga ka hun thupiek hi na na zawp ta puoh ngâl a, gam hi hun lak sak ngêi ngêi ing ka ting, na suok kawmah pie’ng ka.

SAM LEHKHABU THE PSALMS 73:20

Mi a khanlawh nunga mang a ngaihtam u tawbang in, Aw Lalpa na halh tieng leh amau haw lauhna chu ngaidau in la.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

THUCHINGTE 4:8

Chitna chuh limbawl inla, amah chun hun chawisâng in a, amah chuh na pawm phat leh, amah chun zahum takin hun siem in a.

THUCHINGTE 8:17

Ei lungsiet taphawt chuh ka lungsiet a, gunchuh taka ei hawl taphawt chun ei mudawk ngêi in au.

JEREMIA 29:32

Chun, ka mite dinga thilpha ka hih ding chule mu diek puo’n a! Lalpa chunga kiphinna thu a gen ziekin tih hi Lalpa kamsuok ahi,” ti’n thak ah, a ti a.

EZEKIEL 34:10

Lalpa Pathien chun hiti hin a tii: Ngaitiem u, belampute chuh ka kilanpih ahi; a khut u ah ka belamte lâksak ing ka ting, ka belamte a etkawlnau sutawp ing ka ting, belampute chuh amau leh amau kivâk ta hiel puo’n au; a kivâk nau ahih tâk lohna dingun, ka belamte chuh a kam u apat hukdawk ding ka hi ngâla,” ti’n.

1 LENGTE 2:27

Khutichun Solomon chun Abiathar chu Lalpa thiempu a hihna a haihsak ta a; Lalpa’n Shiloh khuo a Eli inkawte chungchâng thu a gen kha a guitun sak theihna dingin.

1 KHANGTHUBU 17:18

Na suok na limbawl chungchâng ahin David in bang a gen beh ta die! Na suok hi na hechien a,

2 KHANGTHUBU 26:18

A kawm achun, “Uzziah; Lalpa kawma gimlim hâlna dingin thuneihna na nei puoi. Aron suona thiempu te chauh chu zie hih ding a chu kawihchuom ahiu ui. Zie munthiengtho hi pawtsan vak in, Lalpa Pathien na dodal a, a vangsakna le changlo na hi tai,” a tiu a.

SAM LEHKHABU THE PSALMS 18:26

Mithiengthote kawm a chun thiengtho in na kilang a; Chun, mi genhakte kawm achun genhak in na kilang a.

THUCHINGTE 12:8

Mi chuh a pilna bang zelin pahchak in a um sek a, mi luhlulte vang chuh muhsit in um in au.

JEREMIA 49:15

Ngaitie, namte lak ah ka hun suneu a, mihingte muhsit in na um ta ngâla.

MALAKI 2:3

Ngaitiem u! na suonlepak teu chuh gawt ing ka ting, na kithawihna gancha êkteu chuh na maichang u ah tat ing ka ting, tichun, ka masang apat in hun paihmang ding ka hi.