1 SAMUEL 2:24 - PATHIEN LEKHABU THIENGTHO (BSI)

²⁴ Tamaizen an! Ka chapate: na chanchin u ka na het hi aphalo lam ngen ahi; Lalpa mite chu na sukkhelh sak uh ahi.

1 SAMUEL 2:24 ပူးပေါင်းရင်းမြစ်များ

1 LENGTE 15:26

Lalpa mitmuh in thil phalo tak a hih sek a, a pa lampi hawh chu amân le a hawh a, Israel te haw a gitloh sakna a, a gitlohna haw tawh.

1 LENGTE 15:30

Zie chu Jeroboam in a thilhih gitloh ziek leh, Israel chate gitlohna hih dinga a puih ziek a, Lalpa Israel te Pathien a suklungnat zieka tung ahi.

2 LENGTE 10:31

Himahlele, Jehu chun Lalpa Israel Pathien dân chu a lunggil cheng chengin a zawp puoh a; Jeroboam, Israel te haw thil hihgilo dinga puipa gitlohna kha a haihsan diek puoi.

PAWTDAWKNA 32:21

Chun, Mosi’n Aron kawm achun, “Ziehaw hin na chungah bang a hih u a, zie bang thil gilo nasatak mai hi a chung u a na tunsak ahi?” a ti a.

MALAKI 2:8

“Himahleh, lampi dik apat chun na petmang tau a. Na thu sinsakteu chun mi tampi a kisuihpaih sak zaw ta a. Levi te thuthun chuh na bawh sie tau hi, Lalpa’n a tii.

MATTHAI 18:7

Pûkna haw ziekin khawvel chung a gik hi! pûkna haw chuh hung um ding vang a hin; himahlele pûkna umsaktu chung chuh a gik hi!

NASEPTE 6:3

Khutichun, suohpihte haw, na laku ah Thagau Thiengtho leh chitna a dim, mi min pha ngen sagih teldawk un, amau haw chuh zie thil haw ngaihtuoh viel ding hin guot hitiu.

2 KORINTH 6:8

Limbawl leh sukmuolpho in ka um u a; gaih leh pahchakna ka tuok zel sek ui. Lepchieh a ngawh in ka um u a: thu diktak gen zing ngâl in;

1 TIMOTHE 3:7

Ziehaw lo chun le, sapchuom pawlama mite pahchak in le a um ding ahi, khutilochun, gensieta um in, Diabol thâng ah âwk kha’na.

2 PETER 2:18

Thu manloh leh thanghuoi tak takte chuh gen in, gitloh na lak apat taidawk tungte chuh, taksa utchakna lam achun a zawl lut sek ngâl uh a.

3 JOHAN 1:12

Demetria chun mi cheng cheng pahchak a lawh a, thutak mawng chun le a hetpih ahi. Chun, kei un le ka hetpih u a, ka hetpihnau hi a dik hi tih na hêi.

THUPHUON 2:20

Himahlele, demna ka hun nei hi, thiemgaunu kiti, Jezebel khah na thuok theih ziekun, amahnu chun, ka sawntawlawite chuh, kideihchakna thanghuoi leh, milim hona sa nekte a sinsak in, a puimang sek ngâl a.

1 SAMUEL 2:17

Khutichun, tangvalte gitlohna chu Lalpa mitmuh in anasa ta mah mah maia: mite’n Lalpa kawma kithawihna chu a ngaihnep lawh tau hi.

1 SAMUEL 2:22

Chun, Eli chuh ahung têk ten ta a; Israel te chunga a chapate thilhih chengcheng leh Lalpa hona puon-In kawtbul a numei nasem haw ana kuolpih sek thuu a hun he ta a.

1 SAMUEL 2:23

Tichun, a kawm u ah, “Bang zieka zie tawbang thil hi bawl na hiu hi? mipite chengcheng apat hin na thil phalo bawl dân hawu ka na he a.